وشەدان

سەرچاوە: نالی

وەضعی حەمل

لێ جیابوونەوەی سک، مناڵ بوون.

حوجرەکە ئاوس بو، وەعدەی بەهارێ بوو بزێ
وەضعی حەملی کەوتە پایز نابەکام و ناتەواو

سەرچاوە: نالی

وەفا

بەوەفا.

شاهیدی عەدله و وەفا، مەعدەنی صیدقە و صەفا
هاتووە دەرمان بکا قەلبی برینداری من

سەرچاوە: نالی

وەفای عەهد

گفت بەجێهێنان.

وەفای عەهدە له من ڕۆح و، له تۆ ماچ
چییه چارەی ئەمانەت غەیری تەسلیم

سەرچاوە: نالی

وەقوود

سووتەمەنیی.

ئەکثەر کەسینه، تابیعی بەرد و حەرارەتە
یەعنیی وەقوودی نارە، بوخاری موسەییەرە

سەرچاوە: نالی

وەلوەله

هاوار و فوغان.

له دەمی ناڵەیی زارم، دڵی پڕ زەمزەمەکەم،
وەلوەلەی حەلق و گەرووی « نالیی » له گەردوون بەدەرە

سەرچاوە: نالی

وەلێ

بەڵام

تۆزێ ئایینه ی سکەندەر وا به دەم باوە. وەلێ
گەردی دامانی غەریبانه لووری جامی جەم

سەرچاوە: نالی

وەکاشە

وەک ئاشە. قوففە، قوفە.

ڕۆژی بەفر و با وەک ئاشە ڕۆژی باران قوففەیە!
صاحیبی لازم که بیبێ سەوڵ و کاسێکی شکاو

سەرچاوە: نالی

وەی

بەڵا. وای، وەهای.

عادەتێکی هەیە هەرگیز لە کەسێ ناپرسێ
ظاڵمێکی وەیە قەط خەوفی خوداوەندی نییە

سەرچاوە: نالی

وەیس

ئووەیسی قەرەنیی، کە وەیسی مایدەشتیشی پێ ئەڵێن، یەکێکە لە تابیعین.

سەعادەت بوو بە نوور و صاعیدی ذەروەی هیدایەت بوو
عەلامەت نووری ئیمانی (بیلال) و (وەیس) و (سەلمان) ـە

سەرچاوە: نالی

وەیشووم

وەیشوومە، نەگبەتیی.

فەرقێکی نەکرد نەفسی نەفیسم بە عینایەت ،، وەحشیی لە ویلایەت
لەم گۆشەیی وێرانەیە هەر مامەوە وەک بووم ،، وەیشوومی وڵاتم

سەرچاوە: نالی

هەوەس

ئارەزوو.

عاشق هەوەسی مەیکەدەوو عیلمی بەسیطە
عاقڵ طەلەبی مەدرەسەوو جەهلی مورەککەب

سەرچاوە: نالی

ئاخیر و ئەووەل

هەموو وەچەکانی ئادەمیزاد لە سەردەمی هاتنی پێغەمبەرەوە تا ڕۆژی قیامەت.

موحەممەد، ئەحمەدی مورسەل، مونیری مینبەر و، مەحفەل
بەشیری ئاخیر و ئەووەل، نەذیری خوێش و بێگانە

سەرچاوە: نالی

ئەبرووەتی

ئەبرووتی.

باری غەمی جان ئەبرووەتی تیر و کەمان کرد
یەعنیی قەدەکەی ئەلفی منە ئیستە کە دالم

سەرچاوە: نالی

ئەحوەل

خێل، یەک بە دوو بین.

ئەحوەلی تەفرەقە نەظەر تەقوییەتی سەبەب دەکا
عاریفی وەحدەت ئاشنا لەم قسەیە ئەدەب دەکا

سەرچاوە: نالی

ئەعوەر

یەک چاو.

خۆی کردووە بە گەورە و و قەڕڕاڵی موڵکی تەن
پشت و وەزیری ئەو سەگە دەججالی ئەعوەرە

سەرچاوە: نالی

ئەنوەر

ڕووناکتر.

تەشبیهی حوسنی فائیقی، ئاخر، به چی بکەم!
نووری سونووحی طەلعەتی صەد لەوحی ئەنوەره

سەرچاوە: نالی

ئەوەم

ئەو، ئەم.

داری ئیراک و داری هیند هەردوو کە عوودە ئیسمیان
هەمدەمی سوننەتە ئەوەم مەیلی ئەبوولەهەب دەکا

سەرچاوە: نالی

بارەوەر

بارەبەر، بار هەڵگر.

زوڵف ئەگەر دووکه ڵه، دووکەڵ بەری گوڵناری نییە!
سەروە گەر قامه تی، کەی سەروی ڕەوان بارەوەرە؟!

سەرچاوە: نالی

بولهەوەس

ابوالهوس، ئارەزووباز، دەسبەتاڵ و پووچ و بێمایە.

هەم واریثی فەرهادم و هەم نائیبی مەجنوون
وا تێ مەگە، قوربان، کە گەدا، بولهەوەسێکم

سەرچاوە: نالی

تەنپەروەریی

خزمەتکردنی لەش.

گوتی تاجی عەرەب و، ئالی عەبا فەرموویان:
عەیبە تەن پەروەریی و نەرمیی و نازک بەدەنیی

سەرچاوە: نالی

تەوەققوف

وەستان. چاوەڕوانی.

ئایا مەقامی ڕوخصەتە لەم بەینە بێمەوە،
یا مەصڵەحەت تەوەققوفە تا یەومی نەفخی صوور؟

سەرچاوە: نالی

جیلوەدەر

ورشەبەخش.

ئەی جیلوەدەری حوسن و جڵەوکێشی تەماشا!
سەرڕشتەیی دین بێ مەدەدی تۆ نییە، حاشا

سەرچاوە: نالی

جیلوەگاە

جێگای دەرکەوتن و ورشەدانەوە.

چاوێ بخە لە سەبزەوو سێرابی دائیرە
جێ جیلوەگاهی چاوەکەمە نەرمە یا نە زوور؟

سەرچاوە: نالی

جەلوەتیی

نیسبەتە ئە پاڵ جەلوە، واتە نومایش و دەرکەوتن.

بە صوورەت: جەلوەتیی، غەرقی عەلایق هەروەکوو خەڵقیی
بە مەعنا: خەلوەتیی، مەستی موناجات و موجەڕڕەد بێ!

سەرچاوە: نالی

حەلاوەت

شیرینیی.

خرچێکی مودەووەر، بە عەسەل ئاوی درابێ
نەختێکی لەبەر حوسن و حەلاوەت قڵەشابێ؟!

سەرچاوە: نالی

خوسرەوی خاوەر

پادشای ڕۆژەڵات، کینایەیە لە خۆر.

عەجەب ئەستێرە شەو هەڵدێ لە تاوی خوسرەوی خاوەر
بە ڕووی تۆم دیدە هەڵنایێ شەو و ڕۆژ، ئەرچی بێدارم

سەرچاوە: نالی

خەلوەتیی

گۆشەگیر.

بە صوورەت: جەلوەتیی، غەرقی عەلایق هەروەکوو خەڵقیی
بە مەعنا: خەلوەتیی، مەستی موناجات و موجەڕڕەد بێ!

سەرچاوە: نالی

خەڵوەت

گۆشەگیریی صۆفییانە کە ماوەیەک لە ژوورێکدا ئەمێننەوە و ناچنە دەرەوە. ئەوە جۆرە خواپەرستییەکی صۆفییانە.

لە خەڵوەت هاتەدەر صۆفیی، گڵ و بەردی بەسەرما دا
مەکەن مەنعی لەبەر خەڵوە، ئەویش تازە غوروورێکە

سەرچاوە: نالی

خەڵوەتنشین

ئەوەی لە شوێنێکی چۆڵدا بەتەنها دائەنیشی خەریکی خواپەرەستی ئەبێ.

ئەگەر خەڵوەت نشین بێ، (جانی جانان) بێ ئەنیسی ئەو
وەگەر هیجرەتگوزین، ڕۆحی (عەزیزان) یاری غاری بێ!

سەرچاوە: نالی

خەڵوەتیی

ئەوەی بچێتە خەڵوەتەوە بۆ خواپەرستیی.

ئەی خەڵوەتیی مورائیی، بێ ڕەنگی خود نەمائیی
ڕەنگ زەردی عاشقیی به، نه ک زەردڕوو و شەقیی به

تۆڕی زاراوەپارێزیی وشەدان