تۆڕی زاراوەپارێزیی وشەدان

X
   
 
   


سەرچاوە: نالی
دەس گر
دیل، دەستگیر.

تا موعەییەن بێ کە زۆرن دەس گریی و دەس کوژی
فەرقی سەر، پەنجەی بە خوێناوی حەنا ڕەنگین دەکا
سەرچاوە: نالی
گریە
گریان

بۆ گریەیی تۆ ڕەنگە منیش هێندە بگریێم
گەوهەر بڕژێنین بە بوڵندیی قەد و باڵات
سەرچاوە: نالی
دیدەیی گریان
چاوێ کە بگریێت.

جۆشش و تابە لە نێو دیدەیی گریانمدا
چ تەنوورێکە لە تەندوورەیی طۆفانمدا
سەرچاوە: نالی
گرانبار
ئەوەی باری گرانی لەسەر شان بێ. باری قورس

ئەی نەفسی مورائیی چ گران باری، تەکالیف
بۆ خەلقی دەکێشی.. دە هەڕۆ ڕیش و جەدەو بە
سەرچاوە: نالی
گرانناز
ئەوەی نازی بە گران بکەوێتە سەر خەڵک.

ئەی شۆخی بێ نیاز و گرانناز و غەمزە سووک!
تیری موژەت نیشانەیی دڵ کون دەکا بە نووک
سەرچاوە: نالی
گردەک
تەپۆڵکەی بچکوڵەی سەر گرد.

یا گردەکی گردێکی کە شیرین هەڵیدابێ
گردی نمەکین، یەعنی گیای لێ نەڕووابێ
سەرچاوە: نالی
گریه
گریان.

تێدا ئوممێد و بیم و گریەوو سۆز
بەهار و پایز و زستان و هاوین
سەرچاوە: نالی
گریە
گریان، مەبەست فرمێسکه،

گریە به خوڕ دێتە خوار، هەروەکو عەینی بەهار
خۆش بووەتە ئابشار مەدمەعی سەرشاری من
سەرچاوە: نالی
ئاگرەسوور
کینایەیە له گورج و گوڵیی و دەستوبرد.

پەیامت هات و پەیکت ڕۆی، خەیاڵم نارد و نەیگەییێ
ڕەسووڵم کەوتە ڕێ، گرتی، هێنای وەک ئاگرەسوورە
سەرچاوە: نالی
بگرە بەردە
بگرە و بەردە، گێرە و کێشە.

دیسان لە بگرە بەردەیی گوڵچین و باغەبان
بولبول کەناری گرت و دڵی غونچە ڕاچنیی
سەرچاوە: نالی
بگرە و بەردە
کینایەیە لە هەرا و ئاژاوە و ئاگا نەبوونی کەس لە کەس.

سێمینە ئیلتیجام دەڵێم ئەی غەوثی عاصییان
هاواری بگرە بەردەیی ئاشووبی مەحشەرە
سەرچاوە: نالی
سەرگران
خەریک.

سەرگرانە قافڵە سالاری ڕێی چین و خەتا
چونکە باری عەنبەر و میسکە لە زولفەینی دو تا!
سەرچاوە: نالی
هەڵگرا
داگیرسا، شەوقی دایەوە.

هەڵگرا، وەک مۆمی کافووریی بە شەودا، موو بە مووم
دا سیاهیی ڕوو بخوێنم نوقطە نوقطە، خەط بە خەط

مافی لەبەرگرتنەوە © 2014 - 2024 وشەدان
پ‌.هـ.د پێوەندی هاوکێش وەرگرتنی قەدبڕی سایت