گلێنەی چاو.

نییه دیدەیی چ مەردوم، نییە مەردومی چ دیدە
لە فرووغی خەددی فاریغ، لە خەیاڵی خاڵی خاڵیی

له دوو وشەی (مەرز) و (بووم) پێکهاتووە که یەکەمیان واتە سنوور و دووهەمیان واتە ڕێ و شوێن و خاک و وڵات، ئیستا تێکڕا بەمەعنا وڵات و ناوچە بەکار ئەهێنرێ،

« نالیی » کەوا سەگی سەگی ئەو مەرز و بوومەیە
ئەمما سەگی موعەللەمی بێ دەنگ وبێ وەڕە،

داپۆشراو، شارراوە.

بە نەشئەی سستیی و مەستیی وەها مەستوور و مەخموورە
نزانم خەو لە چاوتدایە یا چاوت لە خەودایە!

ڕووتکراو.

برۆت تیغێکە کە وسمەی صەیقەل و مەسلوول و مووکارە
کە عیشوەی جەوهەرە، ڕەمز و ئیشارەی ئاوی مەودایە

بیانوودار.

من لەوانەم چیی کەوا ئەهلی وەسیلە و مەسئلەن
عامیل و ناچار و مەعذوور ئەر بڵێن هەر بێنە بۆم!

عەزڵکراو و لەکار خراو.

دڵم وەک حاکمی مەعزووله، قوربان!
خەڵاتی وەصڵی تۆی مەنظوورە ئەمشەو

ئاوەدانیی.

کونجی ڕاحەت، تاجی عیززەت خاریخی مەعموورەیە
کەندەبوو هەر بانگە بانگ و هودهودیش هاواریە

تێکەڵ لە مس و شتی وا. ناپاک. تێکچوو

نەقدی دڵێ کە ڕائیجی سەودایی تۆ نەبێ،
مەغشووش و کەم عەیارە و هەم قەڵب و هەم چرووک

مەقامی حەزرەتی ئیبراهیم، شوێنێکە لە کەعبە ئەڵێن ئیبراهیم نوێژی تیا کردووە.

مەقام و زەمزمەی حادیی، لە شەوقی کەعبە و حوجرەی
مەقام و زەمزەمە، وا ئوشتری هێنانە جۆلانە

کوژراو.

دامەنی پاکیی مەداری دائیرەی خامەک نییە
خوێنی مەقتوولانە وا دامێنی یاری گرتووە

فریشتەی گیانکێشان، عیزرائیل.

خاڵی نییە « نالیی » دڵەکەت ساتێ لە هیجران
تا تاری وجوودت نەپسێنێ مەلەکولمووت

بەندە. ئێمە وای بۆ ئەچین مەبەستی نالییی لە (مەملووک) یەکێ لە کۆیکەمەنە حوکمڕانەکانی بەغدا بێ و، مەعنای بەیتەکە وابێ کەوا کە بیستم دڵی (میران) واتە مەحموود پاشا بەسەر والیی مەمالیکیی بەغدادا ئاغا و حوکمڕانە و والیی وەک مەملووک و بەندەی وایە چیی لێ بوێ دەس بەروویەوە نانێ، لەخۆشییانا سەری گەورەیی و شانازیم گەیشتە ئاسمانی شین.

کولاهی فەخر و تەعظیمم گەیشتە چەرخی ئەطلەس ڕەنگ
کە بیستم قەلبی میرانم لەسەر مەملووکی ئاغایە

بەدبەخت.

دەسبەندیانە دێن و دەچن سەرو و نارەوەن،
یا حەڵقەیانە صۆفییی ملخوار و مەندەبوور؟

فەرمانی بڵاوکراوەی میریی.

چونکە مەنشووری گوڵەندامیی بە ناوی خۆی دەوێ
یار، ئەگەر لەو باغییانە کەس بمێنێ، عارە بۆی

تەماشاکراو.

کوڕ ئایینەیی حوسنی، تا وەک کچە، مەنظوورە
گرتی کە غوباری موو چینی کوڕ و مینا کچ

مەبەست.

دڵم وەک حاکمی مەعزووله، قوربان!
خەڵاتی وەصڵی تۆی مەنظوورە ئەمشەو

ڕووناک.

دورجێکی موجەوهەر کە هەموو حوسن و بەها بێ
دوڕڕێکی مونەووەر کە هەموو ئاوی صەفا بێ

خراوە لاوە و پشتگوێ خراو.

موسڵمانان دەپرسن حاڵی « نالیی »
له کونجی بێکەسیی مەهجوورە ئەمشەو

ئەوانەی ڕوویان وەک مانگ وایە.

ئەی میهری میهرەبان وەرە سەر بامی بامیداد
دا مەهڕووان ببن بە هیلالی شەوی میحاق

ئەوانه ی ڕوویان وەک مانگ جوانه.

ئەتۆ میهرییو مەهڕوویان ستارەن
له خزمەت شەوقی تۆدا شەوچرا چین؟!