وشەدان

سەرچاوە: نالی

خەرووس

کەڵەشێر.

گەر فەڕڕ و تاج و زینەت و شەوکەت وەفای دەبوو
بێ دەردیسەر دەمانەوە بۆ طاوس و خەرووس

سەرچاوە: نالی

دورووج

جەمعی دورجە واتە ئەو سندووقە بچکۆلەیەی کە ئافرەتان شتی گرانبەهای خۆیانی تیا هەڵئەگرن.

ئەی ئاهووی نادیدە بە تەئثیری مەهیبیی
یا گەوهەری ئەصدافیی و یاقووتی دورووجیی

سەرچاوە: نالی

دووباد

کرژ، توند و تێکسمڕاو، دژی خاو و خلیچک.

بن زک و جەبهەت سپیی، کلک ئێستر و دامەن سیا
یەککە تاز و سێ بڕ و، دوو باد و شەش دانگ و درێژ

سەرچاوە: نالی

دووخ

ئەویش هەر خەڕەکە. ئەبێ ئەو بەشەی بێ کە لۆکەکە ئەڕێسێ. تار

مەثەل دنیا ژن و، چەرخیش خەڕەک، دەم دەم بە دووخی غەم
ڕەگی تاری وجوودت با دەدا، هێشتاکو هەر خاوی

سەرچاوە: نالی

دوود

دووکەڵ.

تا سونبولی زوڵفت لە نیهالی قەدت ئاڵا
من دوودی هەناسەم گەیییە عالەمی باڵا

سەرچاوە: نالی

دوولانە

دووباد.

کەمەندی زوڵفی دوو لانە، لە بۆ گەبر و موسوڵمانە
دەکێشێ بێ موحابانە، چ لەملا بێ، چ لەولا بێ!

سەرچاوە: نالی

دوومینە

دووهەم.

دو و مینە ئیلتیجام ئەمەتە ئەو دەمەی دەبێ
ئەلواحی ئەڵحەدم بە زەنابیلی مەعطەرە

سەرچاوە: نالی

دوون

سووک و بێبایەخ و پەست. هیچو و پووچ

چەرخی چەپی گەردوونە، ڕاست و چەپی چەند دوونە
بێ چاکە چ بێچوونە، ڕاستیی لە چەپیی نایە

سەرچاوە: نالی

دەبوور

ڕەشەبا.

مەحوی قەبووڵی خاطری عاطر شەمیمتە
گەردی شیمال و گێژی جەنووب و کزەی دەبوور

سەرچاوە: نالی

دەستار ی دووهەم

مێزەرە.

شێخیی و سەر لنگە دەستاڕی بە دەستاری بوزورگ
ڕەندم و، دەستاری کەلـلەی من دەفە، نەک میندەفە

سەرچاوە: نالی

دەم ی دووهەم

هەناسە.

دوێنێ چ بو دەتدا به زوبان لافی کەرامەت؟!
ئەمڕۆ نەدەمت بوو، نه دەمت بوو، نە دەمت بوو!

سەرچاوە: نالی

دەندووک

نووک.

سەری فەرهادم و دەندووکی قوڵنگ
دەستی مەجنوونم و دامێنی چیا

سەرچاوە: نالی

دەیجوور

شەوی زۆر تاریک و درێژ.

شەوی یەلدایە، یا دەیجوورە ئەمشەو
که دیدەم دوور له تۆ بێ نوورە ئەمشەو؟!

سەرچاوە: نالی

زار ی دووهەم

ناڕەحەت.

گوتم: ئایا بە زاری خۆت دەپرسیی حاڵی زاری من؟
برۆی هێنایە یەک، وەک شکڵی (لا) یەعنی کە بێ زارم

سەرچاوە: نالی

زوود

زوو.

پڕجەفایە، بێ وەفایە، زوود جەنگە، دێر صو ڵح
صەد درێغ و حەیفە طە بعی ڕۆژگاری گرتووە

سەرچاوە: نالی

زووڵفی بەهلوولیی

زووڵفی ئاڵۆز و پرژ و بڵاو. لەوەوە هاتووە کە (بەهلوول) بە شێت و بەرەڵڵا ناوبانگی دەکردووە.

پەرچەمی سونبولیی و، قەددی (قضيب البان) یی
زوڵف بەهلوولیی و، خەط زەنگیی و، وەجهی حەسەنە

سەرچاوە: نالی

زووەم

زوو ئەم.

بێ فائیدەیە مەنعی من ئێستاکە لە گریان
بۆ عاشقی بێچارە زووەم ئاوە ڕژاوە!

سەرچاوە: نالی

زەبوون گیریی خوێنم

خوێنی بە داماوی و بێکەسی کوشتنم.

ئالوودە نەبێ دا، بە زەبوونگیریی خوێنم
بۆ کوشتنی من دامەنی پاکی لە کەمەر دا

سەرچاوە: نالی

زەقووم

خۆراکی دۆزەخییەکان.

تا نەشئه نەچێژن له لەبی کەوثەری ساقیی،
بێچارە چوزانن که هەموو مەستی زەقوومن

سەرچاوە: نالی

زەنبوور

مێش هەنگ، مەبەست لێی ئارەزووی بنیادەمە.

بە غەیری (عەن) کە لە بۆ نەزع و عەزلی زەنبوورە
کە ژاری ماری نەچێژی عوسەیلەیی هەنجیر

تۆڕی زاراوەپارێزیی وشەدان