ڕێکوپێک.

لە سایەی قەددی مەوزوون و دوو زوڵفی
لە « نالیی » و شیعر و تەسویدی نەما باس

شاراوە.

لە قورئاندا بە (ما اُخْفِی لَهُمْ) مەکتووم و مەختوومە
بەیان نابێ بە تەفسیری دوصەد (کەششاف) و (بەیضاویی)

شکاو.

گوتم: قوربانی تۆ من بم، گوتی: قوربانی تۆ سەگ بێ
گوتم: شیشەی دڵم ناتۆی؟ گوتی: بۆ چییە؟ مەکسوورە *

مەکۆ.

ڕایێڵ و تار و پۆیی کولووی بەفرە، ئابشار
با بای دەدات و ماسییی پێدا دێ وەک مەکووک

پێ بە ڕز ق و ڕۆزی. ئەڵێن ساڵی مەیموون ساڵێکی پڕ خێر و بەرەکەتە. یاخود پێ وەک پێی مەیموون.

مل عەلەم، شیرین قەلەم، ئاهوو شکەم، مەیموون قەدەم
سم خڕ و کلک ئێستر و مەنزل بڕ و عارەق نەڕێژ

جەمعی نەجمە واتە ئەستێرە.

ماهی من تەنها مەهێکە صەد نوجوومی مەحو کرد
یاری من تەنها گوڵێکە صەد هەزاری گرتووە

ئەستێرەکان.

ئەو سێبەرە که عاله می عولووی له نوورییه
شەمس و نوجووم هەر چی لەواندا موقوڕڕەڕە

ڕۆژی قیامەت کە هەموو زیندووان ئەمرن.

ئایا بە جەمع و دائیرەیە دەوری (کانی با) ،
یاخۆ بووە بە تەفریقەیی شۆڕش و نوشوور؟!

ئاهەک و زڕنیخی تێکەڵ یەککراو.

له دڵدا ئاتەشی عیشقت بڵێسەی میثلی تەندوورە
شەطی ئەشکم نەبێ مانیع، دەسووتێم دەبمه کۆی توورە

فووکردن بەو کەڕانایەدا کە مردووی پێ زیندوو ئەکرێتەوە لە ڕۆژی قیامەتدا.

لەم فەیضی نوورە هەرچی کەوا نارە مردووە
بەم نەفخی صوورە هەرچی کە خاکە ژیایەوە

یاری باڵا وەک داری شمشاڵ بەرز.

وەرە، موطریب، به کوێریی چاوی ئەغیار
صەدای نەی دێ، ص ەدای نەی دێ، صەدای نەی

دوو فریشتە بوون، ناو و باسیان له قورئانیشدا هاتووە، خەڵکیان فێری سیحر کردووە، پاشان خوا غەزەبی لێ گرتوون له بیرێکا له (بابل) سەرەو خوار هەڵیواسیون و تا ڕۆژی قیامه ت هەروا ئەمێننەوە و هەمیشە تینوویانه، بەڵام هەرچی ئەکه ن دەمیان ناگاتە ئاوی بنی بیرەکە..

ڕەقیب و موددەعی فیتنه و عیلاقەی چاوی جادووتن
له گۆشەی گۆشەوارەت نائیبی هارووت و مارووتن

دەشت و بیابان.

سوروشکی من کە لێڵاوە، غوباری کۆە و هاموونە
وەرە سەرچاوەکەم بنواڕە، وەک ئاوێنە، چەند ڕوونە!

ئاشکرا.

حوکمی قانوونی صەفا ڕۆییی له ڕەومی ڕوومەدا
تا هووەیدا بوو له ڕۆما گەردی ئاشووبی عەجەم

ماددە.

لەکن ئەو جەوهەرە فەردە لە هەیولا نییە باس
لە حیکەم پەروەرییی بوو عەلی سینا نییە باس

گیان، لەش.

زەمانە چەرخ و، چەرخی ئاسمانیشی، فەلەک فیلکە
سەری ڕشتەی وجوودی چەندە باداویی و هەر ماوی

بوون. ذات.

ئەگەر عالەم ببێتە خەلعەتی تەشریفی سەرتاپای،
وجوودی بێ وجوودی بێ موباهات و موجەڕڕەد بێ!

سووتەمەنیی.

ئەکثەر کەسینه، تابیعی بەرد و حەرارەتە
یەعنیی وەقوودی نارە، بوخاری موسەییەرە

وەیشوومە، نەگبەتیی.

فەرقێکی نەکرد نەفسی نەفیسم بە عینایەت ،، وەحشیی لە ویلایەت
لەم گۆشەیی وێرانەیە هەر مامەوە وەک بووم ،، وەیشوومی وڵاتم

شایی. ڕەنگی سوور.

لاکین ئەمە دونیایە، گەهێ سوورە، گەهێ شین
لایُسألُ مَن عاشَ، وَ مَن مات، و مَن فات؟!