گوزەر، تێپەڕین.

قوربانی تۆزی ڕێگەتم ئەی بادی خۆش مروور!
ئەی پەیکی شارەزا بە هەموو شاری (شارەزوور)!

مێروولە.

ئەو غاری یارە ئیستە پڕ ئەغیارە، یا نە خۆ
هەر غاری یارە، یا بووەتە غاری مار و موور؟

سەرخۆش و بەدمەست.

ناوی مەخمووران نەبەی (« نالیی »! له نێو
حەڵقەیی واعیظ، لەوێن جاسووسیان!

مەیزەدە، سەرخۆش. مەست.

بە نەشئەی سستیی و مەستیی وەها مەستوور و مەخموورە
نزانم خەو لە چاوتدایە یا چاوت لە خەودایە!

داپۆشراو، شارراوە.

بە نەشئەی سستیی و مەستیی وەها مەستوور و مەخموورە
نزانم خەو لە چاوتدایە یا چاوت لە خەودایە!

سوپاسکراو.

شەعائیر یەک بەیەک مەسرووری سیڕڕی غەیبی لاڕەیبیی
مەساعیی سەربەسەر مەشکووری دەرکی بەیتی باریی بێ!

بیانوودار.

من لەوانەم چیی کەوا ئەهلی وەسیلە و مەسئلەن
عامیل و ناچار و مەعذوور ئەر بڵێن هەر بێنە بۆم!

حوسەینی کوڕی مەنصووری حەللاج، یەکێکه له خواناسانی بەناوبانگی سەدەی سێهەمی کۆچیی. که وەجدی صۆفییانه ئەیگرت دەستی ئەکرد به هاواری (انا الحقّ)). سەرنجام لەسەر قسەی مەلاکانی بەغدا گیرا و هەشت ساڵ خرایە بەندیخانه وە، له سەردەمی خەلیفە ئەلموقتەدیری عەبباسیدا له زیندان هێنایانه دەرەوە و هەزار داریان لێدا و هەردوو قاچیان بڕییەوە و لاشەکەشیان سووتاند، ئەڵێن گوایە که خوێنەکەشی ئەڕۆیشت ڕستەی (انا الحقّ)) ی ئەنووسیی.

سوروشکم نەقشی چاوی تۆ دەکێشێ
جێگەم سەر دارەکەی (مەنصور) ە ئەمشەو

بەدبەخت.

دەسبەندیانە دێن و دەچن سەرو و نارەوەن،
یا حەڵقەیانە صۆفییی ملخوار و مەندەبوور؟

فەرمانی بڵاوکراوەی میریی.

چونکە مەنشووری گوڵەندامیی بە ناوی خۆی دەوێ
یار، ئەگەر لەو باغییانە کەس بمێنێ، عارە بۆی

تەماشاکراو.

کوڕ ئایینەیی حوسنی، تا وەک کچە، مەنظوورە
گرتی کە غوباری موو چینی کوڕ و مینا کچ

مەبەست.

دڵم وەک حاکمی مەعزووله، قوربان!
خەڵاتی وەصڵی تۆی مەنظوورە ئەمشەو

خراوە لاوە و پشتگوێ خراو.

موسڵمانان دەپرسن حاڵی « نالیی »
له کونجی بێکەسیی مەهجوورە ئەمشەو

شکاو.

گوتم: قوربانی تۆ من بم، گوتی: قوربانی تۆ سەگ بێ
گوتم: شیشەی دڵم ناتۆی؟ گوتی: بۆ چییە؟ مەکسوورە *

ڕۆژی قیامەت کە هەموو زیندووان ئەمرن.

ئایا بە جەمع و دائیرەیە دەوری (کانی با) ،
یاخۆ بووە بە تەفریقەیی شۆڕش و نوشوور؟!

فووکردن بەو کەڕانایەدا کە مردووی پێ زیندوو ئەکرێتەوە لە ڕۆژی قیامەتدا.

لەم فەیضی نوورە هەرچی کەوا نارە مردووە
بەم نەفخی صوورە هەرچی کە خاکە ژیایەوە

شایی. ڕەنگی سوور.

لاکین ئەمە دونیایە، گەهێ سوورە، گەهێ شین
لایُسألُ مَن عاشَ، وَ مَن مات، و مَن فات؟!

پیرمەسوور، گەڕەکێکی سوله یمانییە.

شَوانیِ (سُلَیمانیِ) و صَبایْ (پیرْ مَصورَ) کَیْ
کِوانیِ (قَرَەداغٌ) و هَوایْ (دارِ زَرْدِ) ەِ

پیر مەنصوور، پیاو چاکێک بووە شەخسەکەی لە داوێنی گەڕەکی مەڵکەندییەوەیە، ئیستا بەو دەوروبەرە ئەڵێن گەڕەکی پیر مەسوور. شوێنەواری گۆڕستانی دەوروبەری شەخسەکە خەریکە کوێر ئەبێتەوە و هەمووی کراوە بە خانوو، بەڵام شەخسەکە خۆی ماوە و دارێکیشی بە سەرەوەیە، دیوارێکی بە دەورا کراوە. وادیارە دارەکەی پیر مەسوور لە سەردەمی نالیییدا دارێکی گەورە بووە و وەک هەموو شەخسەکانی کوردستان ئاڵا و پەڕۆیەکی زۆری پێوە بووە و بەهاران جێگای کۆبوونەوەی کوڕ و کچی شۆخی شار بووە، بۆیە نالییی وا بە سۆزەوە ناوی ئەبا.

داخۆ دەروونی شەق نەبووە (پردی سەرشەقام) ؟!
پیر و فوتادە تەن نەبووە (داری پیرمەسوور) ؟!

گیایەکی بۆنخۆشی کێوییە، بەڵام لە شوێنی وەک سەرچنار ناڕوێ، وا دیارە نالییی هەر بۆ وەزنی شیعر هێناوێتی. دووریش نییە مەبەستی هەنار و چنار و چنووری ڕاستەقینە نەبێ، بەڵکو کینایە بن لە کچی باڵا بەرز و بۆن خۆش و مەمکی خڕ، چونکە سەرچنار لەمێژە سەیرانگای خەڵکی سولەیمانییە و شۆخەکانی شار هەمیشە تیا کۆ ئەبنەوە.

ئەمجا مەوەستە تا دەگەییە عەینی (سەرچنار)
ئاوێکە پڕ لە نار و چنار و گوڵ و چنوور