تۆڕی زاراوەپارێزیی وشەدان

X
   
 
   


سەرچاوە: نالی
فەردا
سبەینێ.

ئەستێرە هەموو مەحوە لە نێو نووری قەمەردا،
یا شەمسی جەماڵت شەوی گێڕاوە بە فەردا؟
سەرچاوە: نالی
فەرهاد
فەرهادی دڵداری شیرین.

سەری فەرهادم و دەندووکی قوڵنگ
دەستی مەجنوونم و دامێنی چیا
سەرچاوە: نالی
جەوهەری فەرد
ئەو ماددە بچکۆلەیەی بەشکردن هەڵناگرێ. بەرابەرەکەی جەوهەری مورەککەبە.

لەکن ئەو جەوهەرە فەردە لە هەیولا نییە باس
لە حیکەم پەروەرییی بوو عەلی سینا نییە باس
سەرچاوە: نالی
فەرد
تاقانه.

لەگەڵ مورغی چەمەن « نالیی » دەناڵێ
که یەعنی عاشق و هەم فەرد و فەردین
سەرچاوە: نالی
فەرش
ڕایەخ.

فەرشی کەففی بەری پێتە نەرگس
سەری داخستووە وەک چاوی حەیا
سەرچاوە: نالی
فەرش
تۆپی زەوی.

چ نوورێکە لە حوجرەی ڕەوضەدا وا قائیمە قوببەی،
قەوامی عەرش و فەرش و قەلبی ئینس و قالەبی جانە!
سەرچاوە: نالی
فەرضەن
فرضا، گریمان، با وای دانێین.

وەرە ئەم نیکتەیە من پێت بڵێم « نالیی » ئەگەر فەرضەن
هەموو دنیات ببێ، هێشتاکو هەر حەیران و داماوی
سەرچاوە: نالی
فەرع
لق.

تا چەمەن پیرا لەسەر، ئەصڵی درەختی لانەدا،
فەرعی تازە، خوڕڕەم و بەرز و بوڵەند باڵا نەبوو
سەرچاوە: نالی
فەرق
تەوقەسەر.

فەرقێکی هەبێ: داخڵی میحرابی ڕەجا بێ
چاوێکی هەبێ: غەرقەیی فرمێسکی بوکا بێ
سەرچاوە: نالی
فەرقی سەر
تەوقی سەر.

تا موعەییەن بێ کە زۆرن دەس گریی و دەس کوژی
فەرقی سەر، پەنجەی بە خوێناوی حەنا ڕەنگین دەکا
سەرچاوە: نالی
فەرهاد
دڵداری شیرین و بە هەر بەدبەختێکی هاوارکەریش ئەڵێن و لە وشەی (فەریاد) یشەوە نزیکە.

لە شیرینیی ئەتۆ، ئەی خوسرەوی تەختی زەمین، ڕەنگە
بگاتە ئاسمانی بێستوون فەرهادی هاوارم
سەرچاوە: نالی
فەرەق
فەراق، تەق، تەقینەوە. سەرچاوەکەی هەر وشەی (فیراق) ـە. ئەشگونجێ به مەعنا هەڵچوون بێ و سەرچاوەکه ی وشەی (استفراغ) بێ،

دڵ شیشەیی پڕ خوێنی فیراقی، فەرەقی بوو
مەکسووری ڕقی بەو دڵی وەک بەردی ڕەقی بوو
سەرچاوە: نالی
هەم فەرد
هاوسەر و هاودەرد.

لەگەڵ مورغی چەمەن « نالیی » دەناڵێ
که یەعنی عاشق و هەم فەرد و فەردین
سەرچاوە: نالی
بفەرما
وشەیەکی فارسییە واتە فەرمو.

حیرەتزەدە وا دیدە وەکوو حەلقەیی دەر ما
بێ مایە نییە عاشیقی بێچارە، (بفرما)!*
سەرچاوە: نالی
سەفەرمام
سەفەرمدام.

ئەفەس هەروا لە ڕێدا دێت و نایێ
لە سەیر و مەیری ئەسبابی سەفەرمام
سەرچاوە: نالی
ئەصفەر
زەرد.

لەو کێشە کێشەیەدا کەوا ڕەش سپیی دەبێ
لەو کێش کێشەیەدا کەوا ئەحمەر ئەصفەرە
سەرچاوە: نالی
ظەفەر
دەست کەوتن.

« نالیی » بە ئومێدی ظەفەری طەوقی تەلیسمت
ماری سڕی زولفت لە سەر و گەردنی ئاڵا
سەرچاوە: نالی
غەضەنفەر
بەسام وەک شێر.

ئەو ڕۆژی ئاخیرەی کە چ ڕۆژی لە دوو نییە
ڕوو ترش و قەمطەریر و عەبووس و غەضەنفەرە
سەرچاوە: نالی
قاطیعی ڕێگەی سەفەر
ڕێگەی سەفەری ئەبڕی. یاخود بووبو بە چەتری ڕێگەی سەفەر، مەبەست لەوەیە ئەوەندە تیژڕەو بو، ئەتوت ڕێگەی سەفەر تاڵان ئەکا، یاخود ڕێگای سەفەر لە ترسی ئەو نەمابو، واتە ئەوەندە زوو تەی ئەبوو بە هۆی ئەوەوە.

عاقڵێ بوو ناوی کەر بو، قاطیعی ڕێگەی سەفەر
خۆش سلووکتر بوو لە صەد وێڵداشی هەرزە و گێژ و وێژ
سەرچاوە: نالی
موظەففەر
سەرکەوتوو.

گۆچانی غیرەتت لە ملمدا موعەوذە بێ
تا موژدە دێ کە نووری یەقینم موظەففەرە
سەرچاوە: نالی
مێشکی ئەذفەر
میشکی پوختە و بۆن خۆش.

طەیبه که یەعنی عەکسی بەقیعی هەموو عەبیر
طەیبه که یەعنی مایەیی ئەو ئەو میشکی ئەذفەرە
سەرچاوە: نالی
مەحفەر
جێگای چاڵ هەڵکەندن، گۆڕستان.

ڕۆژی قیامەتی (فاذا هم قیام) و، شەخص
قائیم چەقیوە، کێلە، لەسەر خاکی مەحفەرە
سەرچاوە: نالی
گورگی سەفەر
وەک گورگ ڕاکەر لە سەفەردا.

کەللە وەک جەڕڕەی شەرابی پڕ نیشاط و تەڕ دەماغ
شێری نەڕ، ئاهوویی بەڕ، گورگی سەفەر، قەمچیی نەچێژ

مافی لەبەرگرتنەوە © 2014 - 2025 وشەدان
پ‌.هـ.د پێوەندی هاوکێش وەرگرتنی قەدبڕی سایت