وشەدان

سەرچاوە: نالی

شک

گومان.

بێش و کەم بێ شکەم و حیرص، وەکوو طیفلی ڕەضیع
زاوییە بێشکەم و بێ شکم و بێ حییەلم

سەرچاوە: نالی

ئاهوو شکەم

ناوقەد باریک وەک ناوقەدی ئاسک.

مل عەلەم، شیرین قەلەم، ئاهوو شکەم، مەیموون قەدەم
سم خڕ و کلک ئێستر و مەنزل بڕ و عارەق نەڕێژ

سەرچاوە: نالی

شکار

ڕاو، ڕاوکراو. لێرەدا مەبەست مەعنای دووهەمه.

شکاری وەحشییان بەس دەستەمۆ کەن
نەوەک بەر بێ شکاری خانەزاتان

سەرچاوە: نالی

شکاریی

ڕاویی.

ئەی خەستەیی چاوت هەمو ئاهوویی تەتاریی!
وەی بەستەیی زوڵفت هەمو شێرانی شکاریی!

سەرچاوە: نالی

شکاف

ئاوریشمی کلافەکراو. درز. لەت.

شکافێکه کڵافەی نافی زوڵفت
دەڕێژێ میسک و عەنبەر لێرە تا چین

سەرچاوە: نالی

شکستە

ئەو زوڵفەی ڕاست نەبێ، لوول بێ.

پەرێشان و شکستە و سەرنیگوون داماوە زولفەینی
تومەز بادی صەبای چین و خەطای لێ داوە زولفەینی

سەرچاوە: نالی

شکستە

شکاو، تێکەڵ و پێکەڵ.

لەشکری خەططی شکستە و، تیپی زوڵفی تار و مار
پادشاهی حوسنی عالەم گیری هێشتا غالیبه

سەرچاوە: نالی

شکستە

جۆرە خەتێکی فارسییە بە ئاسانی بۆ هەموو کەس ناخوێنرێتەوە و کەسی شارەزای ئەوێ.

طوڕڕەت وەکو تۆماری شکستە و سەری کوڵمت
بۆ نووری سەوادم بووەتە شەمعی موتاڵا

سەرچاوە: نالی

شکۆف

شکۆفە، هەڵاڵەی درەخت.

تیپی شکۆفە، خەیمەیی داوە لە هەر طەرەف،
یا شاهی نەوبەهارە، هەڵی داوە هۆردوێ؟!

سەرچاوە: نالی

شکۆفە

گۆپکە، هەڵالە.

نەخلی باڵات نەوبەرە، تازە شکۆفەی کردووە
تۆ کە بۆی شیرت لە دەم دێ، ئەم مەمەت کەی کردووە!

سەرچاوە: نالی

شکۆفە

پشکووتوو.

نەجم و شەجەر و نەرگس و ئەنواری شگۆفە
جیلوەی چەمەنن، یەعنی زەمین بوو بە سەماوات

سەرچاوە: نالی

شکۆفە

خونچە. گوڵی درەختی بەردار.

صۆفیی ! وەرە ئەسەیری ظوهووراتی باغ و ڕاغ
لایێ هەموو شکۆفەوو، لایێ هەموو گوڵووک

سەرچاوە: نالی

شکەم

سک.

بێش و کەم بێ شکەم و حیرص، وەکوو طیفلی ڕەضیع
زاوییە بێشکەم و بێ شکم و بێ حییەلم

سەرچاوە: نالی

شکەنج

پێچ و لوولی زوڵف.

شکەنجی تاری پڕ میشکی تەتار و تارە، ئەمما ئەو
دوتا و، هەر تایە بارێکی لە عەنبەر ناوە زولفەینی

سەرچاوە: نالی

شکەنج

ئاڵۆزیی و باخواردن و شکانەوەی زوڵف.

شکەنجی عەرض و طوولی پێچی زوڵفت بێ سەرەنجامە
مەثەل طوولی ئەمەل، عومری خضر، زنجیری سەودامە

سەرچاوە: نالی

پێچ و شکەن

لوول و تێکشکاوە. چەمیوە و ئەڵقە و ئەڵقە.

ئەو سیلسیلە وا میشگی خەتا نێوی براوە،
پڕ پێچ و شکەن، خەم بە خەم و، حەڵقە کراوە،

سەرچاوە: نالی

ڕ ێ شکاندن

هاتوچۆکردن.

یا توربەتێ، یا غوربەتێ با ڕێ بشکێنین
هەر مونتەظیرە « نالیی » ئەگەر مرد و ئەگەر ما

سەرچاوە: نالی

ئاشکار

دیاری.

نەظمی « نالیی » میثلی ئاو و ئاوێنە ڕەنگی نییە
دوو ڕووە بۆ سەیری خاطر: یەک خەفی و یەک ئاشکار

سەرچاوە: نالی

ئەشکبار

فرمێسکاویی.

بە کوێریی دوور لە (نووریی) مایەوە « نالیی » لەمێ، یاڕەب!
فویووضی تۆزی ڕێگەی کوحلی چاوی ئەشکباری بێ!

سەرچاوە: نالی

ئەشکی ڕەوان

فرمێسک. کینایەیە لە (ئاو).

دێوانە کە زانیی کە دەبێ عوقدەگوشا بێ
هەستاوو گوتی: ئەشکی ڕەوانم بە فیدا بێ!

سەرچاوە: نالی

ئەشکەنجە

ئازار.

« نالیی » مەثەلی حاڵی لە ئەشکەنجەییی غەمدا
وەک ناڵە لە نەیدا، وەکو نالە لە قەڵەمدا

سەرچاوە: نالی

بێشکە

بێشکەی مناڵ.

بێش و کەم بێ شکەم و حیرص، وەکوو طیفلی ڕەضیع
زاوییە بێشکەم و بێ شکم و بێ حییەلم

سەرچاوە: نالی

غونچە پشکوت

خونچە پشکووتوو، دەمکراوە.

وەرە نێو بەزمی گوڵزاران و گوڵ زاران، تەماشاکه:
سەراسەر پێکه نینی گوڵ، لەبالەب غونچە پشکووتن

سەرچاوە: نالی

موشکیل

زەحمەت،

ئەم سەرسەری بازانه کەوا هەمسەری بوومن
موشکیل، بگەنه ساعیدی شاهێکی وەکوو من

سەرچاوە: نالی

موشکین

موشکاوی، بۆنخۆش وەک کەسێک موشکی لە باخەڵدا بێ.

یەعنی ڕیاضی ڕەوضە کە تێدا بە چەن دەمێ
موشکین دەبێ بە کاکۆڵی غیلمان و زوڵفی حوور

سەرچاوە: نالی

موشکین نەفەس

ئەوەی هەناسەی بۆنی موشک بدا.

شەو هات و ئەمن مەستی خەیاڵاتی کەسێکم
مەشغووڵی نەفەس گرتنی موشکین نەفەسێکم

سەرچاوە: نالی

میشکات

تاقێکە دیوەودەر نەبێ.

بەم کاسە لەسەر پەنجە دەڵێن: نووری عەلا نوور
ڕەخشانە لە میشکاتی قەدەحدا وەکو میصباح

سەرچاوە: نالی

میشکات

دەلاقەی نادیوەودەر کە چرای تیا دائەنرێ.

جامی تاقی مەیکەدە میشکاتی قیندیلی دڵە
شیشە پڕ قەرقەف لە ڕەفڕەف شاهی عالی ڕەفڕەفە

سەرچاوە: نالی

میشکی تەتار

جۆرە میشکێکە ناوبانگی بۆنخۆشیی دەرکردووە.

شکەنجی تاری پڕ میشکی تەتار و تارە، ئەمما ئەو
دوتا و، هەر تایە بارێکی لە عەنبەر ناوە زولفەینی

سەرچاوە: نالی

مێشکی ئەذفەر

میشکی پوختە و بۆن خۆش.

طەیبه که یەعنی عەکسی بەقیعی هەموو عەبیر
طەیبه که یەعنی مایەیی ئەو ئەو میشکی ئەذفەرە

سەرچاوە: نالی

مەشکور

سوپاسکراو.

شەعائیر یەک بەیەک مەسرووری سیڕڕی غەیبی لاڕەیبیی
مەساعیی سەربەسەر مەشکووری دەرکی بەیتی باریی بێ!

سەرچاوە: نالی

نەوشکۆفە

تازە گوڵ کردوو.

هەنجیری نەو شکۆفە کە پڕ بوو لە شیری صاف،
طیفلی عینەب شکۆفەیی کرد و ڕشایەوە

سەرچاوە: نالی

وشکە صۆفیی

ئەو جۆرە صۆفییانەی کە مەسەلەی ئایینیان بە شێوەیەکی زۆر وشک گرتووە و لەئاستی سادەترین ڕابواردنی حەڵاڵدا چاوپۆشیی پیشان نادەن.

بنواڕە وشکەصۆفیی و ڕەقصی بە هەلهەلە
دیسان لە بەحری وشکی هەوا کەوتە پێمەلە

سەرچاوە: نالی

وشکەمەلە

مەلە له شوێنی بێئاوا.

« نالیی » له هەوا کەوتە سەما، بوو به شەناوەر
بەو وشکە مەلە بیمی هیلاکی غەرقی بوو

تۆڕی زاراوەپارێزیی وشەدان