وشەدان

سەرچاوە: نالی

سەرشار

لێشاوکردوو.

گریە به خوڕ دێتە خوار، هەروەکو عەینی بەهار
خۆش بووەتە ئابشار مەدمەعی سەرشاری من

سەرچاوە: نالی

سەرشەقام

گەڕەکێکە لە گەڕەکەکانی بەشی خوارووی سولەیمانی.

داخۆ دەروونی شەق نەبووە (پردی سەرشەقام) ؟!
پیر و فوتادە تەن نەبووە (داری پیرمەسوور) ؟!

سەرچاوە: نالی

سەرقەتار

سەرقافڵە.

ئەسیری سیلسیلەی بەندی مەهاری سەرقەتارت بم
کە دەمکێشێتە ڕەوضەی حەی وەکوو مەجنوونی دێوانە

سەرچاوە: نالی

سەرمایە

وەک ئەتوانرێ بە (سەرما) مەعنای لێ بدرێتەوە، بۆ ئەوەش ئەشێ بەمجۆرە بخوێنرێتەوە

نیشانەی فەخرە بۆ من گەر بە سەر بێم نەک بە پێ، ئەمما
بە مەرگی تۆ قەسەم، شاهم! ، عوذر مەسمووعە، سەرمایە

سەرچاوە: نالی

سەرمیچ

سەقف،

دوودی سەر میچی گوڵەنگی لەتلەتی دەسرازە کۆن
بان و دیواری به میثلی لانکەی ئەجزا شکاو

سەرچاوە: نالی

سەرنگون

ون.

سم وەکوو یەشم و لە پەشم و تووکی پێدا سەرنگوون
چاو وەکوو بیجادە یا دوو شەو چراغی شوعلە ڕێژ

سەرچاوە: نالی

سەرنگوون

سەرەوخوار بووەوە.

پەرێشان و شکستە و سەرنیگوون داماوە زولفەینی
تومەز بادی صەبای چین و خەطای لێ داوە زولفەینی

سەرچاوە: نالی

سەروکار

سەرپەرشتی.

لایەک (زەبانییە) لە لەسەروکاری نارە، نار
(هل من مزید) زوبانیە وەک ماری ئەژدەرە

سەرچاوە: نالی

سەرچاوە

ئەگەر ناوی شوێنێکی تایبەتیی نەبێ، تێکڕای سەرچاوە و کانیی و ئاو. دێوانە

دڵی « نالیی » کە ئەنیسی (قەرەداغ) ە، ئێستەیش
داغی (سەرچاوە) و (دێوانە) یی دار و دەوەنە

سەرچاوە: نالی

سەرچنار

کانی و سەراوێکە حەوت کیلۆمەترێک لە سولەیمانییەوە دوورە. جێگای ڕابواردنی خەڵکی شارە.

ئەمجا مەوەستە تا دەگەییە عەینی (سەرچنار)
ئاوێکە پڕ لە نار و چنار و گوڵ و چنوور

سەرچاوە: نالی

سەرڕشتە

سەرتاڵ، سەرەتا.

ئەی جیلوەدەری حوسن و جڵەوکێشی تەماشا!
سەرڕشتەیی دین بێ مەدەدی تۆ نییە، حاشا

سەرچاوە: نالی

سەرکەش

یاخیی و مل بەرز.

بە سەروم وت کە ڕاستە سەرکەش و بەرزی، کەچی لەرزیی:
کە فەرقیشم بگاتە ئاسمان بەندەی قەدی یارم!

سەرچاوە: نالی

سەرکەشی

یاخیگەریی.

بونیانی کیبر و سەرکەشییە طاقی کیسرەوی
دانانی ظوڵم و ڕووڕەشییە تەختی ئابنووس

سەرچاوە: نالی

سەرگران

خەریک.

سەرگرانە قافڵە سالاری ڕێی چین و خەتا
چونکە باری عەنبەر و میسکە لە زولفەینی دو تا!

سەرچاوە: نالی

سەرگەلە

ئەو حەیوانەی لەپێشی ڕانەوە ئەڕوا کە سابرێنێکی ڕیش درێژە.

دائیم لەدووتە مێگەلی ژن، نێرگەلی پیاو
بەم ڕیشەوە لەپێشەوە بووگی بە سەرگەلە‍!

سەرچاوە: نالی

سەعی

کارێکی تری حەجە، ڕاکردنە لەنێوان (صەفا) و (مەروە) دا کە دوو شوێنن.

تا بەکەی وەک ڕاوییە و سانییەی سێ پەل شکاو
بێ طەواف و سەعی و عەمرە هەر بخەوم و هەر بخۆم!

سەرچاوە: نالی

سەفینە

کەشتی.

فەضا بەحری موحیط و وشتری تێدا سەفینەی بەڕ
سەرابی میثلی نیل و دیجلە و جەیحوون و عوممانە

سەرچاوە: نالی

سەفیە

نەفام.

دەست بە دەست چوو تا گەیشتە دەستی عەططاری سەفیە
نایە سەر نار و عەذابی ڕۆحی داوو سفت و سۆی

سەرچاوە: نالی

سەفەرمام

سەفەرمدام.

ئەفەس هەروا لە ڕێدا دێت و نایێ
لە سەیر و مەیری ئەسبابی سەفەرمام

سەرچاوە: نالی

سەقا

ئاوهەڵگر. ئاوڕشێنیکەر.

بۆ تۆزی ڕەهت دیدە سەقاوو موژە جاڕووب
ترسام کە لە پێت چێت دەمێ جێت بماڵم

تۆڕی زاراوەپارێزیی وشەدان