(نت. بنت.) تم: ئێرەکانە. تێبــ.- لە ڕاستیدا ئەم وشەیە شوێنێکی بچووکتر و نیزیکتریش پیشان دەدا.

(نا.) حاڵەتێکی ڕێزمانییە لە نێوان دوو وشەدا کە بەهۆی ئامرازی ئیزافەوە پێکەوە دەلکێن (مضاف و مضاف الیه) ئەوجار مەعنایان تەواو دەبێ. کوڕی کێ، خانووی شێرزاد، گوارەی ئافتاو. تێبــ.- ئامرازی ئیزافە لە کوردیدا (ئی) و (ئەی)ە کە بە دوای وشەی یەکمەوە دەلکێن و (هەمزە) کەیان دەسوی و دەنگی دەرناچێ.

(مست. مت) لێ زیادکردن، خستنە سەر، زیاد کردنی شتێک لە شتێکی تر. پارەی ئەم کراسەش ئیزافەی حیسابی کۆن بکە. لە سەتا دوو قازانجی ئیزافە بکە بەسە، ئیزافەی سەر ئەوانی تریکە.

(نت.)،(کعر.) سەنگێکە بۆ کێشانەی شت، چواریەکی حۆقەیەکە، بە ئحقەی سلەیمانی نیزیکەی ٩٠٠ گرام دەبێ.

(نا.) ئیجازە، دەستوور. لە ئێمەوە ئیزن بە، تۆ ئیزنت بە دەستی خۆتە، بە بێ ئیزن بۆ هیچ کوێ نەچی. ((... مەرکەبی سەگلاوی لە ئێختەخانەی دێنا دەرێ بە ئیزنی خوڵا و پیغەمبەری لێ دەبوو سوارە)) (تحفە: ج٢-١٩٦).

(مست. لا.) ١- داوای ئیجازە کردن بۆ کردنی کارێک. ئیزنمان لە مامۆستا خواست و هاتینەوە، دەبوایە ئیزن بخوازی نەک سەربەخۆ لیدەی بڕۆی. ٢- داوای ئیجازەی ڕۆیشتن لە خانەخوێ کردن، خواحافیزی کردنی میوان لە خانەخوێ. سێ ڕۆژ میوانیان بووین هەر ئیزنمان دەخواست ئیزنیان نەدەداین.

(مست. مت.) ١- ئیجازەدان، ڕیگادان بە کەسێ بۆ کردنی کارێک. باغەوانەکە خۆی ئیزنی داین ئەم تووە بتەکێنین. هەرچەندی بەهانەی هێنایەوە مامۆستا هەر ئیزنی نەدا. ٢- بەڕەڵڵا کردنی قوتابی و کرێکار و... لە قوتابخانە و لەسەر ئیش پاش تەواو بوونی خوێندن و کاری ڕۆژانە. ٣- دەرکردنی کرێکار و کاربەدەست لەسەر کار. ((قادر! بزانە و تاوزەند، چەند ڕۆژی ئیش کردووە پارەکەی بدەیە و ئیزنی دە)). ٤- ڕازی بوونی خانەخوی بە ڕۆیشتنی میوان. ئەوە بۆ هێندە پەلەتانە؟ یەک دوو ڕۆگی دیکەش لێرە بن ئەو وەختی ئیزنتان دەدەین و خواحافیزتان بێ.

(مست. مت.) ١- ئاشکرا کردن، خستنەڕوو، وەڕووخستن. ٢- گوتن، بەیان کردن.

(نت.)،(کئێر.) کاغەزێکە بازرگان و کاسب چلۆنایەتی کار و کاسبی، قازانج و زیانی خۆیانی تێدا دەنووسن و دەیدەن بە ئیدارەی ماڵیات بەردەرامەت (ضریبه الدخل)، یا دەربارەی ئەو کاڵایانەی لە دەرەوە بۆیان هاتووە دەیدەن بە گومرگ.

١- ئەو فریشتەیەی گیانی ئادەمیزاد دەکێشێ. ٢- (مج.) آ) پیاوی بەسام، ئەو کەسەی یەکێک یا زیاتر لێی بترسن. ب) ئەو کەسەی لەبەر دڵی کەسێ یا کەسانێ ناخۆشەویست و دزێو بێ. وەک ئیزڕائیل ببینم وایە، هەر دەڵەی ئیزڕائیلە. تێبــ.- ئەوی ڕاست بێ ئەو خوێندەوارانەی دەنگی (ع)یان لە زمانی کوردیدا بە دڵ نییە، ئەم وشەیان بەم دەردە بردووە دەنا خەڵکی لادێ هەر (عیزڕائیل) دەڵێن *عیزڕائییل. مەڵکەمۆت.

(نمس.)، (کعر.) ١- ڕوو وەرگێڕان. ٢- (مج.) دەست لە کار هەڵگرتن و کۆبوونەوەی کۆمەڵێ خەڵک بۆ دەست خستنی هەندێ داوا، یا وەدی هێنانی هیندێ ئامانج (ئازادی، کەم کردنەوەی سەعاتی ئیشی کرێکاران، زیاد کردنی ڕۆژانە...) یا دەربڕینی ناڕەزایی بەرامبەر بە شتێک، کارێک یا ڕووداوێ. * مان گرتن. (کئێر.) ئیعتیساب.

(نا.)، (مک.) وێستانێکی کەم، ڕاوەستانێکی بچووک. وازهێنان لە کارێ بۆ ماوەیەکی کەم. ئیستێک بگرە تا دەگەڕێمەوە، ئیستێکی پێ نەچوو دەورەیان دان و هەموویان چەک کردن. (عا.) لەحزە (لحظە).

(نا.) تم: ئیسڕاحەت.

(مست. مت.) فاڵ گرتنەوە بە قوڕئان یا توسبیح یا هەر شتێکت تر بۆ ئەوەی بزانن کردنی کاریک باشە یان نا.

(کعر.)، (مست. مت.) خەبەر وەرگرتن، گەڕان بە شوێن دەنگ و باساندا. ٢- (نا.) داییرەیێکە بۆ کۆکردنەوەی دەنگ و باس و پاراستنی سوپای هەر دەوڵەتێک. *(کئێر.) ڕوکنی دوو. ٣- (مج.) ئەو کەسەی لەم داییرەدا ئیش دەکا.

(مست. مت.) ڕاگرتنی کەسێ بۆ کردنی کارێ، ڕاگرتنی یەکێ و کردنی بە کاربەدەستی دەوڵەت.

(نت.)، (کئێر.) تم: ئیستیشهادنامە.

(نت. کئێر.) کاغەزێکە چەند کەس مۆری دەکەن و دەربارەی مەسەلەیەک یا کارێک شایەتی دەدەن *(کعر.) مەزبەتە.

(نمس.) ئامادەیی، سازی. ئیستیعدادی هەیە تا بەیانی دانیشێ، ئیستیعدادم نییە هەر قسەشیان دەگەڵ بکەم.

(مست. لا.)، (کئێر.) تم: ئیستیقالە کردن.