وشەدان

سەرچاوە: نالی

لاڕەیبیی

خوای گەورەمان لێ نەکراو.

شەعائیر یەک بەیەک مەسرووری سیڕڕی غەیبی لاڕەیبیی
مەساعیی سەربەسەر مەشکووری دەرکی بەیتی باریی بێ!

سەرچاوە: نالی

موحیبب

خۆشەویست

ئەوەندە ئەرجوو دەکا « نالیی » که جار جار
بکەن یادی موحیببی بێ ڕیاتان

سەرچاوە: نالی

مەهیبیی

سام لێکراویی و هەیبەتداریی.

ئەی ئاهووی نادیدە بە تەئثیری مەهیبیی
یا گەوهەری ئەصدافیی و یاقووتی دورووجیی

سەرچاوە: نالی

هەیبەت

سام.

حە ضرەتی هەیبەتە، نەک غەیبەت و ڕەیبەت « نالیی »
ئەڵڵا ئەڵڵا، چ حوضوورێکە کە ( أصلا) نییە باس!

سەرچاوە: نالی

ڕیبح

قازانجکردن.

حەیاتت نەقدی تەحصیلی بەقاوو ڕیبحی ڕیضوانە
ئەتۆ دەیکەی بە مایەی دەخڵ و خەرج و کەسبی بەدناویی

سەرچاوە: نالی

ڕەقیبانە

وەک ڕەقیب، وەک بەدکار.

وەکوو دوودی سیاهە ئاهی « نالیی » و، ئەم، ڕەقیبانە
لە سەر تا پێ لە بەرگی مەرگ و ماتەم ناوە زولفەینی

سەرچاوە: نالی

ڕەیبەت

گومان و دوودڵی.

حە ضرەتی هەیبەتە، نەک غەیبەت و ڕەیبەت « نالیی »
ئەڵڵا ئەڵڵا، چ حوضوورێکە کە ( أصلا) نییە باس!

سەرچاوە: نالی

کیبر

فیز.

بونیانی کیبر و سەرکەشییە طاقی کیسرەوی
دانانی ظوڵم و ڕووڕەشییە تەختی ئابنووس

سەرچاوە: نالی

سەهم و نەصیب

بەش و چارەنووس.

سەهم و نەصیبی ئەصلییە، بەحثی گیاە و گڵ نییە
تووتنە خەرجی سووتنە، موودنە ماچی لەب دەکا

سەرچاوە: نالی

تەقریب

نزیکبوونەوە لە خوا.

ئەمن مەهدیی ئەتۆ هادیی، شەوی تەجرید و تەقریبە
لەبەرکە خەلعەتی قورئان و ئەم تەشریفی ڕیضوانە

سەرچاوە: نالی

جانیب

لا.

ڕادەکەن بۆ جانیبی دوککانی جەڕڕاح و طەبیب
چاک و دامەن هەڵکراو و، سەرشکاو تەنگەتاو

سەرچاوە: نالی

حوققەی طیب

سندووق یا قوتووی بۆن خۆشیی.

ئەی قوببەیی طەیبە کە دەڵێی حوققەیی طیبی! ،، مەئوایی حەبیبی!
مسکێنم و بۆ خاکی عەطرناکە کە هاتووم ،، بەو بۆنەوە هاتم

سەرچاوە: نالی

خائیب

نائومێد.

ڕوو زەرد و وشک و خائیب و خاسیر ببێ عەدوو
واصیل ببم بە ڕەحمەتی بارانی، مەقبەرە

سەرچاوە: نالی

دڵفریب

ئەوەی دڵی دڵدار هەڵخەڵەتێنێ و گرەویدەی خۆیی بکا.

شاهێنی دیدەبازە، مەستی شەرابی نازه
دڵدار و دڵنەوازە، دڵکێش و دڵفریبه

سەرچاوە: نالی

زیب

جوانی.

کوڕ زیبی دەبوستانە، کچ شەمعی شەبوستانە
بۆ بەزمی تەماشا کوڕ، بۆ خەڵوەتی تەنها کچ

سەرچاوە: نالی

شەش جانیب

شەش لا، سەر و خوار و ڕاست و چەپ و بەر و دوا.

جێگایێ نەظەرگا بێ، شەش جانیبی دەریا بێ،
ئەی مەردومی سەیرانیی، لەم خیططەیە هەر چاوە

سەرچاوە: نالی

شەیب

پیریی.

نە قشی دوو موویی بە دوو ڕوویی دەبێتە عەیبی شەیب
ئاینەی ڕوو پاکییە، ڕووناکییە نوور و شەمەط

سەرچاوە: نالی

صائیب

ڕاست و دروست.

« نالیی » ئیستە تاجی شاهیی و تەختی خاقانیی هەیە
شەوکەت ئارا، موحتەشەم دیوانه، فیکرەت صائیبه

سەرچاوە: نالی

صوبحی کاذیب

کاتێ کە پێش ڕۆژبوونەوە کەناری ئاسمان تۆزێ ڕۆشن ئەبێتەوە و نەشارەزا وائەزانێ بەرەبەیانە.

لە ئەشکەنجەی شکەنجی زوڵفی ئەو بێ وەعدە مورغی دڵ
دەناڵێنێ وەکو بولبول لە صوبحی کاذیبی شەودا

سەرچاوە: نالی

ضەربی لازیب

لێدانی وا کە بە بنیادەمەوە بنووسێ و لێی نەبێتەوە.

من لە طەوری عالەم و دەوری فەلەک
ضەربی لازیب، زەخمی بێ مەرهەم دەخۆم

سەرچاوە: نالی

طیب

شتی بۆن خۆش.

« نالیی » لەبی (حەبیبه) هەم طیب و هەم طەبیبه
خولاصەیی لەبیبه، فەرمانبەری لەبی به

سەرچاوە: نالی

طەبیب

پزیشک، مەبەست لێی دەرمانه به مەجاز.

« نالیی » لەبی (حەبیبه) هەم طیب و هەم طەبیبه
خولاصەیی لەبیبه، فەرمانبەری لەبی به

سەرچاوە: نالی

طەییب، طاهیر

پاک و خاوێن.

طەیبه که یەعنی طەییب و طاهیر به ڕەوحی ڕۆح
فەرقی ئەڵین: گڵی له گوڵ، ئاوی لە کەوثەرە

سەرچاوە: نالی

غائیب

نادیار، ئەوەی ماڵ و حاڵ و کەس و کاری خۆی بەجێ هێشتبێ و نەزانن لەکوێیە.

« نالیی » خەبەری بێ ئەثەری غائیبە، ئەمما
ناڵێکی حەزین دێ لە موناجاتی سەحەردا

سەرچاوە: نالی

غائیب

نادیار. له عیلمی نەحویشدا جۆرە ضەمیرێک و له عیلمی ضەرفیشدا جۆرە فیعلێکه.

حاضری ئەمر و خیطابه دڵ، ئەگەرچیی مەنهییە!
راجیعی تۆیە ضەمیری من، ئەگەر چیی غائیبه!

سەرچاوە: نالی

غەیب

نادیاریی

شەعائیر یەک بەیەک مەسرووری سیڕڕی غەیبی لاڕەیبیی
مەساعیی سەربەسەر مەشکووری دەرکی بەیتی باریی بێ!

سەرچاوە: نالی

فریب

هەڵخەڵەتاندن.

صاحێب زەڕ و زیوێ کە فریبی عوقەلا بێ
ئیکسیری طەڵای ئەحمەری چەند قەطرە لە لا بێ

سەرچاوە: نالی

لاعیب

یارییکەر.

عەیب و لەعبی خەڵقی کرد تا یاری خستە داوی خۆی
خەصمه کەی من کەلبی ئاهوو گیرە، خیرسی لاعیبە

تۆڕی زاراوەپارێزیی وشەدان