وشەدان

سەرچاوە: نالی

بێپەردە و کینایەت

ئاشکرا و بێ پێچ و پەنا.

قیصصە بێ پەردە و کینایەت خۆشە: شاهی من کەوا
عادیلێ بوو قەت عەدیلی ئەو له دنیا نەبوو،

سەرچاوە: نالی

طاقی کیسرەوی

تاقی کیسرا کە پاشماوەکەی لە نزیکی شاری سەلمان پاکەوەیە.

بونیانی کیبر و سەرکەشییە طاقی کیسرەوی
دانانی ظوڵم و ڕووڕەشییە تەختی ئابنووس

سەرچاوە: نالی

کیبر

فیز.

بونیانی کیبر و سەرکەشییە طاقی کیسرەوی
دانانی ظوڵم و ڕووڕەشییە تەختی ئابنووس

سەرچاوە: نالی

کیسرا

نازناوی پاشاکانی ساسانییە.

شەقاوەت بوو بە دوود و داخیلی کوورەی ضەلالەت بوو
ئەمارەت خوسری خوسرەو، کەسری کیسرا، شەققی ئەیوانە

سەرچاوە: نالی

کیسە

ئەندازەیەک پارە بووە وەک بڵێی هەزار دینار، خراوەتە توورەکەیەک و بە دەست هەڵگیراوە.

قیمەتی ماچی دوصەد کیسەیی ساغە و نیمە
غەیری یەک کیسەیی صەد پارە لە گیرفانمدا

سەرچاوە: نالی

تەسکین

دامرکان، ئۆقرە گرتن.

عیشقت لە دڵ و دیدەیی پڕ ئەشک و ئەلەمدا
گونجایش و تەسکینی نییە، زۆرە لە کەمدا!

سەرچاوە: نالی

تەمکین

ڕێز و قەدرلێ گرتن.

« نالیی » کە صەدری مەسنەدی تەمکینی تەکیە بوو
بۆ تۆ بووە بە دەربەدەری کووچەوو و سوقاق

سەرچاوە: نالی

تەنکیر

نەکیرەیەتی. نەناسراوی.

ئەلیف نەکیرەوو بێگانە، نایەتە تەعریف
عەلەم موشابیهی غەیر و مولازیمی تەنکیر

سەرچاوە: نالی

تەکیە

ئەوەی پاڵی پێوە بدرێ، پشتیی. کووچە

« نالیی » کە صەدری مەسنەدی تەمکینی تەکیە بوو
بۆ تۆ بووە بە دەربەدەری کووچەوو و سوقاق

سەرچاوە: نالی

موشکیل

زەحمەت،

ئەم سەرسەری بازانه کەوا هەمسەری بوومن
موشکیل، بگەنه ساعیدی شاهێکی وەکوو من

سەرچاوە: نالی

موشکین

موشکاوی، بۆنخۆش وەک کەسێک موشکی لە باخەڵدا بێ.

یەعنی ڕیاضی ڕەوضە کە تێدا بە چەن دەمێ
موشکین دەبێ بە کاکۆڵی غیلمان و زوڵفی حوور

سەرچاوە: نالی

موشکین نەفەس

ئەوەی هەناسەی بۆنی موشک بدا.

شەو هات و ئەمن مەستی خەیاڵاتی کەسێکم
مەشغووڵی نەفەس گرتنی موشکین نەفەسێکم

سەرچاوە: نالی

مەکین

پایەدار.

مەکانی واسیطەی ئیمکان، مەکانەت بەخشی ئینس و جان
مەکینی لامەکان سەیران تێدا تەشریفی میوانە!

سەرچاوە: نالی

نمەکین

خوێیاویی، سوێر. کینایەیە لە خۆش و بەتام.

ڕەنگ و ئەثەر شۆڕشی لەعلی نمەکینە
ئەم ئەشکە کە بەم سوورییو سوێریییە دەڕێژم

سەرچاوە: نالی

نمەکین

خۆش و بەتام و خوێ. شۆرە زەویی کە سپیی بکاتەوە و گیای لێ نەڕوێ.

یا گردەکی گردێکی کە شیرین هەڵیدابێ
گردی نمەکین، یەعنی گیای لێ نەڕووابێ

سەرچاوە: نالی

نەکیر

یەکێکە لەو دوو فریشتەی لە قەبرا دێنە سەر بنیادەمی گوناهبار بۆ پرسیار لێ کردنی.

تەنگە ئەوا دەبێ کە لە ئەو جێگە تەنگەدا
سائیل نەکیر و عاریف و مەعرووف و مونکەرە

سەرچاوە: نالی

نەکیرە

لە نەحودا ئەوەی کەسێ یا شتێکی نادیاری بگەیەنێ. نەناسراو.

ئەلیف نەکیرەوو بێگانە، نایەتە تەعریف
عەلەم موشابیهی غەیر و مولازیمی تەنکیر

سەرچاوە: نالی

ئەشکی ڕەوان

فرمێسک. کینایەیە لە (ئاو).

دێوانە کە زانیی کە دەبێ عوقدەگوشا بێ
هەستاوو گوتی: ئەشکی ڕەوانم بە فیدا بێ!

سەرچاوە: نالی

بەیضێکی

بەیضەیێکی، هێلکەیەکی.

بەیضێکی شوتورمورغیی کەوا تازە کرابێ
وەک بەیضەیی بەیضا بە ضیاوو بە سەنا بێ

سەرچاوە: نالی

تایەکی

تەڵەموویەکی،

تا تایی سەری طوڕڕەیی پڕ پێچشی با دا،
هەر تایەکی بارێکی گوڵ و نافە بە با دا

سەرچاوە: نالی

جێگێکی

جێگەیەکی.

هەر جۆگە و جێگێکی کە وا سوور و سوێر بێ
جێی جۆششی گریانی منە و خوێنە ڕژاوە

سەرچاوە: نالی

حاکی

ئەوەی شتێ بگێڕێتەوە.

نەزانیت لەبەر عیجزە، نەوەک جەهلە، کە ئەم چشتە
قەدیمە نایەتە تەقریری قەولی حاکیی و ڕاویی

سەرچاوە: نالی

حوققێکی

حوققەیەکی.

حوققێکی زەڕی صافی لەسەر بانی نرابێ
نەختێکی بە صەد صەنعەتی (مانیی) قڵەشابێ؟!

سەرچاوە: نالی

خاکی بەری پێت

ئەو خاکەی تۆ بەسەریا ئەڕۆی.

خاکی بەری پێت هەم گڵ و هەم گوڵ بە سوروشکم
وەقتی غەم و شادی ئەوە کردوومە بەسەردا

سەرچاوە: نالی

خاکی دامەن

ئەو خۆڵ و تۆزەی ئەنووسێ بە داوێنەوە.

کە خاکی، خاکی دامەن بە، وەگەر نە، تۆزی بەربادی
کە ئاوی، ئاوی گەوهەر بە، وەگەر نە، بڵقی سەر ئاوی

سەرچاوە: نالی

خرچێکی

خرچەیەکی.

خرچێکی مودەووەر، بە عەسەل ئاوی درابێ
نەختێکی لەبەر حوسن و حەلاوەت قڵەشابێ؟!

سەرچاوە: نالی

سالیکی صەبر و تەحەممول

ڕێگای سەبرکردن و باری مەینەت هەڵگرتنی گرتبوە بەر.

قانیعی بابی ڕەضا و ڕاضی بە پووش و دڕک و داڵ
سالیکی صەبر و تەحەممول، بوردەبار و هیچ نەوێژ

سەرچاوە: نالی

سالیکی ڕاه

ڕێ گرتووەبەر.

بۆ سەیری خەرامیدەنی ئەم سەرو قەدانه،
صۆفی له طەڵەبدان و، هەموو سالیکی ڕاهن

سەرچاوە: نالی

میشکی تەتار

جۆرە میشکێکە ناوبانگی بۆنخۆشیی دەرکردووە.

شکەنجی تاری پڕ میشکی تەتار و تارە، ئەمما ئەو
دوتا و، هەر تایە بارێکی لە عەنبەر ناوە زولفەینی

سەرچاوە: نالی

مێشکی ئەذفەر

میشکی پوختە و بۆن خۆش.

طەیبه که یەعنی عەکسی بەقیعی هەموو عەبیر
طەیبه که یەعنی مایەیی ئەو ئەو میشکی ئەذفەرە

سەرچاوە: نالی

ناڵێکی

ناڵەیەکی.

« نالیی » خەبەری بێ ئەثەری غائیبە، ئەمما
ناڵێکی حەزین دێ لە موناجاتی سەحەردا

سەرچاوە: نالی

نێکی

چاکە.

بەزمی ڕەندانە ئەمە، مەلعەبەیی وەعظ نییە
لە بەد و نێکی یو قەللابی یی دونیا نییە باس

سەرچاوە: نالی

نەفەسێکی

هەناسەیەکی.

عومرت نەفەسێکی که هەموو عالەمی دێنا
بمرە له غەمیدا که هەموو صەرفی غەمت بوو

سەرچاوە: نالی

پاکی مەدار

خولگەی پاکیی و خاوێنی.

دامەنی پاکیی مەداری دائیرەی خامەک نییە
خوێنی مەقتوولانە وا دامێنی یاری گرتووە

سەرچاوە: نالی

چاکی دامەن

چاکی داوێن.

« نالیی » یو سینەیی بێ کینەیی چاکم، ئەمما
چاکی دامەن تەڕم و وشکە سەرابی عەمەلم

تۆڕی زاراوەپارێزیی وشەدان