وشەدان

سەرچاوە: نالی

سییەهـ ڕوو

ڕوو ڕەش.

موددێکە کە هەم گەردشی دەورانی سوپێهرم ،، موغبەڕ بووە میهرم
ئاوێنەیی دڵ شاهیدە هەرچەندە سییەهـ ڕووم ،، میرئاتی جەلاتم

سەرچاوە: نالی

ڕوو

نومایان. ئاشکرا و دیاریی.

لە خەوف و خەجڵەتی، بەدری شەهی ئەنجوم سوپەهـ ئێستەیش
کە هەڵدێ، زەردیی و سووریی لە طەلعەتیا نومایانە

سەرچاوە: نالی

ڕوو سپیی

ئافرەتی داوێن پیس،

چاوەکەم! مەنواڕە ڕەنگی ظاهیریی
خۆ دەزانیی (ڕوو سپیی) چەند ڕوو سییان

سەرچاوە: نالی

ڕوو سیا

ڕوو ڕەش.

چاوەکەم! مەنواڕە ڕەنگی ظاهیریی
خۆ دەزانیی (ڕوو سپیی) چەند ڕوو سییان

سەرچاوە: نالی

ڕووبار

چەم.

له حەسرەت سەروی قەددت چاوی « نالیی »
دو جۆگه، بەڵکوو دوو ڕووبارە بێ تۆ

سەرچاوە: نالی

ڕووت

ڕوومه تت.

نەباتاتی زەویی وەک مونزەویی هاتوونه دەر، یەعنیی
هەموو سەرخۆش و مەست و ڕۆژپەرەست و عاشقی ڕووتن

سەرچاوە: نالی

ڕوودبار

چەم. ناوی دێیەکە لە هەورامانی بەری ئێران، خەڵکیی پێی ئەڵێن (ڕووار).

لە چاوی (ڕوودبار) م (نووری) دیتن وەقتە تاریی بێ
ئەمیش با ماجەرای هیجرانی (نووریی ڕوودباریی) بێ!

سەرچاوە: نالی

ڕووزەردیی

خەجاڵه تیی و شەرمەزاریی، کاڵیی و زەردیی.

له خەوفی طەلعەتی ڕۆژ هەر وەکوو شێت
به ڕووزەردیی هەڵات و کەوتە کێوان

سەرچاوە: نالی

ڕوومه ت گوڵ

ئەوەی ڕوومەتی وەک گوڵ گەش بێ.

نەرگس نیگەهـ و ساق سەمەن، کورتە بەنەفشەن
موو سونبول و، ڕوومه ت گوڵ و، هەم لاله کولاهن

سەرچاوە: نالی

ڕوومووز

جەمعی (ڕەمز) ە واتە ئیشارەت، مەبەست شتی به ئاسانیی لێ حاڵیی نەبووە.

کەی دەکا شەرح و بەیاناتی ڕومووزی دەردی دڵ
ڕووڕەشێ هەروەک دەوات و، دوو زبانێ وەک قەڵەم!

سەرچاوە: نالی

ڕوونما

ئەو ئاوێنەیەی لەکاتی گواستنەوەی بووکدا ئەیگرن بەڕوویەوە و تیا دەرئەکەوێ.

صیداقی ڕوونماوو، وەصڵی شاهید
لەگەڵ شایی کەران بێ دەنگ و داوا

سەرچاوە: نالی

ڕوووت

دەم و چاوت. ڕووت و قووت.

تەلبیسی نییە ئەو کەسە دێوانەیی ڕووتە
بێچارە نەما غەیری حەیاتێکی لەبەردا!

سەرچاوە: نالی

ڕووگەردان

ڕوو وەرچەرخاندن.

شەبەهی زۆڵفی شەبەهـ گۆنەیە، ڕووگەردانی
بە سەری ئەو کە بە سەودا سەر و سامانم دا

سەرچاوە: نالی

جاڕووب

گسک.

بۆ تۆزی ڕەهت دیدە سەقاوو موژە جاڕووب
ترسام کە لە پێت چێت دەمێ جێت بماڵم

سەرچاوە: نالی

مەهڕووان

ئەوانەی ڕوویان وەک مانگ وایە.

ئەی میهری میهرەبان وەرە سەر بامی بامیداد
دا مەهڕووان ببن بە هیلالی شەوی میحاق

سەرچاوە: نالی

مەهڕوویان

ئەوانه ی ڕوویان وەک مانگ جوانه.

ئەتۆ میهرییو مەهڕوویان ستارەن
له خزمەت شەوقی تۆدا شەوچرا چین؟!

سەرچاوە: نالی

زەردڕوو

شەرمەزار و ترسنۆک.

ئەی خەڵوەتیی مورائیی، بێ ڕەنگی خود نەمائیی
ڕەنگ زەردی عاشقیی به، نه ک زەردڕوو و شەقیی به

تۆڕی زاراوەپارێزیی وشەدان