وشەدان

سەرچاوە: نالی

چا

چاک

بە تیرێ دوو نیشانە چا نییە ئەی ڕۆحەکەم! شیرین
بە غەمزەی، تاقە یەک تیری لە فەرهاد و لە خوسرەو دا

سەرچاوە: نالی

چا

چاک، یا چایی.

شیرەیی جانە وتم یا مەیە؟ چا بوو فەرمووی
عەکسی لەعلی لەبی مەرجانە لە فنجانمدا

سەرچاوە: نالی

چاه ـ

چاڵ، کانیی ئاو.

خەطی سەبزی لە کەناری لەبی، « نالیی »! هەروەک
« خضری زیندە » لەسەر چاهە، زولالێکی هەیە

سەرچاوە: نالی

چاهـ

چاڵ.

حەپسی چاهی میحنەتم، کافر بە حاڵی من نەبێ!
کار و پیشەم دائیمەن گریان و شین و زارییە

سەرچاوە: نالی

چاوێنە

وەک لەناو چاڵ (چاڵە ئاو) دا.

بە سەراوێزەیی چاوێنەییی کەللەی سەریان
لە کەی و قەیصەر و ئەسکەندەر و دارا نییە باس

سەرچاوە: نالی

چاوە

سەرچاوە و کانیاو.

هەر چاوەیێ کە وشک و عەقیمی بوڵەندییە،
وەک طەبعی من بە نەظمی خوشی نەغمە زایەوە

سەرچاوە: نالی

چاوەچاو

چاوەڕوانیی.

خاو و بێ خاوی دو زوڵفی خاوم ئەز
چاوە چاوی یەک غەزالە چاوم ئەز

سەرچاوە: نالی

چاپلووس

مەراییکەر و شانتەکێن.

صابوونی کەففی پێیە کەفی زاری چاپلووس
خاصییەتی ڕەقیقی هەیە نەرمیی زوبانی لووس

سەرچاوە: نالی

چاک

کراوە و ئاشکرا.

« نالیی » یو سینەیی بێ کینەیی چاکم، ئەمما
چاکی دامەن تەڕم و وشکە سەرابی عەمەلم

سەرچاوە: نالی

چاک

لەت. درز.

تا چاکی نەکەی پڕ له هەوا سینەیی « نالیی »
وەک زەنگڵه ئاوازەیی ناڵه ی دڵی نایێ

سەرچاوە: نالی

چاک چاک

لەتلەت.

پێم گوت: مەکە چاک چاکم، پێشخزمەتی زۆر چاکم..
فەرمووی: بە سەری کاکم، داغت لە دڵمدایە!..

سەرچاوە: نالی

چاک ی یەکەم

لەتلەت، کراوە.

طەڵەبی سینەیی چاکم مەکە بەو چاوانه
سینەکەم چاکە به ئینسانی خەرابی نادەم

سەرچاوە: نالی

چاکی دامەن

چاکی داوێن.

« نالیی » یو سینەیی بێ کینەیی چاکم، ئەمما
چاکی دامەن تەڕم و وشکە سەرابی عەمەلم

سەرچاوە: نالی

چایر

هەرێز و سەوزەگیا کە وڵاخی تیا ئەلەوەڕێ.

ڕەقیبی جوفتەلی، نابێتە نەخچیرت، کە خەرکوڕڕە
ئەلیفی چایرە دائیم لە قەشقەی کەردڕ و جەودا

سەرچاوە: نالی

چایر

بەهاربەند.

سەیرێکی خۆش لە چیمەنی ناو (خانەقا) بکە
ئایا ڕەبیعی ئاهووە، یا چایری ستوور؟!

سەرچاوە: نالی

چایەر

بەهاربەند، تەویلە.

صۆفیی ڕیایە خەڵوەتی، بێنی بەهاری کرد
هاتەدەرێ لە سایەیی چایەر، حەسایەوە

سەرچاوە: نالی

چاە

چاڵ.

شەفیری چاڵی شۆری هەر دەڵێی لەعلی نمەکپاشە
حەفیری چاهی وشکی هەر دەڵێی چاهی زەنەخدانە

سەرچاوە: نالی

سەرچاوە

ئەگەر ناوی شوێنێکی تایبەتیی نەبێ، تێکڕای سەرچاوە و کانیی و ئاو. دێوانە

دڵی « نالیی » کە ئەنیسی (قەرەداغ) ە، ئێستەیش
داغی (سەرچاوە) و (دێوانە) یی دار و دەوەنە

سەرچاوە: نالی

چاوەچاو

چاوەڕوانیی.

خاو و بێ خاوی دو زوڵفی خاوم ئەز
چاوە چاوی یەک غەزالە چاوم ئەز

تۆڕی زاراوەپارێزیی وشەدان