وشەدان

سەرچاوە: نالی

پەرچەم

زوڵف.

سیلاحی پەرچەمی پڕ خەم ئەگەر تارە و ئەگەر مارە
برۆ و غەمزەی کەوان و تیر ئەگەر هەودا و ئەگەر مەودا

سەرچاوە: نالی

سەر و پەیوەند

سەر و ساخت.

ئاخ لەگەڵ ئێمە (حەبیبە) سەر و پەیوەندی نییە
نەیشەکەر قەددە، بەڵا بەندی هەیە، قەندی نییە

سەرچاوە: نالی

پەتک

ئەو بەنەی بەڕە و جەواڵی لێ دروست ئەکەن.

شیعری خەڵقی کەی دەگاتە شیعری من بۆ نازکی؟!
کەی لە دیققەتدا پەتک دەعوا لەگەڵ هەودا دەکا؟!

سەرچاوە: نالی

پەخشان ئەوراق

گەڵا. ک ا غەز.

شەبنم کە نەظم و نەثرە لە ئەوراقی غونچەدا
گۆیا بووە بە زار و زوبان و ددان و پووک:

سەرچاوە: نالی

پەروین

چەند ئەستێرەیەکی وردن لە دەوری ئەستێرەی (ثەور) کۆبوونەتەوە.

بێ قسەی غونچەی دەمت کاتی تەبەسسوم ڕووبەڕوو
هەتکی شوعلەی بەرق و نەظمی دائیرەی پەروین دەکا

سەرچاوە: نالی

پەروێزە

بێژنگ.

سەراپا هەروەکوو حەڵقەی زڕێ پەروێزەیی خوێنم
بە یەک یەک تیری موژگانی زرێ دۆزت بریندارم

سەرچاوە: نالی

پەرچەم

مووی ناوچاوان کە دێتەوە بەسەر ڕوودا.

پەرچەمی ڕوو دادەپۆشێ، پێچی زوڵفی پێچەیە
دا بە ڕۆژیش پێی بڵێن شەمعی شەبوستانی هەیە

سەرچاوە: نالی

پەرێشان

بڵاو.

پەرێشان و شکستە و سەرنیگوون داماوە زولفەینی
تومەز بادی صەبای چین و خەطای لێ داوە زولفەینی

سەرچاوە: نالی

پەرێشانی

بڵاویی.

خاطرێکی شۆخ و خۆش و بێ غەم و جەمعم هەبوو
ئێستە بۆ زوڵفی کەسێ مەشقی پەرێشانی دەکا!

سەرچاوە: نالی

پەششە

مێشوولە.

بەو دەننی فوراتە کە دەکا پەششە بە عەنقا،
نەک لەو خومی نیلە کە دەکا باخە بە تیمساح،

سەرچاوە: نالی

پەشم

خوری.

سم وەکوو یەشم و لە پەشم و تووکی پێدا سەرنگوون
چاو وەکوو بیجادە یا دوو شەو چراغی شوعلە ڕێژ

سەرچاوە: نالی

پەشم

هیچ و پوچ.

سەودازەدەکەی زوڵفت، ئەزهاری لەکن پەشمە
دوور لەو گوڵە بێ خارە، گوڵزاری لەکن پەشمە

سەرچاوە: نالی

پەشم

خەیاڵی خاو. خوریی و موو.

بە حەققی تاری کاکۆڵی سەراپا لوولی ئەو شۆخە
ئەگەرچی پەشمە، ئەمما دڵ لە طوڕڕەی زوڵفی سەودایە

سەرچاوە: نالی

پەچە

ڕووپۆش.

پەچەیی پەرچەمی و پرچی سیا
هەر دەڵێی مانگەشەوە کوڵمی تیا

سەرچاوە: نالی

پەڕی تیر

پەڕێکی تیژ بووە بەسەر تیرەوە، کە تیرەکەیان تەقاندووەتە کەسێک و لێی داوە پەڕە تیژەکەی پیا چووە و لە لەشیا ماوەتەوە و تیرەکە خۆی کەوتووەتە خوارەوە.

چ قەد کەوانێ؟ وەکوو پێ شکاو و ئوفتادە،
کە بازی سێ قەدەمی قەت نەداوە وەک پەڕی تیر

سەرچاوە: نالی

پەڵاس

فەرشێکی ڕەنگاو ڕەنگه له خوریی ئەچنرێ، کورکی نییە، وەک سوابێ وایە. به کراسی زبر و ئەستوریش ئەڵێن که دەورێشان لەبەری ئەکەن.

فەرشی پەڵاسە، دۆشەکی خاکه، سەرینی بەرد
بێ تووک و، ڕووت و قووت و، فەقیر و قەلەندەرە

سەرچاوە: نالی

پەی دەکا

پەیکردن واتە بڕینەوە. لێرەدا کینایەیە له سمین و لەتکردن.

دڵ پەی دەکا نیگاهی سەهمی موژەی سییاهی
ڕەمزی هەموو بەڵایە، غەمزەی هەموو موصیبه

سەرچاوە: نالی

پەی کردن

بڕینەوەی چوار پەلی وڵاخە..

خێل و قیچە، یا بە غەمزە بۆ نیشانەی دڵ بە چاو
مەیلی ڕاست هاوێتنی موژگانی دڵ پەی کەر دەکا؟!

سەرچاوە: نالی

پەی کەر

ئەوەی پەی ئەکا.

خێل و قیچە، یا بە غەمزە بۆ نیشانەی دڵ بە چاو
مەیلی ڕاست هاوێتنی موژگانی دڵ پەی کەر دەکا؟!

سەرچاوە: نالی

پەیام

نامە یا هەواڵی نێرراو.

پەیامت هات و پەیکت ڕۆی، خەیاڵم نارد و نەیگەییێ
ڕەسووڵم کەوتە ڕێ، گرتی، هێنای وەک ئاگرەسوورە

تۆڕی زاراوەپارێزیی وشەدان