وشەدان

تۆڕی زاراوەپارێزیی وشەدان

X وشە

دەرئەنجام: 36

سەرچاوە: نالی

پوشت

پشت و پەنا.

خۆی کردووە بە گەورە و و قەڕڕاڵی موڵکی تەن
پشت و وەزیری ئەو سەگە دەججالی ئەعوەرە

سەرچاوە: نالی

پوشتان

هاوقەد و دەسلەمل.

کەسێ پوشتانی باڵاتە، حەریفی ئاڵ و واڵاتە
کە شیبهی کاکوڵی ژۆلیدە سەرگەردانی سەودا بێ

سەرچاوە: نالی

کوشتوگیر

جۆرە زۆران گرتنێکی بێ نەخشە و پلانە.

چ مشت و پەنجە؟ وەکوو مشتی شانە ڕەق کە دەڵێی
لە شانیدا نەبووە دەستوبردی کوشتوگیر

سەرچاوە: نالی

کوشتە

کوژراو.

کوشتەی نیگاهی دیدەتە، گەر مەست، ئەگەر خەراب
بەستەی کەمەندی زوڵفتە، گەر شێخ، ئەگەر سولووک

سەرچاوە: نالی

کوشندە

بکوژ.

مەڵێ ڕێگەی کەشندە، یا کوشندە ئەژدەرە، یاخۆ
کەمەندە، یا طەنابی خێوەتی گەردوونی گەردانە

سەرچاوە: نالی

گوشایش

کردنەوە.

بەو دەستە کەوا مەرهەمە بۆ ئەم دڵی خەستە،
بەو پەنجە کە بۆ بابی گوشایش ئەوە میفتاح،

سەرچاوە: نالی

گوشەگیر

دوورەپەرێز.

گۆشەگیرم له برۆت و موتەوەححیش له موژەت
ڕۆحی شیرینم ئەبەر شیر و قولابی نادەم

سەرچاوە: نالی

بەشووش

ڕووخۆش.

گەر ئاب و تابی جەننەتیی و دۆزەخیت دەوێ
بنواڕە نێو چەوانی بەشووش و برۆی عەبووس

سەرچاوە: نالی

جونبوش

جموجۆڵ.

صەریری جونبوشی تەخت و مەحەففەی مەخمەڵیی سەوزی
دەڵێی تەسبیحی مورغانە، لەسەر تەختی سولەیمانە

سەرچاوە: نالی

حلقە در گوش

ڕستەیەکی فارسییە، واتە

(حلقە در گوش) ی کەفی ڕەنگینی تۆیە ئەم دەفە
با نەناڵێ، لێی مەدە، (عَنْ لَطَّمِهِ کُفﱢ الْکَفَه)!

سەرچاوە: نالی

خوش

خۆش.

هەر چاوەیێ کە وشک و عەقیمی بوڵەندییە،
وەک طەبعی من بە نەظمی خوشی نەغمە زایەوە

سەرچاوە: نالی

قوش

پەلەوەرێکە وەک باز ڕاوی پێئەکەن.

قوش قوشی ڕاویی نەبێ، مورغی کولانە و ئاخوڕە
سەگ سەگی تازیی نەبێ، کادینیی و ئەنبارییە

سەرچاوە: نالی

مەغشوش

تێکەڵ لە چاک و خراپ.

ئەعمالمان لەگەڵ هەموو ئەوضاعی حاڵمان
مەغشوش و جەمعی، حاضرە، گەر خەیر، ئەگەر شەڕە

سەرچاوە: نالی

مەغشووش

تێکەڵ لە مس و شتی وا. ناپاک. تێکچوو

نەقدی دڵێ کە ڕائیجی سەودایی تۆ نەبێ،
مەغشووش و کەم عەیارە و هەم قەڵب و هەم چرووک

سەرچاوە: نالی

ڕەوش

ڕەوشت.

مەجذووبی طوروق، مورتەعیشی لەرزش و تا بێ
سالیک ڕەوشی مەسلەکی ڕێگەی صولەحا بێ

سەرچاوە: نالی

ڕەوش

ڕۆیشتن.

گەهێ ئاهوو ڕەوش شاهی، گەهێ گەوهەر مەنیش ماهی
بڵا با سینە صەحرا بێ، بڵا با دیدە دەریا بێ!

1 2