وشەدان

سەرچاوە: نالی

مورغ

مریشک. پەلەوەر

قوش قوشی ڕاویی نەبێ، مورغی کولانە و ئاخوڕە
سەگ سەگی تازیی نەبێ، کادینیی و ئەنبارییە

سەرچاوە: نالی

مورغی چەمەن

پەلەوەری ناو مێرغوزار.

لەگەڵ مورغی چەمەن « نالیی » دەناڵێ
که یەعنی عاشق و هەم فەرد و فەردین

سەرچاوە: نالی

مەعموورە

ئاوەدانیی.

کونجی ڕاحەت، تاجی عیززەت خاریخی مەعموورەیە
کەندەبوو هەر بانگە بانگ و هودهودیش هاواریە

سەرچاوە: نالی

نوورە

ئاهەک و زڕنیخی تێکەڵ یەککراو.

له دڵدا ئاتەشی عیشقت بڵێسەی میثلی تەندوورە
شەطی ئەشکم نەبێ مانیع، دەسووتێم دەبمه کۆی توورە

سەرچاوە: نالی

هەوراز

بەرەو ژوورە.

هەی کەرێکم بوو، چ پەیکەر؟ طەیکەری هەوراز و لێژ
سینە پان و مووچە کورت و شانە بەرز و گوێ درێژ

سەرچاوە: نالی

هەورین

هەور پێوە بوو.

ئاسمان هەورین دەبێ، ئێمەش به غەمگینیی دەڵێین:
ئەی خودا چ بکەین له ژێر ئەم کاولەی کەس تیا نەماو؟!

سەرچاوە: نالی

هەوریی

سرکەیی، جۆرە سەرپۆشێکی ناسکی ڕەش و سپیی ئاوریشمە.

لادە دەسرۆکەیی هەوریی لە جەبین
دەرکەوێ شەمس و قەمەر، نوور و ضیا

سەرچاوە: نالی

پەخشان ئەوراق

گەڵا. ک ا غەز.

شەبنم کە نەظم و نەثرە لە ئەوراقی غونچەدا
گۆیا بووە بە زار و زوبان و ددان و پووک:

سەرچاوە: نالی

چەرخی دەوران

ئاسمانەکان.

وەها هەستا بە باڵی جاذیبەی قودرەت، لە نیوەی ڕێ
بەجێما ئەسپ و پەیک و ڕەفڕەف و ئەم چەرخی دەورانە

سەرچاوە: نالی

کافووری

سپیی وەک کافوور کە بەرێکی سپیی و بۆنخۆشی درەختێکە.

هەڵگرا، وەک مۆمی کافووریی بە شەودا، موو بە مووم
دا سیاهیی ڕوو بخوێنم نوقطە نوقطە، خەط بە خەط

سەرچاوە: نالی

کافووری کەشیدە

خەتی کێشراوی سپیی وەک کافوور، ئەو خەتەی کە لە ئەنجامی لە میسطەرە دانی کاغەزەکەوە دەرئەکەوت.

وەجهەکەم ئیسمی بەیاض، ئەمما وەرەق زەرد و سیاە
با موخەططەط بێ بە کافووری کەشیدەی خۆش نەمەط

سەرچاوە: نالی

کافووریی کفن

کفنی سپیی وەک کافوور.

هەتا شەققەی فەلەک نەبوە بە کافووریی کفن، هەستە
کە ئەمشەو فرصەتە، هێشتا فەلەک ماویی، ئەتۆش ماوی

سەرچاوە: نالی

کودوورات

تۆز و خۆڵ.

بەو ئاوە خوت بشۆ لە کودووراتی سەر زەمین
شاد بن بە وەصلی یەکدی: کە تۆی طاهیر، ئەو طەهوور

سەرچاوە: نالی

کورتە بەنەفشە

کورتەکی بەریان وەنەوشەیی ڕەنگ، مەبەستی له کەوای تاقەی شینه که ئەو خوڵامانه له بەریان کردووە.

نەرگس نیگەهـ و ساق سەمەن، کورتە بەنەفشەن
موو سونبول و، ڕوومه ت گوڵ و، هەم لاله کولاهن

سەرچاوە: نالی

گورگی سەفەر

وەک گورگ ڕاکەر لە سەفەردا.

کەللە وەک جەڕڕەی شەرابی پڕ نیشاط و تەڕ دەماغ
شێری نەڕ، ئاهوویی بەڕ، گورگی سەفەر، قەمچیی نەچێژ

سەرچاوە: نالی

گورگین

گەڕۆڵ.

بێ تووکی جیفە خواریی و گورگین و بێ وجوود
لەم ئاو و خاکه ظاهیر و باطین موکه ددەرە

سەرچاوە: نالی

گورگەمێش

گورگ لە پێستی مەڕدا.

حیفظت شەبان و ، ئێمە ڕەمە و، ئەو لەعینە گورگ
ئەم نەفسە گورگە مێشە لەگەڵ ئەو بەد ئەختەرە،

سەرچاوە: نالی

زوور

زبر.

سەبزە لە دەوری گوڵ تەڕە وەک خەططی ڕوویی یار
یا پووشی وشک و زوورە وەکوو ڕیشی (کاکە سوور) ؟

سەرچاوە: نالی

ئاور

ئاگر.

گەر نییە ئاور لە سینەمەدا بە تاو
بۆچ لەبەر قوڵقوڵ غەریقی ئاوم ئەز؟!

سەرچاوە: نالی

ئاگرەسوور

کینایەیە له گورج و گوڵیی و دەستوبرد.

پەیامت هات و پەیکت ڕۆی، خەیاڵم نارد و نەیگەییێ
ڕەسووڵم کەوتە ڕێ، گرتی، هێنای وەک ئاگرەسوورە

سەرچاوە: نالی

بلوور

شووشە،

دندان گوهەر و لەب شەکەر و، پەنجە بلوورن
نازک بەدەن و، موو کەمەر و، سیم سرینن

سەرچاوە: نالی

بەیتی مەعموور

ماڵی ئاوەدان. به ماڵی کەعبەیش ئەڵێن. شوێنێکیشە له ئاسمان.

خەراباتی دڵی « نالیی » مەفەرموو: خاڵییە، نایەم!
به مەرگی تۆ قەسەم، چاوم! به ذیکرت بەیتی مەعموورە..

سەرچاوە: نالی

تەحەییور

سەرسامی

هەرچی مەحبووبەم دەبینێ وا تەحەییور دەیگرێ
سوێن دەخوا بە خوا دەڵێ « باللە ما هذا بشر »

سەرچاوە: نالی

تەصەببور

ئەوەتە بنیادەم خۆی وا پیشان بدا کە لەعاستی دەرد و ناڕەحەتیدا دان بە خۆیدا ئەگرێ.

ئیظهاری ئیددیعایی تەصەببور لە وەصڵی تۆ
یا مەکرە، یا دەسیسەیە، یا کیذبە، یا نیفاق

سەرچاوە: نالی

تەندوور

تەنوورە، گێژی قووڵی ئاو.

جۆشش و تابە لە نێو دیدەیی گریانمدا
چ تەنوورێکە لە تەندوورەیی طۆفانمدا

سەرچاوە: نالی

ثەور

یەکێکی ترە لە برجەکان.

شەوەمما، شەوچراغی جەدی و ثەور و مەرتەعی شامی،
دوصەد قەرنی غەزالە و قۆچی صوبحی عیدی، قوربانە

سەرچاوە: نالی

ثەور

گاجووت.

لە دەورانی طەبیعەتدا لەگەڵ ثەوری فەلەک جووتە
لە ملیا چەمبەری دەوران و طەوقی چەرخی گەردوونە

سەرچاوە: نالی

جەور

ستەم.

« نالیی » مه به عاجز، که ئەمه دەورە نه جەورە
ساقیی کەرەمی یەک به یەکه و نەوبه به نەوبە

سەرچاوە: نالی

حوضوور

هاتنە خزمەت.

ویصالی بێ کەم و کەیفی حوضووری
لە « نالیی » گەر دەپرسی، یەعنی ئاوا

سەرچاوە: نالی

خوطوور

ئەوەی بە دڵدا بێ.

مەعلوومە لەوێ ڕاز و خوطووری دڵی « نالیی »
(اذْ حَلَّ بقَلْبی، وَ بِاسَرْارِهِ نوجِی)

سەرچاوە: نالی

خوطوور

خەیاڵ.

غەمی چاوت لە چاومدا، هەمی قەددت لە سینەمدا
لەبەر سستیی و ضەعیفیی ئەو خەوێکە، ئەم خوطوورێکە!

سەرچاوە: نالی

خوطوور

تێپەڕین.

زارم وەکو هیلال و نەحیفم وەکو خەیاڵ!
ئایا دەکەومە زار و بەدڵدا دەکەم خوطوور؟!

سەرچاوە: نالی

دەبوور

ڕەشەبا.

مەحوی قەبووڵی خاطری عاطر شەمیمتە
گەردی شیمال و گێژی جەنووب و کزەی دەبوور

سەرچاوە: نالی

دەور

نۆبە.

بێ مەحابا ئاو دەڕێژێ گەهـ بە فەور و گەهـ بە دەور
چاوی من موددێکە شێوەی ئابشاری گرتووە

سەرچاوە: نالی

دەور

زەمانه.

« نالیی » مه به عاجز، که ئەمه دەورە نه جەورە
ساقیی کەرەمی یەک به یەکه و نەوبه به نەوبە

سەرچاوە: نالی

دەور

خول.

سەیرێ بکە لە بەرد و لە داری مەحەللەکان
دەورێ بدە بە پرسش و تەفتیش و خوار و ژوور

سەرچاوە: نالی

دەیجوور

شەوی زۆر تاریک و درێژ.

شەوی یەلدایە، یا دەیجوورە ئەمشەو
که دیدەم دوور له تۆ بێ نوورە ئەمشەو؟!

تۆڕی زاراوەپارێزیی وشەدان