وشەدان

سەرچاوە: نالی

دڵنەواز

ئەوەی دڵی خەڵک بداتەوە.

شاهێنی دیدەبازە، مەستی شەرابی نازه
دڵدار و دڵنەوازە، دڵکێش و دڵفریبه

سەرچاوە: نالی

دیوان

بارەگای حوکمڕانیی. دیوانی شیعر.

فارس و کورد و عەرەب هەر سێم بە دەفتەر گرتووە
« نالیی » ئەمڕۆ حاکمی سێ موڵکە، دیوانی هەیە!

سەرچاوە: نالی

دیوان

ئەوەی کۆڕی گەورە و پایەبڵند بێ.

« نالیی » ئیستە تاجی شاهیی و تەختی خاقانیی هەیە
شەوکەت ئارا، موحتەشەم دیوانه، فیکرەت صائیبه

سەرچاوە: نالی

دێوانە

شێت. دەروێش. کینایەیە لە (هینەکەی) نالییی.

دێوانە کە زانیی کە دەبێ عوقدەگوشا بێ
هەستاوو گوتی: ئەشکی ڕەوانم بە فیدا بێ!

سەرچاوە: نالی

دەوات

شووشەی مەرەکەب.

کەی دەکا شەرح و بەیاناتی ڕومووزی دەردی دڵ
ڕووڕەشێ هەروەک دەوات و، دوو زبانێ وەک قەڵەم!

سەرچاوە: نالی

دەوان

ئەوەی بە ڕاکردن بڕوا.

وەک ئاهەکەم دەوران بە هەتا خاکی کۆیی یار
وەک ئەشکەکەم ڕەوان بە هەتا ئاوی (شیوەسوور)

سەرچاوە: نالی

سوارە

بەنەشئەیە و لەسەر پێیە.

ضابیطەی طەبعم سوارە، ئیددیعای شاهیی هەیە
مەحتەشم دیوانە، داوای تەختی خاقانی دەکا

سەرچاوە: نالی

سپییواش

سپی ڕەنگ، مەیلەوسپی.

چ ڕێگێکی سپییواشە، ئەوەندەی کەهکەشان دوورە
چ صەحرایێکی شین ڕەنگە، بە قەد نۆ ئاسمان پانە

سەرچاوە: نالی

سەواد

ڕەشی.

سەوادی طوڕڕەیی ئەو ئیشتیباهی سەهوی جوان
بەیاضی غوڕڕەیی ئەم ئینتیباهی سوجدەیی پیر

سەرچاوە: نالی

سەواد

خەتی ڕەشی بەردەست. جاران بە خوێندەوارییش ئەوترا.

طوڕڕەت وەکو تۆماری شکستە و سەری کوڵمت
بۆ نووری سەوادم بووەتە شەمعی موتاڵا

سەرچاوە: نالی

سەیوان

گردی سەیوان

(سەیوان) نەظیری گونبەدی کەیوانە سەبز و صاف،
یاخۆ بووە بە دائیرەیی ئەنجومی قوبوور؟!

سەرچاوە: نالی

شوانی

شەوانی، یاخود برژاندمی.

شَوانیِ (سُلَیمانیِ) و صَبایْ (پیرْ مَصورَ) کَیْ
کِوانیِ (قَرَەداغٌ) و هَوایْ (دارِ زَرْدِ) ەِ

سەرچاوە: نالی

شەهسەوار

شاسوار.

میضماری شەهسەوارییی تۆیە کە صەف صەفە
کۆگایی حاصیلاتتە بەیدایی بەیدەرە

سەرچاوە: نالی

شەهـ سەوار

شاسوار، شۆڕەسوار، شۆڕە سوار و لاوچاک.

یا لە مەیدانی فەصاحەتدا بە میثلی شەهـ سەوار
بێ تەئەممول بەو هەموو نەوعە زوبانی ڕادەکا

سەرچاوە: نالی

شەوارە

ئەو باڵندەیەیە کە بە شەوی تاریک ڕۆشنایی ئەبینێ و ڕێ ون ئەکا و بە ئاسانیی ئەگیرێ.

لێم حەرامە دانەوو ئاوی حەماماتی حەرەم
من کە بازی دیدە بازم نەک شەوارەی دەستەمۆم

سەرچاوە: نالی

طەواف

یەکێکە لە کارەکانی حەج، گەڕانەوە بە دەوری ماڵی کەعبەدا.

تا بەکەی وەک ڕاوییە و سانییەی سێ پەل شکاو
بێ طەواف و سەعی و عەمرە هەر بخەوم و هەر بخۆم!

سەرچاوە: نالی

عەوامیل

ناوی کتێبێکی سەرەتاییە لە زانستی نەحودا و ئیشارەتیشە بۆ هەر وشەیەک بەپێی ئەو زانستە کار لە وشەیەکی تردا بکا. هۆیەکانی ئیش کردن.

وەها سەقیم و موجەززا عەوامیلی ئەجزا
کە ئالەتی عەمەلی نەحوی مەحوی صەحوی ضەمیر

سەرچاوە: نالی

غەوواص

ئەوەی ئەچێتە بنی دەریا دوڕ و گەوهەر و مرواریی دەرئەهێنێ.

بەحری غەزەلم پڕ لە دوڕ و گەوهەرە، ئەمما
غەوواصی دەوێ یەعنی بە تەعمیقی بزانە

سەرچاوە: نالی

قەدکەوان

ئەوەی قەدی وەک کەوان چەمیبێتەوە.

چ قەد کەوانێ؟ وەکوو پێ شکاو و ئوفتادە،
کە بازی سێ قەدەمی قەت نەداوە وەک پەڕی تیر

سەرچاوە: نالی

قەوام

هۆی ڕاگیر بوون.

چ نوورێکە لە حوجرەی ڕەوضەدا وا قائیمە قوببەی،
قەوامی عەرش و فەرش و قەلبی ئینس و قالەبی جانە!

تۆڕی زاراوەپارێزیی وشەدان