وشەدان

سەرچاوە: نالی

هەم فەرد

هاوسەر و هاودەرد.

لەگەڵ مورغی چەمەن « نالیی » دەناڵێ
که یەعنی عاشق و هەم فەرد و فەردین

سەرچاوە: نالی

هەم قەدەم

هاوپێ، هاوڕێ.

دولبەری عالیی دەماغ، هەم قەدەمی سەروی باغ
بێتە نەظەرگەی قەراغ دیدەیی جۆباری من

سەرچاوە: نالی

هەماغۆش

هەم ئاغۆش، هاوباوەش.

بێزارە له تۆ ئێستە، هەماغۆشی عەدووتە
دونیا، که دوێنێ حەرەمی موحتەرمت بوو!

سەرچاوە: نالی

هەمدەم

هاودەم، هاوڕێ.

دەم هەمدەمی غونچێکە نەپشکووتووە هێشتا
با کەشفی نەکرد بەرگی عەطرپۆشی گوڵی ڕووت

سەرچاوە: نالی

هەمسەر

هاوسەر.

ئەم سەرسەری بازانه کەوا هەمسەری بوومن
موشکیل، بگەنه ساعیدی شاهێکی وەکوو من

سەرچاوە: نالی

هەمم

هَمّ ، خەم.

چیت لە کاکۆڵی سەر و موویی میانی داوە؟
هەمو هەر هەمم و پەرێشانیی و دەردی سەرییە

سەرچاوە: نالی

هەمڕێکاب

هاوڕکێف، هاوئاوزەنگی.

هەم هەم عەنانی ئاهم و هەم هەم ڕیکابی ئەشک
ڕەحمێ بەم ئاهـ و ئەشکە بکە، هەستە بێ قوصوور

سەرچاوە: نالی

هەمڕەنگ

هاوڕەنگ.

چاوی هەمڕەنگی گوڵی، مەستی شەو و ڕۆژن مەدام
یەک لە نەشگوفتەی بەنەفشە، یەک لە نەیلۆفەڕ دەکا

سەرچاوە: نالی

هەمگەردش

هاوڕێ.

موددێکە کە هەم گەردشی دەورانی سوپێهرم ،، موغبەڕ بووە میهرم
ئاوێنەیی دڵ شاهیدە هەرچەندە سییەهـ ڕووم ،، میرئاتی جەلاتم

سەرچاوە: نالی

هەوا

فوو. هەوای عەشق.

تا چاکی نەکەی پڕ له هەوا سینەیی « نالیی »
وەک زەنگڵه ئاوازەیی ناڵه ی دڵی نایێ

سەرچاوە: نالی

هەوا

ئارەزوو. با.

هەوای سەیری بەڕ و بەحر ئاگری بەرداوەتە عومرت
کە تۆزێ مونعەقید خاکی، دڵۆپێ مونجەمید ئاوی!

سەرچاوە: نالی

هەوا

ئاسمان. ئارەزووبازیی.

بنواڕە وشکەصۆفیی و ڕەقصی بە هەلهەلە
دیسان لە بەحری وشکی هەوا کەوتە پێمەلە

سەرچاوە: نالی

هەوا

خۆشەویستیی. ئاسمان.

« نالیی » له هەوا کەوتە سەما، بوو به شەناوەر
بەو وشکە مەلە بیمی هیلاکی غەرقی بوو

سەرچاوە: نالی

هەوار

نشینگەی هاوین و زستانی کۆچەرییەکان.

دەروونم خاڵییە، وەک نەی دەناڵێ
هەوارێکی چ پڕ هاوارە بێ تۆ!

سەرچاوە: نالی

هەودا

تاڵی موو.

حەڵقە حەڵقەی چ دەکەی دوای کەمەندی زوڵفت
بۆ دڵی خەستە کەوا بەستەیی هەودایێکە ؟!

سەرچاوە: نالی

هەودا

تاڵی ڕێسمانی ئاوریشم.

شیعری خەڵقی کەی دەگاتە شیعری من بۆ نازکی؟!
کەی لە دیققەتدا پەتک دەعوا لەگەڵ هەودا دەکا؟!

سەرچاوە: نالی

هەودا

تاڵ.

سیلاحی پەرچەمی پڕ خەم ئەگەر تارە و ئەگەر مارە
برۆ و غەمزەی کەوان و تیر ئەگەر هەودا و ئەگەر مەودا

سەرچاوە: نالی

هەوراز

بەرەو ژوورە.

هەی کەرێکم بوو، چ پەیکەر؟ طەیکەری هەوراز و لێژ
سینە پان و مووچە کورت و شانە بەرز و گوێ درێژ

سەرچاوە: نالی

هەورین

هەور پێوە بوو.

ئاسمان هەورین دەبێ، ئێمەش به غەمگینیی دەڵێین:
ئەی خودا چ بکەین له ژێر ئەم کاولەی کەس تیا نەماو؟!

سەرچاوە: نالی

هەوریی

سرکەیی، جۆرە سەرپۆشێکی ناسکی ڕەش و سپیی ئاوریشمە.

لادە دەسرۆکەیی هەوریی لە جەبین
دەرکەوێ شەمس و قەمەر، نوور و ضیا

تۆڕی زاراوەپارێزیی وشەدان