وشەدان

سەرچاوە: نالی

ئەنگووت

هەڵی کرد.

هەناسەم زوڵفەکەی لادا و مەیلێکی نەکرد چاوی
نەسیم ئەنگووت و شەو ڕابورد و نەرگس هەر لە خەودایە

سەرچاوە: نالی

تەنگە

تەنگانە.

تەنگە ئەوا دەبێ کە لە ئەو جێگە تەنگەدا
سائیل نەکیر و عاریف و مەعرووف و مونکەرە

سەرچاوە: نالی

زەنگڵه

زەنگ.

تا چاکی نەکەی پڕ له هەوا سینەیی « نالیی »
وەک زەنگڵه ئاوازەیی ناڵه ی دڵی نایێ

سەرچاوە: نالی

زەنگی

ڕەش.

پەرچەمی سونبولیی و، قەددی (قضيب البان) یی
زوڵف بەهلوولیی و، خەط زەنگیی و، وەجهی حەسەنە

سەرچاوە: نالی

زەنگیی

قولەڕەش که جاران کۆیله بوون و کڕراون و فرۆشراون.

زوڵفی جەڕڕاڕی صەفاصەف خستە پێش
یەعنی زەنگیی لەشکری قیروسییان

سەرچاوە: نالی

سەرنگون

ون.

سم وەکوو یەشم و لە پەشم و تووکی پێدا سەرنگوون
چاو وەکوو بیجادە یا دوو شەو چراغی شوعلە ڕێژ

سەرچاوە: نالی

سەرنگوون

سەرەوخوار بووەوە.

پەرێشان و شکستە و سەرنیگوون داماوە زولفەینی
تومەز بادی صەبای چین و خەطای لێ داوە زولفەینی

سەرچاوە: نالی

سەنگدڵ

دڵڕەق وەک بەرد.

حاڵی بکە بە خوفیە: کە ئەی یاری سەنگ دڵ
« نالیی » لە شەوقی تۆیە دەنێرێ سەلامی دوور...

سەرچاوە: نالی

سەنگی سییەهـ

بەردە ڕەشە.

بەو ڕەحمەتە عامەت کە دەکا سەنگی سییەهـ زەڕ
لەم قەلبە کە وەک بەردە، ڕەشە، « رش رشاشا »

سەرچاوە: نالی

لەنگەر

لەنگەریی. شەمع

خوانی ئەلوانی زەمین و صەفی سینیی و صەحەنی
طەشت و طاس و طەبەق و لەنگەر و شەمع و لەگەنی

سەرچاوە: نالی

نشینگه

جێگای تیا دانیشتن،

بۆ نشینگەی مورغی ڕۆحی ئەو کە عالیی فیطرەتە
جێگەیی خۆشتر له ڕەوضەی (جنة المأوی) نەبوو

سەرچاوە: نالی

ڕەنگنوما

ئەوەی تیشک بداتەوە.

ئایینە بە مایینە دەبێ ڕەنگ نوما بێ
(مەستوورە) بەمەستوورە دەبێ موهرەگوشا بێ

سەرچاوە: نالی

ڕەنگڕژیی

ڕەنگڕشتن.

یەک ڕەنگم و بێ ڕەنگم و ڕەنگین بە هەموو ڕەنگ
بەم ڕەنگە دەبێ ڕەنگ ڕژیی عیشقی حەقیقیی

سەرچاوە: نالی

ئاهەنگ

بەزم.

نەوای ئاهەنگی (قد قامت) طەریقی جەمعی زوههادە
قەد و قامەت بە لەهجەی ڕاستیی طووبایی عوششاقە

سەرچاوە: نالی

بانگ ی دووهەم

بانگی سبەینان. بانگ کردن.

فەرمووتە کە بانگم کە، شەوێ، دێمە کەنارت
قوربان! وەرە شەو ڕۆیی، ئەوا وەعدەیی بانگە

سەرچاوە: نالی

بژانگ

برژانگ.

شاهێنی دو چاوت کە نیگا و مەیلی بە دانگە
کێشانی بە قوللابی دلاوێزی بژانگە

سەرچاوە: نالی

خۆشاهەنگ

خۆش ئاواز و خۆش بزووتن. پوورەی هەنگ کە لە دەوری کوورەکە کۆ ئەبنەوە.

خوانی ذی شانی جیهان هەنگی خۆشاهەنگە، وەلێ
مێشی دەم نۆشم و دوم نێشم و عەکسی عەسەلم

سەرچاوە: نالی

خەدەنگ

تیر.

« نالیی » وەرە لادە له خەدەنگی موژەیی یار
ئەو کافرە مەستانه که غارەتگەری دینن

سەرچاوە: نالی

دانگ

بەشێک لە شتێک. کینایەیە لە کەمیی.

شاهێنی دو چاوت کە نیگا و مەیلی بە دانگە
کێشانی بە قوللابی دلاوێزی بژانگە

سەرچاوە: نالی

زەنگ و قۆڕ

ئەو زەنگلەی ئەکرێتە ملی وڵاخی باریی کاروان لە سەفەری دووردا و لەدوورەوە دەنگی دێ.

قەطاری زەنگ و قۆڕی ئوشتر و ئێستر لەسەر کێوان
دەڵێی زیڕەی صەدای قاز و قوڵنگی ئەوجی کەیوانە

سەرچاوە: نالی

سیاسەنگ

بەردی ڕەش. کینایەیە لە ڕەقیی.

دڵ سیاسەنگ نەبێ، مائیلی خاکی وە طە نە
خاڵی لەعلی حەبەشە، ساکینی بوردی یەمەنە

سەرچاوە: نالی

شەش دانگ

بێ کەم و کورتی. *

بن زک و جەبهەت سپیی، کلک ئێستر و دامەن سیا
یەککە تاز و سێ بڕ و، دوو باد و شەش دانگ و درێژ

سەرچاوە: نالی

قانگ

دووکەڵی پەنگ خواردووەوە.

« نالیی » مەکە، تووڕا بو، لەبەر جەبهەیی گرژت
نایێته ئەلات، عیجزی لەبەر دووکەڵی قانگە

سەرچاوە: نالی

قوڵنگ

چەکوشی بەرد پێ تاشین.

سەری فەرهادم و دەندووکی قوڵنگ
دەستی مەجنوونم و دامێنی چیا

سەرچاوە: نالی

لاجانگ

نێوانی چاو و گوێ.

صۆفیی و سەر و مێزەر، من و زوڵف و سەر و دەسماڵ
من کوشتەیی لاجانگم و، ئەو کوشتەیی جانگە

سەرچاوە: نالی

نەیرەنگ

فێڵ و تەڵەکەبازیی. جادووگەریی.

نیشانەی (صبغة اللهی) لەسەر ئیسم و موسەممایە
بە بێ نەیرەنگی ئەو ڕەنگە کە ڕەنگی ئیفتخاریی بێ

سەرچاوە: نالی

هەمڕەنگ

هاوڕەنگ.

چاوی هەمڕەنگی گوڵی، مەستی شەو و ڕۆژن مەدام
یەک لە نەشگوفتەی بەنەفشە، یەک لە نەیلۆفەڕ دەکا

سەرچاوە: نالی

چەرخی ئەطڵەس ڕەنگ

ئاسمانی شین.

کولاهی فەخر و تەعظیمم گەیشتە چەرخی ئەطلەس ڕەنگ
کە بیستم قەلبی میرانم لەسەر مەملووکی ئاغایە

تۆڕی زاراوەپارێزیی وشەدان