وشەدان

سەرچاوە: نالی

شیرە

شیلە.

شیرەیی جانە وتم یا مەیە؟ چا بوو فەرمووی
عەکسی لەعلی لەبی مەرجانە لە فنجانمدا

سەرچاوە: نالی

حیکمەتی شیعر

شیعر و هەڵبەستی وا کە پڕ بێ لە مەعنا و زانست.

« نالیی » نییەتی سیحری بەیان، حیکمەتی شیعرە
ئەمما نییەتی قووەتی دڵ، قودرەتی ئینشا

سەرچاوە: نالی

شیرین

مەعشووقەی فەرهاد و عاشیقەی خوسرەوی پەروێز.

لە دنیا جەننەتی باقی تەلاری شاهییە، ساقیی!
(حەبیبە) طوڕڕەیی طەوقی ملیی (شیرین) و (عەذرا) یە

سەرچاوە: نالی

شیرین قەلەم

قەوارە ڕێختە و ڕێکوپێک.

مل عەلەم، شیرین قەلەم، ئاهوو شکەم، مەیموون قەدەم
سم خڕ و کلک ئێستر و مەنزل بڕ و عارەق نەڕێژ

سەرچاوە: نالی

شیرینیی

سەرەڕای مەعنای خۆی ئیشارەتیشە بە شیرینی داستانی شیرین و فەرهاد.

لە شیرینیی ئەتۆ، ئەی خوسرەوی تەختی زەمین، ڕەنگە
بگاتە ئاسمانی بێستوون فەرهادی هاوارم

سەرچاوە: نالی

شیفتە

شێواو، ئاڵۆز.

بیدە بە دڵم، شیفتە بۆ شیفتە چاکە..
بیخە ملم، ئەو قەیدە بە دێوانە ڕەوایە..

سەرچاوە: نالی

شیفتە

دڵداریی کە یار دڵی بردبێ.

زوڵفت بە قەدتدا کە پەرێشان و بڵاوە،
ئەمڕۆ لە منی شیفتە ئاڵۆز و بە داوە

سەرچاوە: نالی

شیمال

بای شەماڵ.

مەحوی قەبووڵی خاطری عاطر شەمیمتە
گەردی شیمال و گێژی جەنووب و کزەی دەبوور

سەرچاوە: نالی

شین

ڕەنگی شین، دروشمی کەس مردووبیی. گریانی بەکوڵ.

لیباسم ماتەمه، شینه، له شیندام
سوروشکم سوورە. ڕەنگم زەردە بێ تۆ

سەرچاوە: نالی

شیوی ئاودار

شیوێکە لە ڕۆژاوای باکووری سولەیمانییەوە بەلای سەرچناردا.

ئێستەش سوروشکی عیشقی هەیە (شیوی ئاودار) ،
یاخۆ بووە بە صۆفیی وشکی لە حەق بە دوور؟!

سەرچاوە: نالی

شیوەسوور

یا شیوەسوورەکەیە کە پێشان باسمان کرد، یا هەر شیوێکی کاتی لافاو هاتنە کە قوڕاوی سووری پیا سەر بکا.

حەوزی پڕی کە نائیبی دیدەی منە لەوێ،
لێڵاوی دانەهاتووە وەک سەیلی (شیوەسوور) ؟

سەرچاوە: نالی

شیوەسوور

شیوێکە لەنزیک چەمچەماڵەوە.

وەک ئاهەکەم دەوران بە هەتا خاکی کۆیی یار
وەک ئەشکەکەم ڕەوان بە هەتا ئاوی (شیوەسوور)

سەرچاوە: نالی

شیوەنم یەکجارییە

شیوەنی مەرگمە.

با ڕەفیقانم بکەن شینم کە وەقتی زارییە
قەط مەکەن تەقصیر لە گریان، شیوەنم یەگجارییە

سەرچاوە: نالی

ئاتەشین

گەرم وەک ئاگر.

لە بن خاکی مەغاکی ئاتەشینی، لەعلی لەب توشنە
لە سەر ئابی سەرابی، سەروی سێرابی موغەیلانە

سەرچاوە: نالی

ئاشیان

هێلانە.

لە هێلانەی زەمیندا وەک شتور مورغ
منی قودس ئاشیان بێ باڵ و پەڕ مام

سەرچاوە: نالی

بەشیر

مژدەدەر.

موحەممەد، ئەحمەدی مورسەل، مونیری مینبەر و، مەحفەل
بەشیری ئاخیر و ئەووەل، نەذیری خوێش و بێگانە

سەرچاوە: نالی

خورشید

خۆر.

کەعبە ئیشراقی وەکوو خورشیدە، من چاوم ضەعیف
لێم بووە ڕۆشن کە بوعدی قوربە، قوربی بوعدە بۆم!

سەرچاوە: نالی

خەشین پۆشیی

لەبەر کردنی بەرگی زبر.

تەنی ڕاضیی بە خەشین پۆشیی وەک شێر و شوتور
بێ نیازە لە برێشم تەنیی و پیلەتەنیی

سەرچاوە: نالی

خەڵوەتنشین

ئەوەی لە شوێنێکی چۆڵدا بەتەنها دائەنیشی خەریکی خواپەرەستی ئەبێ.

ئەگەر خەڵوەت نشین بێ، (جانی جانان) بێ ئەنیسی ئەو
وەگەر هیجرەتگوزین، ڕۆحی (عەزیزان) یاری غاری بێ!

سەرچاوە: نالی

ذەڕڕەیی خورشید

وردە تیشکی خۆر.

خۆش صوبح دەمێکە کە بە خەندە دەنوێنێ
بەس ذەڕڕەیی خۆرشید لە ذەڕڕێکی سوهادا

سەرچاوە: نالی

قودس ئاشیان

ئەوەی ئاسمان جێی بێ.

لە هێلانەی زەمیندا وەک شتور مورغ
منی قودس ئاشیان بێ باڵ و پەڕ مام

سەرچاوە: نالی

نشینگه

جێگای تیا دانیشتن،

بۆ نشینگەی مورغی ڕۆحی ئەو کە عالیی فیطرەتە
جێگەیی خۆشتر له ڕەوضەی (جنة المأوی) نەبوو

سەرچاوە: نالی

نەججاشیی

نازناوی پادشاهانی ئەوسای حەبەشە بووە.

صەد حەیفی لە بۆ کەعبەیی حوسنت کە بەسەریا
نەججاشیی خەط هاتووە نێزیکە خورووجی

سەرچاوە: نالی

نەقشین

نەخشین، نەخشاویی.

مەگەر هەر یاری نەقشینم ببێتە نەقشبەندی دڵ
کە نەقشی غەیری ڕەنگی ئەو بە ئاوی دیدە شۆرابێ

سەرچاوە: نالی

وەحشیی

دوورەپەرێز و کەنارەگیر.

وەحشییە لێمان لەبەر طەعنەی ڕەقیبی سەگ صیفەت
ڕاستە هەر ذیی ڕۆحێ، بۆ وەسواسە، شەیطانی هەیە

سەرچاوە: نالی

وەحشیی

کێویی.

فەرقێکی نەکرد نەفسی نەفیسم بە عینایەت ،، وەحشیی لە ویلایەت
لەم گۆشەیی وێرانەیە هەر مامەوە وەک بووم ،، وەیشوومی وڵاتم

سەرچاوە: نالی

وەحشیی غەزال

ئاسکی کێویی.

لەحظەیێک و لەمحەیێک چاوم بە چاوی ناکەوێ
کێ دەڵێ وەحشیی غەزالە مەیلی ئینسانی هەیە!

سەرچاوە: نالی

پێشین

کۆن،

(معاذ اللە) کە ڕەحمێکت بە حاڵی زاری مندا بێ
کە ئاخر بەندەیی خاکی دەری پێشینتە، بازا!

سەرچاوە: نالی

کافووری کەشیدە

خەتی کێشراوی سپیی وەک کافوور، ئەو خەتەی کە لە ئەنجامی لە میسطەرە دانی کاغەزەکەوە دەرئەکەوت.

وەجهەکەم ئیسمی بەیاض، ئەمما وەرەق زەرد و سیاە
با موخەططەط بێ بە کافووری کەشیدەی خۆش نەمەط

سەرچاوە: نالی

کایە حەشیش

ئەوەی خەریکی کاری هیچ و پووچ بێ.

صووفیی! چییە ئیشی تۆ؟ هەر کایە حەشیشی تۆ!
عاشق وەکوو ڕیشی تۆ، هەوساری لەکن پەشمە

سەرچاوە: نالی

گو ئاتەشیی

گوڵەهەنار، گوڵێکی سوورە.

طاغیی و باغیی و، باغی گوڵ و نەیرەنگ و فەنی
شاد و شادابە بە گوڵ ئاتەشیی و نارەوەنی

سەرچاوە: نالی

گوڵاتەشین

گوڵ ئاتەشین، گوڵی وەک ئاگر سوور.

گەرمیی و تەڕیی بەهارە کە پشکۆ کوژایەوە
پشکۆی گوڵاتەشین بە نەسیم بوو گەشایەوە

سەرچاوە: نالی

گوڵی ئاتەشیی

گوڵێکی سوورە.

وەک گوڵی ئاتەشیی، خەمڵیوە بە بەرگی چەمەنیی
قامەتی نارەبەرە، ناروەرە، نارەوەنە

تۆڕی زاراوەپارێزیی وشەدان