تۆڕی زاراوەپارێزیی وشەدان

X
   
 
   


سەرچاوە: نالی
سییەهـ
سیاه، ڕەش.

ماتەم، وەکو زولفەینی سییەهـ ، گرتی سەراپات
پۆشی لە ڕوخت تەعبییەیی بەیدەق و شامات
سەرچاوە: نالی
بووعەلی سینا
زانا و فەیلەسووفی بەناوبانگی ئیسلام، (٩٨٠ - ١٠٧٣) ، لە بوخارا لەدایک بووە و لە هەمەدان مردووە.

لەکن ئەو جەوهەرە فەردە لە هەیولا نییە باس
لە حیکەم پەروەرییی بوو عەلی سینا نییە باس
سەرچاوە: نالی
سیا
ڕەش.

بە داوە، کرژ و خاوە، یەعنی ئاڵۆزاوە زولفەینی
دوو تاوە، دوو سیان و شێوەکەی شێواوە زولفەینی
سەرچاوە: نالی
سیاتاو
هەوری ڕەشی باراناویی.

یا دووکەڵی جەستەی منە بەو شەمعە سووتاوە،
یا هەوری سیاتاوە کە مانیع لە هەتاوە؟!
سەرچاوە: نالی
سیادەت
سەییدایەتیی.

کە جێگەت بۆ عیبادەت بێ، چ فەوقانیی، چ تەحتانیی
کە حوببت بۆ سیادەت بێ، چ (بەرزنجیی) ، چ (باراویی)
سەرچاوە: نالی
سیاسەنگ
بەردی ڕەش. کینایەیە لە ڕەقیی.

دڵ سیاسەنگ نەبێ، مائیلی خاکی وە طە نە
خاڵی لەعلی حەبەشە، ساکینی بوردی یەمەنە
سەرچاوە: نالی
سیاهیی
ڕەشیی.

چ زەرقا؟ بۆ سیاه ی ی دەفتەری هەر ناصییە ماحیی
چ طەیبە؟ بۆ تەبایی دەردی هەر دەرماندە دەرمانە
سەرچاوە: نالی
سیحری بەیان
وتەیەک ئەوەندە جوان بێ وەک سیحر خەڵک سەرسام بکا.

« نالیی » نییەتی سیحری بەیان، حیکمەتی شیعرە
ئەمما نییەتی قووەتی دڵ، قودرەتی ئینشا
سەرچاوە: نالی
سیراج
چرا.

بۆ مەجلیس و یاریی سەبەبی شەوق و سیراجیی
بۆ ڕاو و سواریی عەلەمی زین و سورووجی
سەرچاوە: نالی
سیلسیلە
زنجیرە.

ئەو سیلسیلە وا میشگی خەتا نێوی براوە،
پڕ پێچ و شکەن، خەم بە خەم و، حەڵقە کراوە،
سەرچاوە: نالی
سیم
زیو.

دندان گوهەر و لەب شەکەر و، پەنجە بلوورن
نازک بەدەن و، موو کەمەر و، سیم سرینن
سەرچاوە: نالی
سیمین
سپی وەک زیو.

یاخود وەکو خۆی شاهیدە، با وەصفی وەهابێ:
سیمین مەمکێکی هەکە تازە هەڵیدابێ
سەرچاوە: نالی
سیمین بەدەن
لەش وەک زیو سپیی.

سیمین بەدەن و، سەرو قەد و، لەنجە تەذەرون
کافر نیگەهـ و، ڕەشک، له بوتخانه یی چینن
سەرچاوە: نالی
سیڕڕ
شتی نهێنی.

ئەم سیڕڕە چییە میثلی سوها بێ، نەسوابێ؟!
دوڕڕێ کە وەکو دوڕڕی سەما بێ، نەسمابێ؟!
سەرچاوە: نالی
سیڕڕە
ڕاز و نهێنی. کن

نەی، کە صاحیب سیڕڕە، سەر تا پا بە ئەمری (کن) کونە
باطینی (قف قف علی سری) ، بە ظاهیر قەف قەفە
سەرچاوە: نالی
سییان
سیاهن، ڕەشن.

ئەم غەزالانه که نەقشی دیدەمن
تەن سپین و چاو و خاڵ و موو سییان
سەرچاوە: نالی
سییان
سێن.

ئەهلی تەعدادی مەحاسین نووسییان
خاڵ یەک و، زوڵفی دووان، هەردوو سییان
سەرچاوە: نالی
سییه هـ مەست
بەدمەست. زۆر سەرخۆش.

موژگانی سییەهـ مەستی وەکوو چاوی (حەبیبه)
غارەت که بکه ن، دێن و دەچن، ڕۆح بڕفێنن
سەرچاوە: نالی
سییەهـ
ڕەش.

زولفت که لەسەر ڕوو به خەم و تابشە ئەمڕۆ،
دوودی سییەهی عوودە لەسەر عاریضی پشکۆ
سەرچاوە: نالی
سییەهـ ڕوو
ڕوو ڕەش.

موددێکە کە هەم گەردشی دەورانی سوپێهرم ،، موغبەڕ بووە میهرم
ئاوێنەیی دڵ شاهیدە هەرچەندە سییەهـ ڕووم ،، میرئاتی جەلاتم

مافی لەبەرگرتنەوە © 2014 - 2024 وشەدان
پ‌.هـ.د پێوەندی هاوکێش وەرگرتنی قەدبڕی سایت