وشەدان

سەرچاوە: نالی

تازیی

تانجیی، سەگی ڕاو، بنووڕم جۆرە دەنگێکی سەگە وەک لوورە و قووزه، له کاتی هەست به بێ دەسەڵاتیی و بێ چارەییدا لێیەوە دەرئەچێ.

چ خۆشە من وەکو تازیی بنووڕم
ئەتۆش هەر وەک غەزاله ی بەڕ هەڕا کەی!

سەرچاوە: نالی

تازە جەوان

جوانی لە تافی لاوێتیدا.

ئەی تازە جەوان! پیرم و ئوفتادەوو کەوتووم ،، تا ماوە حەیاتم
دەستێ بدەرە دەستی شکستەم، کە بەسەرچووم ،، قوربانی وەفاتم

سەرچاوە: نالی

تاق

تەنها.

کەوا زەڕتایی یەکتایی دەڵێی خورشیدی ئافاقە
مەڵێ خورشیدی ئافاقە، بڵێ میهرێ کەوا تاقە

سەرچاوە: نالی

تاق

تەریککەوتوو.

بە زو ڵ فی تۆیە وابەستە، لە من دڵ گەر پەرێشانە
بە ئەبرۆی تۆیە پەیوەستە، ئەگەر طاقەت لە من تاقە

سەرچاوە: نالی

تاق ی دووهەم

تەنها.

چ قەصر و دائیرە و تاقێ، تیا تاقی ئافاقی،
نەی و موطریب، مەی و ساقیی، گوڵ و بولبول هەموو جووتن

سەرچاوە: نالی

تاق ی یەکەم

تاقی سەرپەنجەرە،

چ قەصر و دائیرە و تاقێ، تیا تاقی ئافاقی،
نەی و موطریب، مەی و ساقیی، گوڵ و بولبول هەموو جووتن

سەرچاوە: نالی

تاقە

قوماشێکی ئاوریشمی جوان بوو جاران ئەیانکرد بە کەوا و لەبەر تیشکی خۆردا ئەبریسکاوە.

کەوا زەڕتایی یەکتایی دەڵێی خورشیدی ئافاقە
مەڵێ خورشیدی ئافاقە، بڵێ میهرێ کەوا تاقە

سەرچاوە: نالی

تانجەرۆ

چەمێکە لە سەرچاوەکانی سەرچنارەوە پەیدا ئەبێ و لە داوێنی سولەیمانییەوە بە بناری چیای گلەزەردەدا بەرەو شارەزوور مل ئەنێ و لە (دواوان) ئەڕژێتە سیروانەوە.

داخو دەروونی صافە، گوڕەی ماوە (تانجەڕۆ) ،
یاخۆ ئەسیری خاکە بە لێڵی دەکا عوبوور؟!

سەرچاوە: نالی

تاو

هەتاو، خۆر.

دەسا لادە سەری زوڵفت لەسەر ڕووت
کە ڕووتی ڕووتم و مایل بە تاوم

سەرچاوە: نالی

تاو

هێز و توانا.

دڵ تینووە، سووتاوە، بە بێ طاقەت و تاوە
ڕێگەم بەسەراوە، کە دەچم ڕێم بەسراوە

سەرچاوە: نالی

تاڵی شاریی

دەرمانێکە بۆ خۆشکردنی پێستە بەکاری دێنن.

پۆست بە کۆڵی (عامیری) فەرمووی کەوا بۆ پوختە بوون
جەوتی سەرکێوان گەلێ چاتر لە (تاڵیی شاری) یە

سەرچاوە: نالی

تایەکی

تەڵەموویەکی،

تا تایی سەری طوڕڕەیی پڕ پێچشی با دا،
هەر تایەکی بارێکی گوڵ و نافە بە با دا

سەرچاوە: نالی

دوو تاو

ئەوەی بە دوو جۆر هۆنرابێتەوە.

بە داوە، کرژ و خاوە، یەعنی ئاڵۆزاوە زولفەینی
دوو تاوە، دوو سیان و شێوەکەی شێواوە زولفەینی

سەرچاوە: نالی

یەککە تاز

بەتەنها غارکەر، واتە لە هەموان پێشکەوتوو.

بن زک و جەبهەت سپیی، کلک ئێستر و دامەن سیا
یەککە تاز و سێ بڕ و، دوو باد و شەش دانگ و درێژ

سەرچاوە: نالی

ئاهووی تەتاریی

جۆره ئاسکێکە ناوبانگی به چاوجوانیی دەرکردووه.

ئەی خەستەیی چاوت هەمو ئاهوویی تەتاریی!
وەی بەستەیی زوڵفت هەمو شێرانی شکاریی!

سەرچاوە: نالی

ئوفتادە

لێکەوتوو. سێ قەدەم

چ قەد کەوانێ؟ وەکوو پێ شکاو و ئوفتادە،
کە بازی سێ قەدەمی قەت نەداوە وەک پەڕی تیر

سەرچاوە: نالی

بوستانی ئیرەم

باخی بەناوبانگی ئیرەم که له قورئاندا به ئایەتی (اِرَمَ. ذاتِ العِمادِ الَّفغِ مئ یُخلَق مِثلها فی البلادِ) باسی لێ کراوە و ئەڵێن شەدداد دروستی کردووە گوایه بەهەشتی ڕووی زەوییە.

له بوستانی (ئیرەم) دا قەط نییە وەک
شەمامەی وەک شەمامه ی وەک شەمامەی

سەرچاوە: نالی

تەحتانیی

ژێرخان.

کە جێگەت بۆ عیبادەت بێ، چ فەوقانیی، چ تەحتانیی
کە حوببت بۆ سیادەت بێ، چ (بەرزنجیی) ، چ (باراویی)

سەرچاوە: نالی

دەبوستان

قوتابخانە.

کوڕ زیبی دەبوستانە، کچ شەمعی شەبوستانە
بۆ بەزمی تەماشا کوڕ، بۆ خەڵوەتی تەنها کچ

سەرچاوە: نالی

دەستار

مێزەر.

دێوانە کە شەیدا بێ، تووکی سەری سەودا بێ،
قەط هیچی لەسەر نابێ، دەستاری لەکن پەشمە

سەرچاوە: نالی

دەستار ی دووهەم

مێزەرە.

شێخیی و سەر لنگە دەستاڕی بە دەستاری بوزورگ
ڕەندم و، دەستاری کەلـلەی من دەفە، نەک میندەفە

سەرچاوە: نالی

دەستان

داستانیی.

خوێنی صیرفە پێی سەر و دەستت حەنایی کردووە
ڕەنگی دەست و سەر نییە، ڕەنگی سەری دەستانییە

سەرچاوە: نالی

ستارە

ئەستێرە.

ئەتۆ میهرییو مەهڕوویان ستارەن
له خزمەت شەوقی تۆدا شەوچرا چین؟!

سەرچاوە: نالی

سیاتاو

هەوری ڕەشی باراناویی.

یا دووکەڵی جەستەی منە بەو شەمعە سووتاوە،
یا هەوری سیاتاوە کە مانیع لە هەتاوە؟!

سەرچاوە: نالی

سەرقەتار

سەرقافڵە.

ئەسیری سیلسیلەی بەندی مەهاری سەرقەتارت بم
کە دەمکێشێتە ڕەوضەی حەی وەکوو مەجنوونی دێوانە

سەرچاوە: نالی

شەبستان

تاریکستانی.

کوڕ زیبی دەبوستانە، کچ شەمعی شەبوستانە
بۆ بەزمی تەماشا کوڕ، بۆ خەڵوەتی تەنها کچ

سەرچاوە: نالی

شەبوستان

حەرمسەرای شاهان و تەختی نووستنیان کە تەنیا مۆمێکیان تیا دائەگیرساند..

پەرچەمی ڕوو دادەپۆشێ، پێچی زوڵفی پێچەیە
دا بە ڕۆژیش پێی بڵێن شەمعی شەبوستانی هەیە

سەرچاوە: نالی

عیتاب

لۆمە و گلەیی.

مەستوورە کە حەسناوو ئەدیبە بە حیسابێ
هاتە خەوم ئەمشەو بە چ نازێک و عیتابێ!

سەرچاوە: نالی

فوتادە

ئوفتادە، کەوتوو.

داخۆ دەروونی شەق نەبووە (پردی سەرشەقام) ؟!
پیر و فوتادە تەن نەبووە (داری پیرمەسوور) ؟!

سەرچاوە: نالی

فەتتاح

خوا کە دەرگای ڕەحمەتی خۆی بۆ بەندە ئەکاتەوە.

قەطرێکە لە بەحری کەرەم و ڕەحمەتی فەتتاح
نەک عارەقی کەرمی عینەب و شەربەتی توففاح

سەرچاوە: نالی

قەتاد

دارێکی سەختە دڕکێکی وەک دەرزی تیژی هەیە.

قەتاد و عەرفەج و خیطمیی و عەضات و عەوسەج و ئەثلی
چ دامەن گیر و شین و دڵنشینی ڕێی غەریبانە!

سەرچاوە: نالی

موتابیع

ئەوەی چاو لەدووی شتێک بێ.

باقێ کە ڕووی لە کەففەیی میزانە، یەکسەرە.
هەرچەند سەرە موتابیعی میعیاری دوو سەرە

سەرچاوە: نالی

موتاڵا

تەماشا کردن و خوێندنەوەی کتێب.

طوڕڕەت وەکو تۆماری شکستە و سەری کوڵمت
بۆ نووری سەوادم بووەتە شەمعی موتاڵا

سەرچاوە: نالی

مومتاز

هەڵاوێردە. خاصصە. تایبەتیی.

ئەم طاقمه مومتازە کەوا خاصصەیی شاه ن
ئاشووبی دڵی مەملەکەت و قەلبی سوپاهن

تۆڕی زاراوەپارێزیی وشەدان