وشەدان

سەرچاوە: نالی

نارەبەر

ئەوەی بەرەکەی هەنار بێ.

وەک گوڵی ئاتەشیی، خەمڵیوە بە بەرگی چەمەنیی
قامەتی نارەبەرە، ناروەرە، نارەوەنە

سەرچاوە: نالی

نەقشبەند

نەخشی چەسپ کراو و داکوتراو.

مەگەر هەر یاری نەقشینم ببێتە نەقشبەندی دڵ
کە نەقشی غەیری ڕەنگی ئەو بە ئاوی دیدە شۆرابێ

سەرچاوە: نالی

نەقشبەندی ی

پەیڕەوی تەریقەتی صۆفییانەی نەقشبەندیی.

لە عەکسی ذاتی بێڕەنگت هەتا کەی دیدە ڕەنگین بێ،
جونوونی لەیل و مەیلی نەقشبەندیی عەکسی ئەسما بێ؟!

سەرچاوە: نالی

نەوبەر

تازە بەرگرتوو.

نەخلی باڵات نەوبەرە، تازە شکۆفەی کردووە
تۆ کە بۆی شیرت لە دەم دێ، ئەم مەمەت کەی کردووە!

سەرچاوە: نالی

هەیبەت

سام.

حە ضرەتی هەیبەتە، نەک غەیبەت و ڕەیبەت « نالیی »
ئەڵڵا ئەڵڵا، چ حوضوورێکە کە ( أصلا) نییە باس!

سەرچاوە: نالی

پڕتەوبەخش

ڕووناکی ی دەر.

لە دووریی تۆیە ئەی خورشیدی پڕتەو بەخشی شەوگەردان
کە « نالیی » وا لە حاڵاتی میحاقی ماهی نەودایە..

سەرچاوە: نالی

پۆستبەکۆڵ

ئەوەی پێستی حەیوان لەبەر ئەکا. مەبەست لە (مەجنوونی لەیلا) یە.

پۆست بە کۆڵی (عامیری) فەرمووی کەوا بۆ پوختە بوون
جەوتی سەرکێوان گەلێ چاتر لە (تاڵیی شاری) یە

سەرچاوە: نالی

پەیغامبەر

پەیامبەر، پێغەمبەر.

پەیغامبەر و حەبیبی خودا، (خاتَمُ الرَّسُل)
ڕەوضەی له ئەرض و سایە لەسەر چەرخی ئەخضەرە

سەرچاوە: نالی

چەنبەرە

چەنبەرە، چەڵەمەی ملی گاجووت.

لە دەورانی طەبیعەتدا لەگەڵ ثەوری فەلەک جووتە
لە ملیا چەمبەری دەوران و طەوقی چەرخی گەردوونە

سەرچاوە: نالی

ڕوقبەت

گەردن.

ڕەققێتیی تەن و، ڕیققەتی دڵ، ڕوقبەتی طاعەت
مەخصووصی ڕەقیب بۆ له منی خەستە ڕقی بوو!

سەرچاوە: نالی

ڕەشبەڵەک

هەپەڕکێی پێکەوەی پیاو و ژن.

شێخم، چ گەرمە حەڵقەیی ذیکرت بە ڕەشبەڵەک!
حاڵی ئەمانە خۆ بە جەنابت موحەووەلە!

سەرچاوە: نالی

ڕەیبەت

گومان و دوودڵی.

حە ضرەتی هەیبەتە، نەک غەیبەت و ڕەیبەت « نالیی »
ئەڵڵا ئەڵڵا، چ حوضوورێکە کە ( أصلا) نییە باس!

سەرچاوە: نالی

گومبەد

گومەز.

یا گومبەدی نەزهەتگەهی نێو باغچەسەرا بێ
ئەلوانی گوڵامێز و شەکەربێزی تیابێ؟!

سەرچاوە: نالی

گونبەد

گومەز.

« نالیی »! سەرت لە گونبەدەکەی خانەقا دەکا
لایێ پڕە لە مەشعەلە، لایێ لە مەشغەلە..

سەرچاوە: نالی

گوڵبەن

دار گوڵ یا چەپکە گوڵ.

هەم گوڵبەنی بێ خاری، هەم مەزرەعی ئەزهاری
هەم مەخزەنی ئەسراری، ئیثباتی مەزایا کچ

سەرچاوە: نالی

جەذبە

هێزی ڕاکێشان. لای ئەهلی تەصەووفیش بارێکی دەروونی تایبەتییە بەسەر بنیادەمدا دێت.

چ جەذبە؟ جەذبەیی ضەوئە لە قیندیلی حەرەمدا، وا
دەبێ ئینسان لە طەوفیدا بسووتێ میثلی پەروانە

سەرچاوە: نالی

جاذیبە

ڕاکێشەر.

وەها هەستا بە باڵی جاذیبەی قودرەت، لە نیوەی ڕێ
بەجێما ئەسپ و پەیک و ڕەفڕەف و ئەم چەرخی دەورانە

سەرچاوە: نالی

جوعبە

تیردان.

سەهم هەتا جوعبەنشین بێ، گۆنە زەردی خەڵوەتە
قەوس هەتا چللە گوزین بێ، هەر ئەسیری خوارییە

سەرچاوە: نالی

حەببە

دەنک.

مەحزونی ڕوقعە، حەببە بە حەببە، لە کەففەدا
خالیص دیارە، مس کە مسە، عەینی زەڕ زەڕە

سەرچاوە: نالی

حەبیبە

یارەکەی نالییی.

لە دنیا جەننەتی باقی تەلاری شاهییە، ساقیی!
(حەبیبە) طوڕڕەیی طەوقی ملیی (شیرین) و (عەذرا) یە

سەرچاوە: نالی

شەبە

شەوە. مووروویەکی ڕەشە.

یەمی دیدە پڕ لە مەرجان، وەک یەشمی ئابدارە
شەبەیە شەبیهی زوڵفی سیاهی وەک زوخاڵیی

سەرچاوە: نالی

طەیبە

ناوی شاری مەدینەیە کە قەبری پیرۆزی پێغەمبەری تیایە.

ئەی قوببەیی طەیبە کە دەڵێی حوققەیی طیبی! ،، مەئوایی حەبیبی!
مسکێنم و بۆ خاکی عەطرناکە کە هاتووم ،، بەو بۆنەوە هاتم

سەرچاوە: نالی

عەتبە

عەتەبە، بەردەرگا، کەوشکەن.

خورووجی (با) لە لوصوق و (عەلا) لە ئیستیعلا
دوخوولی عەتبەیی (عەن) فاصیلە لە تیری جەفیر

سەرچاوە: نالی

قوببە

گۆپکە.

حەڵقە حەڵقە زوڵفی سەر قوببەی هەیاسەی کەوتووە
مەحرەمی سیڕڕە، بەڵێ گەنجووری گەنجە ئەژدەها

سەرچاوە: نالی

قوببە

گومەزیی.

ئەی قوببەیی طەیبە کە دەڵێی حوققەیی طیبی! ،، مەئوایی حەبیبی!
مسکێنم و بۆ خاکی عەطرناکە کە هاتووم ،، بەو بۆنەوە هاتم

سەرچاوە: نالی

موتوربە

پێوەند، تلقیح.

نەخل و ڕوممان پێکەوەن، یا باغەبان وەی کردووە:
سەروی هێناوە لە سێب و بەی موتوربەی کردووە!

سەرچاوە: نالی

مەجذووبە

ژنی جەذبە لێ هاتوو. جەذبە حاڵەتێکە لەو حاڵەتانەی بەسەر پەیڕەوانی تەریقەتی نەقشبەندیدا دێن.

مەجذووبی طوروق، مورتەعیشی لەرزش و تا بێ
سالیک ڕەوشی مەسلەکی ڕێگەی صولەحا بێ

سەرچاوە: نالی

مەلعەبە

گاڵتەجاڕ.

بەزمی ڕەندانە ئەمە، مەلعەبەیی وەعظ نییە
لە بەد و نێکی یو قەللابی یی دونیا نییە باس

سەرچاوە: نالی

نەوبە

نۆبه، جار.

ساقی! به مەیی کۆنه لەسەر عادەتی نەو بە
بشکێنه به یەک نەوبه دووصەد ماتەمی تەوبه

سەرچاوە: نالی

کولبە

کەلاوە.

بۆچ مایلی تەنهایی؟ سەوداێیکە خۆڕایی..
ئەی مەردومی بینایی، لەم کولبەیی تارەت چی!

سەرچاوە: نالی

کەوکەبە

گەشەداریی و شان و شکۆ.

شەو ئەمما، کەوکەبەی هەر کەوکەبی نیلیی فەلەک دەتگوت
لە میصری ڕۆژی زینەت دەستی مووسای ئیبنی عیمرانە

سەرچاوە: نالی

گەرمابە

گەرماو، حەمام.

شێخم! وەرە دەر، فەصڵی بەهار و گوڵ و گەشتە
ئەییامی لە گەرمابە خزان وەقتی خەزانە!

تۆڕی زاراوەپارێزیی وشەدان