وشەدان

سەرچاوە: نالی

جەبەل

چیا.

خارایی سەوز و شینی لەبەرکردووە جەبەل
دامێنی وەردی سوورە کە دەستم بە دامەنی!

سەرچاوە: نالی

حەبەش زادە

پەچکه ی ڕەشی حەبەشەیی، کۆیله.

زوڵفم به نەسەب سیلسیله یی ڕێفعەت و شانه
من دەیخەمه بەر پێ کە حەبەش زادەیی ڕوومن

سەرچاوە: نالی

حەیی ئەکبەر

ئەوەی نامرێ و له هەموو کەسێ له هەموو شتێ گەورەترە، خودا.

ئەو سێبەرە که مەظهەری حوببی خوادییه
کەنزی موطەلسەمی نەظەری حەییی ئەکبەرە

سەرچاوە: نالی

خودبەخود

لەخۆیەوە.

مووی سپی کردم بە شوشتن ئاوی عەینی شۆرە شەط
شۆرە شەط یەعنی کە تێدا خود بە خود قەل بوو بە بەط

سەرچاوە: نالی

خەبەر

دەنگوباس،

وصفی ڕوخساری له فیکری بەنی ئادەم بە دەرە
ئیبتدای مەدحی دەمی وەک خەبەری بێ ئەثەرە

سەرچاوە: نالی

خەبەر بێ ئەثەر

دەنگ وباسی بێ سەر و شوێن.

« نالیی » خەبەری بێ ئەثەری غائیبە، ئەمما
ناڵێکی حەزین دێ لە موناجاتی سەحەردا

سەرچاوە: نالی

دڵبەستە

ئەوەی دڵی بە شتێکەوە پەیوەند بێ.

« نالیی » خۆشە نەومیدی، دڵ بەستە مەبە ئیدیی..
گەر عاشقی تەجریدی، لەم یار و دیارەت چی!

سەرچاوە: نالی

دەسبەند

دەست گرتنی هەڵپەڕكێ.

دەس بەندیانە دێن و دەچن سەرو و نارەوەن
صاحێب کولاە و سایەوو بەرگن وەکوو مولووک

سەرچاوە: نالی

دەستبەند

دەستی یەک گرتن.

دەسبەندیانە دێن و دەچن سەرو و نارەوەن،
یا حەڵقەیانە صۆفییی ملخوار و مەندەبوور؟

سەرچاوە: نالی

زەبەر

سەر.

زێر و زەبەر دەبن بە دو فیرقە، لە فیرقەتەین
واوەیل و ئیمتیازە کە کێ بێنە کێ بەرە

سەرچاوە: نالی

شەبەهـ

وەک.

غوباری ئەو شەو و ڕۆژەن ڕدێنی ماش و برنج
کە تێکەڵن شەبەهی صوبح و شام و شیر و قیر

سەرچاوە: نالی

شەبەهـ ی دووەم

موورووی شەوە.

شەبەهی زۆڵفی شەبەهـ گۆنەیە، ڕووگەردانی
بە سەری ئەو کە بە سەودا سەر و سامانم دا

سەرچاوە: نالی

شەهیدی کەربەلا

حەرزەتی حوسەینی کوڕی حەزرەتی عەلیی.

هەموو وەقتم دوعایه: داخۆ کەی بێ
به تیرێکم شەهیدی کەربەلا کەی؟!

سەرچاوە: نالی

صوحبەت

ڕابواردن.

بۆ دەکەی تەکلیفی ڕەسمی ئولفەت و یاریی له من؟
کەی به صوحبه ت ئاشنایە سالیکی ڕێگەی عەدەم!

سەرچاوە: نالی

صوحبەت

هاوڕێیەتی.

ئەی ڕەفیقان! صوحبەتی « نالیی » مەکەن
بۆچ؟ کە من لەوڕا وەکوو بەدناوم ئەز

سەرچاوە: نالی

طەبەق

قاپی گەورەی چێشت.

خوانی ئەلوانی زەمین و صەفی سینیی و صەحەنی
طەشت و طاس و طەبەق و لەنگەر و شەمع و لەگەنی

سەرچاوە: نالی

عەبەث

پڕوپووچ.

عەمری بێ حاصڵی من چوو بە عەبەث
ئەمەکم هەرچی هەبوو چوو بە عەبەث

سەرچاوە: نالی

عەربەدە

سەرخۆشیی و بەدمەستیی.

ئەوە چاوە کە هەڵدێنیی، صەد عەربەدە دەنوێنیی
هەر ڕۆحە کە بستێنیی، لەم غەمزە دوبارەت چیی!

سەرچاوە: نالی

عەنبەر

شتێکی بۆنخۆشە، ڕەنگی وەک ڕەنگی گڵ وایە له گەدە یا له ڕیخۆڵه ی جۆرە ماسییەکی دەرئەهێنن.

طەیبه که یەعنی ڕۆژ و شەوی طیبی عالەمه
ڕۆژی که وشکه، شەو تەڕە، کافوور و عەنبەرە

سەرچاوە: نالی

عەنبەر ئەفشانی

عەنبەر بڵاو کردنەوە، کینایەیە لە قسەی نەستەق و شیعری نایاب وتن.

بولبولی طەبعم ئەوا دیسان ثەنا خوانی دەکا
نوکتە سەنجی و بەذلەگۆیی و عەنبەر ئەفشانی دەکا

تۆڕی زاراوەپارێزیی وشەدان