وشەدان

سەرچاوە: نالی

لالە

گوڵێکی جوانە پتر لە شوێنی شێدار و قەراخ ئاودا ئەڕوێ. بە عەرەبیی پێی ئەڵێن (شقائق) یا (شقائق النعمان) ، گەلێ جۆری هەیە. هەیەتی سێ پەڕە و هەیەتی پێنج پەڕەی هەیە. ماڵییش و کێویشی هەیە. کێوییەکەی پەڕەکانی سوور و بنی پەڕەکانی لەکەیەکی ڕەشی پێوەیە. لە سەرەتای بەهارا بە سەلک ئەنێژرێ.

لالەکە مەجمەرێکە بە با خۆش و گەش دەبێ
ناوی کە پڕ خەڵووزە بە شەبنەم گەشایەوە

سەرچاوە: نالی

* مامۆستا شێخ بابەڕەسووڵی عەبابەیلێ ئەیگێڕایەوە کەوا بیستوویە لەناو فەقێ موستەعیدەکانی شێخەوڵای خەرپانیدا تا موفتیی زەهاویی لە مەجلیسدا بووبێ مەلایاسینی تەشاری مافی قسەکردنی نەبوە و، مەلا یاسین له مەجلیسدا بووبێ مەلا یووسفی تەوێڵەیی مافی قسە کردنی نەبوە و، تا مەلا یووسفیش له مەجلسیدا بووبێ نالییی مافی قسەکردنی نەبوە، واتە

نالییی پلەی چوارەمی بووە لەناویانا. لەوانەیە ئەم بەیتی « حەربا » یەش پەیوەندێکی بەم مەسەلەیەوە هەبێ، هەروەها لەوانەیه پارچە شیعری « ئەحوەلی تەفرەقە نەظەر..» یش، وەک له شوێنی خۆیدا ئیشارەتمان بۆ کرد، لایەکی ئەم مەسەلەیەمان بۆ ڕوون بکاتەوە.

نەییری ئەعظەم وەها تاوی دەدا وەک مەنجەنیق
بۆ دەوامی ڕۆژپەرستیی جەمعی حەربای دێتە ناو

سەرچاوە: نالی

ئالوودە

تێکەڵ. شتێ لە شتێکەوە گلابێ.

دەست لە خوێنم مەدە، ئالوودە مەکە دامەنی پاک
خوێنی من ثابیتە، باطیل نییە وەک ڕەنگی خەنە

سەرچاوە: نالی

ئالوودە

تێکەڵ، گرفتار.

وەک صۆفییی صافی مەبە ئالوودە بە دونیا
بێهوودە موکەددەر مەکە سەرچاوەیی مەشرەب

سەرچاوە: نالی

ئالی عەبا

ئالوبەیتی پێغەمبەر کە هەموویانی لە عابایەکەوە پێچاوە.

گوتی تاجی عەرەب و، ئالی عەبا فەرموویان:
عەیبە تەن پەروەریی و نەرمیی و نازک بەدەنیی

سەرچاوە: نالی

ئالەتی تەقریر

هۆی بڕیاردان. هۆی تەخت کردن.

لە نەحو و صەرفی ئەداتێ مەپرسە ئەی موعریب
کە ڕەفع و نەصب و جەڕ و جەزمە ئالەتی تەقریر

سەرچاوە: نالی

ئالەتی عەمەل

زاراوەیەکی زانستی نەحوە بەو وشانە ئەڵێن کار لە وشەی تردا ئەکەن. ئەندامانی لەش کە بۆ خواپەرستی بەکار ئەهێنرێن. (هینەکەی) بنیادەم.

وەها سەقیم و موجەززا عەوامیلی ئەجزا
کە ئالەتی عەمەلی نەحوی مەحوی صەحوی ضەمیر

سەرچاوە: نالی

تەکالیف

ئەرک، عیبادەت.

ئەی نەفسی مورائیی چ گران باری، تەکالیف
بۆ خەلقی دەکێشی.. دە هەڕۆ ڕیش و جەدەو بە

سەرچاوە: نالی

تەکالیف

تەکلیفات، باری قورس لە ئەستۆ گرتن.

بە ڕیا باری تەکالیفی ڕوسوومیی بۆ خەڵق
چ دەکێشیی؟ ئەمە حومقێکە عەلاوەی کەرییە

سەرچاوە: نالی

جاروبار. لەبالەب

جێی دەم دەمە، جێی لەب لەبە، ساقی وەرە ئیمشەب
هەم ماچی دەمادەم بدە، هەم جامی لەبالەب

سەرچاوە: نالی

خالیص

بێگەرد.

مەحزونی ڕوقعە، حەببە بە حەببە، لە کەففەدا
خالیص دیارە، مس کە مسە، عەینی زەڕ زەڕە

سەرچاوە: نالی

سالووس

فڕوفێڵ.

نەرم و زەرقیی خەرقەیی سالووسیان
شاهیدی زوورە زوبانی لووسیان

سەرچاوە: نالی

سالیک

ئەهلی سولووک بە گوێرەی ڕێ و شوێنی ئەهلی تەصەووف. ڕێ گرتووەبەر.

مەجذووبی طوروق، مورتەعیشی لەرزش و تا بێ
سالیک ڕەوشی مەسلەکی ڕێگەی صولەحا بێ

سەرچاوە: نالی

سالیک

ڕێ گرتووەبەر. ئەو صۆفییەی خەریکی سولووک بێ.

بە میعراجی سولووکی سالیکداندا تا نەچیی ڕۆژێ،
لەناو جەهلی مورەککەبدا دەمێنیی هەروەکوو ماوی

سەرچاوە: نالی

سالیک

ڕێبوار.

بۆ دەکەی تەکلیفی ڕەسمی ئولفەت و یاریی له من؟
کەی به صوحبه ت ئاشنایە سالیکی ڕێگەی عەدەم!

سەرچاوە: نالی

سالیکی صەبر و تەحەممول

ڕێگای سەبرکردن و باری مەینەت هەڵگرتنی گرتبوە بەر.

قانیعی بابی ڕەضا و ڕاضی بە پووش و دڕک و داڵ
سالیکی صەبر و تەحەممول، بوردەبار و هیچ نەوێژ

سەرچاوە: نالی

سالیکی ڕاه

ڕێ گرتووەبەر.

بۆ سەیری خەرامیدەنی ئەم سەرو قەدانه،
صۆفی له طەڵەبدان و، هەموو سالیکی ڕاهن

سەرچاوە: نالی

ضەلالەت

گومڕایی.

شەقاوەت بوو بە دوود و داخیلی کوورەی ضەلالەت بوو
ئەمارەت خوسری خوسرەو، کەسری کیسرا، شەققی ئەیوانە

سەرچاوە: نالی

طالیع

هەڵاتوو. صەڵا

لەسەر ئەو ظوڵمەت ئابادی شەوی کوفرە کە طالیع بوو،
صەڵا هەستا لە ئینس و جان کە ڕۆژی نووری ئیمانە

سەرچاوە: نالی

طالیع

بەخت و چارە.

شەوە ئەمما صوبحی بیداریی طالیع بوو کە جوبریلی
ئەمین بۆ خزمەتی طاها تیا مەئمووری فەرمانە

تۆڕی زاراوەپارێزیی وشەدان