وشەدان

سەرچاوە: نالی

سەلیقیی

لە (سەلیقە) وە هاتوو، ئەوەی لەخۆیەوە بێت و خۆ پێوە ماندوو کردنی نەوێ.

خەڵقیی کە هەموو کۆدەکن و بەستە زوبانن،
با بێن و لە « نالیی » ببیەن شیعری سەلیقیی

سەرچاوە: نالی

سەیرانیی

سەیرانکەر. جێگایەک بۆ سەیران بشێ.

جێگایێ نەظەرگا بێ، شەش جانیبی دەریا بێ،
ئەی مەردومی سەیرانیی، لەم خیططەیە هەر چاوە

سەرچاوە: نالی

شاهیدی چینیی

کینایەیە له نازداری ئێجگار جوان.

ئاهوویی حەرەم قیبلەیی ئەبرۆن که به دیدە،
ئەم شەهد لەبانه که هەموو شاهیدی چینن،

سەرچاوە: نالی

شوتورمورغیی

وەک هیی وشترمورغ.

بەیضێکی شوتورمورغیی کەوا تازە کرابێ
وەک بەیضەیی بەیضا بە ضیاوو بە سەنا بێ

سەرچاوە: نالی

شکاریی

ڕاویی.

ئەی خەستەیی چاوت هەمو ئاهوویی تەتاریی!
وەی بەستەیی زوڵفت هەمو شێرانی شکاریی!

سەرچاوە: نالی

شیرینیی

سەرەڕای مەعنای خۆی ئیشارەتیشە بە شیرینی داستانی شیرین و فەرهاد.

لە شیرینیی ئەتۆ، ئەی خوسرەوی تەختی زەمین، ڕەنگە
بگاتە ئاسمانی بێستوون فەرهادی هاوارم

سەرچاوە: نالی

شەقیی

چارەڕەش.

ئەی خەڵوەتیی مورائیی، بێ ڕەنگی خود نەمائیی
ڕەنگ زەردی عاشقیی به، نه ک زەردڕوو و شەقیی به

سەرچاوە: نالی

صوورەتی بەشەریی

وێنەی ئادەمیزاد.

بورهانە صورەتی بەشەریی چونکە نوورە، نوور
بێ ظیللە، ماسیوای بە دوو نیسبەت مووعەببەرە

سەرچاوە: نالی

صیددیقەیی مەعصوومە

ئافرەتی باوەڕپێکراوی بێگوناهـ، حەزرەتی مریەمی دایکی مەسیح.

صیددیق و عەزیز هەروەک یووسف کە نەبی بوو کوڕ
صیددیقەیی مەعصوومە وەک داکی مەسیحا کچ

سەرچاوە: نالی

صەمەدانیی

خوایی.

ئەی مەطڵەعی ئەنواری هەموو قاصیی و دانیی ،، شەمسی صەمەدانیی
وەک ذەڕڕەیی بێ جیلوە نە مەوجوود و نە مەعدووم ،، جۆیایی بەراتم

سەرچاوە: نالی

طاغیی

سەرکەش و ستەمکار.

طاغیی و باغیی و، باغی گوڵ و نەیرەنگ و فەنی
شاد و شادابە بە گوڵ ئاتەشیی و نارەوەنی

سەرچاوە: نالی

طوفەیلیی

ئەوەی له خۆڕایی خۆی به کەسێکدا هەڵواسێ، خوبزە.

من سەروی ڕەوانی چەمەنی عاله می باڵام
« نالیی » به طوفەیلیی بووەتە سایە له دوو من

سەرچاوە: نالی

طوولانیی

درێژەدار.

نەرم و خۆش و مونتیج وەکو بەسطی ئودەبا بێ
طولانیی و بەرجەستە وەکوو دەستی دوعا بێ

سەرچاوە: نالی

عاصیی

گوناهبار.

دڵ کەوا هەم قاسییە، هەم عاصییە، دوورە لە تۆ
مونزەجیر نابێ، کە حوببی تۆ لە قاصیی دانییە

سەرچاوە: نالی

عاصیی بووە

گیری خواردووە.

سەراپای گوارە زەردی ترس و لەرزە
دەڵێی عاصیی بووە لەو جێگە بەرزە!

سەرچاوە: نالی

عاله می عولویی

جیهانی باڵا، مانگ و خۆر و ئەستێرەکان،

ئەو سێبەرە که عاله می عولووی له نوورییه
شەمس و نوجووم هەر چی لەواندا موقوڕڕەڕە

سەرچاوە: نالی

عالیی صەدر

سنگ بەرز. کینایەیە لە پیاوی دەرکەوتوو و خاوەن شکۆ.

سیراجی ئەنبیا، خەتمی ڕوسول، نووری موبینی حەق
کە عالیی کەعب و قەدر و دەست و صەدر و خاتەمی شانە

سەرچاوە: نالی

عالیی فیطرەت

ئەوەی خوا به بەرزی دروستی کردبێ.

بۆ نشینگەی مورغی ڕۆحی ئەو کە عالیی فیطرەتە
جێگەیی خۆشتر له ڕەوضەی (جنة المأوی) نەبوو

سەرچاوە: نالی

عالیی قەدر

پایە بڵند.

سیراجی ئەنبیا، خەتمی ڕوسول، نووری موبینی حەق
کە عالیی کەعب و قەدر و دەست و صەدر و خاتەمی شانە

سەرچاوە: نالی

عالیی کەعب

کەسێ ئەوەندە پایەبەرز بێ کەس نەگاتەوە بە قولە پێیدا.

سیراجی ئەنبیا، خەتمی ڕوسول، نووری موبینی حەق
کە عالیی کەعب و قەدر و دەست و صەدر و خاتەمی شانە

تۆڕی زاراوەپارێزیی وشەدان