وشەدان

سەرچاوە: نالی

عیلاقە

ئەوەی به شتێکدا هەڵواسرابێ، جادوو

ڕەقیب و موددەعی فیتنه و عیلاقەی چاوی جادووتن
له گۆشەی گۆشەوارەت نائیبی هارووت و مارووتن

سەرچاوە: نالی

عیلمی بەسیط

زانستی سادەی بێ پێچ و پەنا.

عاشق هەوەسی مەیکەدەوو عیلمی بەسیطە
عاقڵ طەلەبی مەدرەسەوو جەهلی مورەککەب

سەرچاوە: نالی

غیلمان

جەمعی غولامە واتە کوڕی تازە پێگەیشتوو.

جەننەت پڕی ویلدانە، خادیم هەمو غیلمانە
خانم کە تێدا حۆرین، یەکسەر هەموو حەسنا کچ

سەرچاوە: نالی

فورزەندی فەیلەقووس

ئەسکەندەری کوڕی فیلیپی مەکدوونی.

ئەی دڵ! خەراجی حاصڵی ظوڵماتی بەحر و بەڕ
میراتی ئیعتیبارە لە فورزەندی فەیلەقووس

سەرچاوە: نالی

فیلکە

سەرە خڕەکەی تەشییەکە کە کراوە بە سەر دارە ستوونییەکەیدا و قولاپەکەی لێ گیر کراوە.

زەمانە چەرخ و، چەرخی ئاسمانیشی، فەلەک فیلکە
سەری ڕشتەی وجوودی چەندە باداویی و هەر ماوی

سەرچاوە: نالی

قابیلی قیسمەت

ئەوەی بە بەشی خۆی ڕازی بێ یا ئەوەی بۆ دابەش کردن بشێ.

بەندە ئەزەل بە خەططی خۆی قابیلی قیسمەتی بووە
ئیستە بە ئیقتیضای عەمەل جێگەیی خۆی طەڵەب دەکا

سەرچاوە: نالی

قابیلە

وەرگر. ڕەزامەند.

هەم جاذیبەوو قابیلەیی ئەخذ و عەطا بێ!
مەستوورەوو مەخفیی، شەبەهی بادی صەبا بێ!

سەرچاوە: نالی

لەیلا

بێجگە لە مەعنا لەفظییەکەی کە نەشەی کاتی سەرخۆشییە و لەوەش کە ناوی ئافرەتە، ئیشارەتیشە بۆ لەیلای قەیسی عامیری.

عیشقت، کە مەجازی بێ، خواهیش مەکە ئیللا کچ
شیرین کچ و لەیلا کچ و سەلما کچ و عەذرا کچ

سەرچاوە: نالی

موغەیلان

درەختێکی کورتەبنەی دڕکاوییە، لە دەشتە بێئاوەکانا ئەڕوێ.

لە بن خاکی مەغاکی ئاتەشینی، لەعلی لەب توشنە
لە سەر ئابی سەرابی، سەروی سێرابی موغەیلانە

سەرچاوە: نالی

نیلی فەلەک

ئاسمانی شین.

شەو ئەمما، کەوکەبەی هەر کەوکەبی نیلیی فەلەک دەتگوت
لە میصری ڕۆژی زینەت دەستی مووسای ئیبنی عیمرانە

سەرچاوە: نالی

نەیلۆفەڕی

ڕەنگی وەک ڕەنگی گوڵە نەیلۆفەڕ شین. نەیلۆفەڕ گوڵێکە لە ئاوا ئەڕوێ، لەگەڵ خۆرکەوتندا سەر دەرئەهێنێ و لەگەڵ ئاوابوونیا ئەچێتەوە ناو ئاوەکە.

شەو چەپکەنی نەیلۆفەڕی و جیلوەیی ڕەقصی
شەرمندە دەکا زوهرەیی زەهرا لە سەمادا

سەرچاوە: نالی

هیلال

مانگی یەکشەوە.

دەلیلی ڕۆشنە بۆ بەدء و عەود و کورتییی عومر
تەنی هیلال کە بە طەلعەت جوان، بە خەلعەت پیر

سەرچاوە: نالی

هیلالانە

وەک مانگی یەکشەوە.

هەرچەندە کە من عەبدم و ڕووزەردم و عاصیم ،، مەئموولە خەلاصیم
قوربانی بیلالم کە هیلالانە هەڵاتووم ،، هەر عەفوە خەڵاتم

سەرچاوە: نالی

ویلایەت

ئاوەدانیی.

فەرقێکی نەکرد نەفسی نەفیسم بە عینایەت ،، وەحشیی لە ویلایەت
لەم گۆشەیی وێرانەیە هەر مامەوە وەک بووم ،، وەیشوومی وڵاتم

سەرچاوە: نالی

ویلدان

جەمعی وەلەدە واتە کوڕ.

جەننەت پڕی ویلدانە، خادیم هەمو غیلمانە
خانم کە تێدا حۆرین، یەکسەر هەموو حەسنا کچ

سەرچاوە: نالی

وەسیلە

هۆی خۆ نزیککردنەوە لە خەڵک.

من لەوانەم چیی کەوا ئەهلی وەسیلە و مەسئلەن
عامیل و ناچار و مەعذوور ئەر بڵێن هەر بێنە بۆم!

سەرچاوە: نالی

پیلەتەنیی

پاڵەوانیی.

تەنی ڕاضیی بە خەشین پۆشیی وەک شێر و شوتور
بێ نیازە لە برێشم تەنیی و پیلەتەنیی

سەرچاوە: نالی

ژیلەمۆ

خۆڵەمێش کە چینی بنەوەری ئاگر بێ.

دنیا بووە بە تاوەوو، صەحرا بە ژیڵەمۆ
دنیا دەڵێن کە ئاگرە، ناری سەمەندەرە

سەرچاوە: نالی

سەیل

لافاو.

سەیلی هیجرت بەردی بنچینەی لە ڕەگ هێنامەدەر
باری فیکرت قەددی ڕاستی تێشکاندم وەک فەنەر

سەرچاوە: نالی

باطیل

بەتاڵ، دانەمەزراوە.

بێ نیییەتی تەقبیلی دەمت عاطیلە ڕۆژووم
بێ حەضرەتی میحرابی برۆت باطیلە نوێژم

سەرچاوە: نالی

تەحصیل

پەیداکردن.

حەیاتت نەقدی تەحصیلی بەقاوو ڕیبحی ڕیضوانە
ئەتۆ دەیکەی بە مایەی دەخڵ و خەرج و کەسبی بەدناویی

سەرچاوە: نالی

تەقبیل

ماچ کردن.

بێ نیییەتی تەقبیلی دەمت عاطیلە ڕۆژووم
بێ حەضرەتی میحرابی برۆت باطیلە نوێژم

سەرچاوە: نالی

حامیل

هەڵگر، دووگیان.

دایەی زەمین کە حامیلی ئەبنایی مەحشەرە
هەر تۆوێکی تیا کە ئەمانەت بو، دایەوە

سەرچاوە: نالی

دەخیل

پەنا هاوردوو.

قوربان! دەخیلی حەلقەیی شوبباکی ڕەوضەتم
سێ ئیلتیجام هەیە، کە لەگەڵ ئەو دووەم شەڕە

سەرچاوە: نالی

زەنابیل

جەمعی (زەنبیل) ە، جۆرە سەبەتەیەکی دەستییە میوە و سەوزە و شتی وای تێ ئەکرێ.

دو و مینە ئیلتیجام ئەمەتە ئەو دەمەی دەبێ
ئەلواحی ئەڵحەدم بە زەنابیلی مەعطەرە

سەرچاوە: نالی

سوهەیل

ئەستێرەی گەشی سوهەیل کە نیشانەی پایزە و کە هەڵات ئیتر گەڵای دار دەست ئەکا بە زەردبوون.

تیژاوی سوروشکم وەکو ئیکسیری سوهەیلە
ڕوخسارەیی زەردم وەکوو ئەوراقی خەزانە

سەرچاوە: نالی

سەیل

لافاو.

دەری ڕەحمەت کەوا بەحری موحیطی عاصییە « نالیی »
تیا جان و تەن ئوفتادەی شەپۆلی سەیلی عیصیانە

سەرچاوە: نالی

عاطیل

پەککەوتوو.

بێ نیییەتی تەقبیلی دەمت عاطیلە ڕۆژووم
بێ حەضرەتی میحرابی برۆت باطیلە نوێژم

سەرچاوە: نالی

عەدیل

هاوتا، هاوڕێ.

قیصصە بێ پەردە و کینایەت خۆشە: شاهی من کەوا
عادیلێ بوو قەت عەدیلی ئەو له دنیا نەبوو،

سەرچاوە: نالی

عەوامیل

ناوی کتێبێکی سەرەتاییە لە زانستی نەحودا و ئیشارەتیشە بۆ هەر وشەیەک بەپێی ئەو زانستە کار لە وشەیەکی تردا بکا. هۆیەکانی ئیش کردن.

وەها سەقیم و موجەززا عەوامیلی ئەجزا
کە ئالەتی عەمەلی نەحوی مەحوی صەحوی ضەمیر

سەرچاوە: نالی

فاصیل

جوێکەرەوە.

خورووجی (با) لە لوصوق و (عەلا) لە ئیستیعلا
دوخوولی عەتبەیی (عەن) فاصیلە لە تیری جەفیر

سەرچاوە: نالی

قائم اللیل

ئەوەی بە شەو هیچ نەخەوێ.

(صائم الدهر) ی بە ڕۆژ، ئەمما بەڕۆژووی بێ نییەت
(قائم اللیل) ی سلووک، ئەمما سلووکی بێ نوێژ!..

سەرچاوە: نالی

قیندیل

چرا. قەرقەف

جامی تاقی مەیکەدە میشکاتی قیندیلی دڵە
شیشە پڕ قەرقەف لە ڕەفڕەف شاهی عالی ڕەفڕەفە

سەرچاوە: نالی

قەندیل

چیای قەندیل لە ڕۆژەڵاتی باکووری کوردستانی عێراق.

یاخۆ پەڵە بەفرێکی کە ئەصڵەن نەشکابێ
قەندیلی مونیر و گوزەری ئاب و هەوا بی

سەرچاوە: نالی

مائیل

ئارەزوومەند. لار.

داوێکە لە ڕووی دانەیی خاڵت تەنراوە
زنجیرە لە پێی مائیلی ئەو ڕووتە نراوە

سەرچاوە: نالی

مایل

حەزکردوو.

دەسا لادە سەری زوڵفت لەسەر ڕووت
کە ڕووتی ڕووتم و مایل بە تاوم

سەرچاوە: نالی

موشکیل

زەحمەت،

ئەم سەرسەری بازانه کەوا هەمسەری بوومن
موشکیل، بگەنه ساعیدی شاهێکی وەکوو من

سەرچاوە: نالی

موضەمەحیل

فەوتاو.

دڵ موضمەحیلی دەردە وەکوو دیدە لە نمدا
حەیران و پەرێشانە وەکوو قەطرە لە یەمدا

تۆڕی زاراوەپارێزیی وشەدان