وشەدان

سەرچاوە: نالی

نیمە ذەڕڕەیەک

نیوە ذەڕڕەیەک.

ڕۆژی هاوینی وەها مثقاڵه ذڕڕەی پڕ دەبێ
نیمه ذەڕڕێک سێبەری تێدا نییە غەیرەز هەتاو

سەرچاوە: نالی

نەوڕەستە

تازە پێگەیشتوو.

لالەن به بەدەن، ئەطڵەسی ئەخضەر که لەبەرکەن
نەوڕەستە گوڵن، بەستە لەگەڵ دەستە گیاهن

سەرچاوە: نالی

هەمڕەنگ

هاوڕەنگ.

چاوی هەمڕەنگی گوڵی، مەستی شەو و ڕۆژن مەدام
یەک لە نەشگوفتەی بەنەفشە، یەک لە نەیلۆفەڕ دەکا

سەرچاوە: نالی

ڕاڕەو

ڕێبوار.

طالیبی لێوین و ئەڵقەی زوڵفمان نیشان دەدا
ڕاڕەوی میصرین و ئەو ڕوومان لە موڵکی چین دەکا

سەرچاوە: نالی

ڕەفڕەف

شتێکی ترە سیرەتنووسان ئەڵێن پێغەمبەر پاش دابەزینی لە بوراق لە شەوی میعراجدا سواری ئەو بووە.

وەها هەستا بە باڵی جاذیبەی قودرەت، لە نیوەی ڕێ
بەجێما ئەسپ و پەیک و ڕەفڕەف و ئەم چەرخی دەورانە

سەرچاوە: نالی

ڕەفڕەف

ڕایەخی جوان. تەختانی پڕ لە گوڵ و سەوزیی.

جامی تاقی مەیکەدە میشکاتی قیندیلی دڵە
شیشە پڕ قەرقەف لە ڕەفڕەف شاهی عالی ڕەفڕەفە

سەرچاوە: نالی

ڕەهڕەو

ڕێگا تەیکەر، ڕێبوار.

وەک ماە و ستارەت که ببێ مەیلی هەڵاتن
سەرکردەیی ڕۆژ، ڕەهڕەوی شەو، ڕەهزەنی خەو به

سەرچاوە: نالی

گەرمڕەو

ئەوەی توند و تیژ ڕێ ببڕێ. کەسێ زۆر پەلەی بێ بە مەبەستی خۆی بگا.

تا گەرمڕەوی ڕێگەیی ظوڵماتی بەقا بێ
(ماءالخضر) ت قەطرە لەسەر قەطرە فیدا بێ

سەرچاوە: نالی

جەڕڕە

کووپە.

کەللە وەک جەڕڕەی شەرابی پڕ نیشاط و تەڕ دەماغ
شێری نەڕ، ئاهوویی بەڕ، گورگی سەفەر، قەمچیی نەچێژ

سەرچاوە: نالی

حورووفی جەڕڕە

چەند وشەیەکن لە زمانی عەرەبدا کە چۆنە سەر ئیسم (ژێر) ی ئەدەنێ. ئەملا و ئەولا و (جەڕڕە) ش بەمەعنا گۆزەیە.

حورووفی جەڕڕە تێیاندا نەماوە ئاوی عەمەل
هەموو موعەللەق و مولغایی عامیلی تەقدیر

سەرچاوە: نالی

خەرکوڕڕە

جاشوولکە.

ڕەقیبی جوفتەلی، نابێتە نەخچیرت، کە خەرکوڕڕە
ئەلیفی چایرە دائیم لە قەشقەی کەردڕ و جەودا

سەرچاوە: نالی

ذەڕڕە

تۆز. وردە.

نووری چاوم! چاوەکەم بێ نوورە بێ تۆ، ذەڕڕەیی
خاکی دەرگاکەت ببێژم بیکەمە کوحلی بەصەر

سەرچاوە: نالی

سیڕڕە

ڕاز و نهێنی. کن

نەی، کە صاحیب سیڕڕە، سەر تا پا بە ئەمری (کن) کونە
باطینی (قف قف علی سری) ، بە ظاهیر قەف قەفە

سەرچاوە: نالی

طوڕڕە

مووی ئەملا و ئەولای ناوچاو.

بە طوڕڕە وەک پەڕی طاوس، بە گەردەن ئاهووە، یەعنیی
لەسەر ئاهوویی گەردەن هەر دو حەڵقەی داوە زولفەینی

سەرچاوە: نالی

طوڕڕە

ئیمزا. لوول.

موشەخخەص لەشکری خەططت لەسەر تەسخیری باڵایە
کە طوڕڕەی (میری میران) ت نیشانەی ثەبتی طوغرایە

سەرچاوە: نالی

طوڕڕە

مووی لوولی

ڕەیاحین پەرچەم و، لالە کولاه و، یاسەمەن طو ڕڕه
بەنەفشە خاڵ و. نەرگس چاو و، گوڵ زار و سەمەن ساقە

سەرچاوە: نالی

طوڕڕە

ناوچاوان.

له شەوقی ڕوویی شەمع و، زوڵفی دوود و طووڕڕەیی مەجمەر
سوپەند و عوود و پەروانه، بخوور و غالییه سووتن

سەرچاوە: نالی

طوڕڕە

زوڵف. ئیمزای توغرایی.

وەک طوڕڕەیی پێچیدەیی تۆ ساغ و شکستەم
وەک نەرگسی نادیدەیی تۆ خۆش و نەخۆشم

سەرچاوە: نالی

طوڕڕە ی دووهەم

مۆر، نیشانەی.

شایستەیی شان، لایقی مل طوڕڕەیی تۆیە
نەک طوڕڕەیی شاهەنشەهی و طەوقی وەزارەت

سەرچاوە: نالی

طوڕڕە ی یەکەم

زوڵفی لوول.

شایستەیی شان، لایقی مل طوڕڕەیی تۆیە
نەک طوڕڕەیی شاهەنشەهی و طەوقی وەزارەت

سەرچاوە: نالی

غوڕڕە

ناوچاوان.

سەوادی طوڕڕەیی ئەو ئیشتیباهی سەهوی جوان
بەیاضی غوڕڕەیی ئەم ئینتیباهی سوجدەیی پیر

سەرچاوە: نالی

مەجەڕڕە

کۆمەڵە ئەستێرەی کاکێشان.

مەگەر ڕێی حاجیانە وا تیا سەییارە سەییارە!
مەجەڕڕە ئالەتی جەڕڕی جەریری سارەبانانە!

سەرچاوە: نالی

نیمەڕە

نیوەڕۆ.

ذەڕڕێک لە چاوی بۆتەیی صەڕڕافی کەففەدا
مەخفیی نییە، دیارە، وەکو ڕۆژی نیمەڕە

تۆڕی زاراوەپارێزیی وشەدان