وشەدان

سەرچاوە: نالی

ئەشکی ڕەوان

فرمێسک. کینایەیە لە (ئاو).

دێوانە کە زانیی کە دەبێ عوقدەگوشا بێ
هەستاوو گوتی: ئەشکی ڕەوانم بە فیدا بێ!

سەرچاوە: نالی

نەقدی ڕەواج

پارەی بەبرەو و مامەڵە پێکراو.

تەرکی ئارایشی تەن نەقدی ڕەواجی عەرەبە
تۆ عەجەم، مەردی موزەخرەف تەنیی و قەڵبەزەنی

سەرچاوە: نالی

ڕێگی ڕەوان

ئەو جۆرە لمەی لە شوێنێکا جێگیر نابێ و بەدەم باوە ئەڕوا.

لەنێو ڕیگی ڕەوانی قوم نوقوم بوو وشتر و بوو گوم
نەما گوێی بیستنی (قم قم) ، چ جای ئیمکانی هەستانە

سەرچاوە: نالی

ڕەوا

شایان.

بیدە بە دڵم، شیفتە بۆ شیفتە چاکە..
بیخە ملم، ئەو قەیدە بە دێوانە ڕەوایە..

سەرچاوە: نالی

ڕەواج

ڕۆیشتنی پارە لە بازاڕا.

لایقی مەخزەنی طەبعە هەمو کەنزی غەزەلم
قابیلی ضەربی ڕەواجە زەڕ و زیوی مەثەلم

سەرچاوە: نالی

ڕەواق

هەیوان.

سووتا ڕەواقی خانەیی صەبرم، دڵ و دەروون
نەیماوە غەیری گۆشەیی ذیکرێکی یا صەبوور

سەرچاوە: نالی

ڕەوان

ڕۆیشتوو، جاریی.

مروارییی ئەشکم وەکو یاقووتی، ڕەوانە
ساقیی! بدە لەو لەعلە شەرابێکی عەقیقیی..

سەرچاوە: نالی

ڕەوان

ڕاست.

من سەروی ڕەوانی چەمەنی عاله می باڵام
« نالیی » به طوفەیلیی بووەتە سایە له دوو من

سەرچاوە: نالی

ڕەوان

ڕێکوپێک.

گەر بێیە دەرێ. سەروی ڕەوانی لە ئیرەمدا
وەرە نەییە دەرێ، ئاهووی چینی لە حەرەمدا

سەرچاوە: نالی

ڕەوان ی دووهەم

جاری، ئەوەی ئەڕوا.

بێ، سەروی ڕەوانم! کە لەبەر ئەشکی ڕەوانم
خەرقە بووەتە غەرقە، کەوا سەوزە لەبەرما

سەرچاوە: نالی

ڕەوان ی یەکەم

بەرز و قنج.

بێ، سەروی ڕەوانم! کە لەبەر ئەشکی ڕەوانم
خەرقە بووەتە غەرقە، کەوا سەوزە لەبەرما

سەرچاوە: نالی

ڕەوح

هەناسە. ڕۆح

طەیبه که یەعنی طەییب و طاهیر به ڕەوحی ڕۆح
فەرقی ئەڵین: گڵی له گوڵ، ئاوی لە کەوثەرە

سەرچاوە: نالی

ڕەوح

فێنکی.

گاهێ دەبێ بە ڕەوح و دەکەی باوەشێنی دڵ
گاهێ دەبێ بە دەم دەدەمێنی دەمی غوروور

سەرچاوە: نالی

ڕەوش

ڕەوشت.

مەجذووبی طوروق، مورتەعیشی لەرزش و تا بێ
سالیک ڕەوشی مەسلەکی ڕێگەی صولەحا بێ

سەرچاوە: نالی

ڕەوش

ڕۆیشتن.

گەهێ ئاهوو ڕەوش شاهی، گەهێ گەوهەر مەنیش ماهی
بڵا با سینە صەحرا بێ، بڵا با دیدە دەریا بێ!

سەرچاوە: نالی

ڕەوضە

مەرقەدی پێغەمبەر (د. خ).

چ نوورێکە لە حوجرەی ڕەوضەدا وا قائیمە قوببەی،
قەوامی عەرش و فەرش و قەلبی ئینس و قالەبی جانە!

سەرچاوە: نالی

ڕەوضە

باخچە، مەبەست حەوشی حەرەمی مەککەیە.

شوتوربانا! ئەمە پەرژینی باغی ڕەوضەیە، یاخۆ
عەرار و عەرعەر و بانی خیابانی بیابانە؟!

سەرچاوە: نالی

ڕەوضە

باخ.

بۆ نشینگەی مورغی ڕۆحی ئەو کە عالیی فیطرەتە
جێگەیی خۆشتر له ڕەوضەی (جنة المأوی) نەبوو

سەرچاوە: نالی

ڕەوغەن

ڕۆن.

ڕەوغەنی دیدەم ڕژایە سەر کیتابی خەططی خۆم
چاو لە ئێشی ئەو سپیی، نووریش بەسەر ئەودا سەقەط

سەرچاوە: نالی

ڕەوم

جۆرە شەرابێکه له قامیشی شەکر دروست ئەکرێ.

حوکمی قانوونی صەفا ڕۆییی له ڕەومی ڕوومەدا
تا هووەیدا بوو له ڕۆما گەردی ئاشووبی عەجەم

تۆڕی زاراوەپارێزیی وشەدان