وشەدان

سەرچاوە: نالی

ڕایێڵ

ڕایەڵ، تان، ئەو تاڵە بەن یا دەزووە ستوونییانەی لەکاتی تەنینی شاڵ یا جاو یا بەڕە و قاڵیی و شتی وادا تاڵە ئاسۆییەکانیان پیا تێئەپەڕێنرێ.

ڕایێڵ و تار و پۆیی کولووی بەفرە، ئابشار
با بای دەدات و ماسییی پێدا دێ وەک مەکووک

سەرچاوە: نالی

ڕایەڵ

تان (تانی تان و پۆ).

لەم پارچەڵۆکە هەورە بە قەد ڕووی هەموو زەمین
بەم ڕایەڵە قەدیفەیی سەوزی عەجەب تەنیی

سەرچاوە: نالی

ڕایەڵ

ئەو دارە ئەستوورانەی بەسە دیواری ئەم سەری و ئەو سەری خانوودا ڕائەکێشرێن و پاشان وردە دار و تەنکه بەرد و گەڵا و قوڕ و ئەمجار خوڵیان ئەکرێ بەسەردا و بانەکەیان پێ دائەپۆشری.

هەر له سەربان دار بە داری ڕایەڵی بژمێرە وەک
لا پەراسووی بارگیرێکی که زیندوو بێ بە ناو

سەرچاوە: نالی

* مامۆستا شێخ بابەڕەسووڵی عەبابەیلێ ئەیگێڕایەوە کەوا بیستوویە لەناو فەقێ موستەعیدەکانی شێخەوڵای خەرپانیدا تا موفتیی زەهاویی لە مەجلیسدا بووبێ مەلایاسینی تەشاری مافی قسەکردنی نەبوە و، مەلا یاسین له مەجلیسدا بووبێ مەلا یووسفی تەوێڵەیی مافی قسە کردنی نەبوە و، تا مەلا یووسفیش له مەجلسیدا بووبێ نالییی مافی قسەکردنی نەبوە، واتە

نالییی پلەی چوارەمی بووە لەناویانا. لەوانەیە ئەم بەیتی « حەربا » یەش پەیوەندێکی بەم مەسەلەیەوە هەبێ، هەروەها لەوانەیه پارچە شیعری « ئەحوەلی تەفرەقە نەظەر..» یش، وەک له شوێنی خۆیدا ئیشارەتمان بۆ کرد، لایەکی ئەم مەسەلەیەمان بۆ ڕوون بکاتەوە.

نەییری ئەعظەم وەها تاوی دەدا وەک مەنجەنیق
بۆ دەوامی ڕۆژپەرستیی جەمعی حەربای دێتە ناو

تۆڕی زاراوەپارێزیی وشەدان