شوشەیی.

کاسێکی بلوورینی نخونیی لە سەرابێ
نەختێکی لەبەر مەوجی لەطافەت قڵەشابێ

برژاو و هەڵقرچاو.

عەشق سوڵطانێکە هەر گا ڕوو لە وێرانێ بکات
ئاهی سەرد و، ئەشکی گەرم و، قەلبی بوریانی دەوێ

لاشەی سورەوەکراو لە ڕۆندا پاش کوڵاندنی.

لە ئاب و تاب و ئەشک و ئاهی خۆمدا بووم بە بوریانیی
لەباتیی پوختەگیی سووتام و ئیستەش پێم دەڵێ: خامە

سمت.

دندان گوهەر و لەب شەکەر و، پەنجە بلوورن
نازک بەدەن و، موو کەمەر و، سیم سرینن

ڕووت و قووت.

خەرقە پۆشێ کەی دەپۆشێ جەوهەری ذاتی ئەمن؟
بیتە نێو، جیلوەی، بە زوشتی خۆی بە عوریانی دەکا

هەور پێوە بوو.

ئاسمان هەورین دەبێ، ئێمەش به غەمگینیی دەڵێین:
ئەی خودا چ بکەین له ژێر ئەم کاولەی کەس تیا نەماو؟!

سرکەیی، جۆرە سەرپۆشێکی ناسکی ڕەش و سپیی ئاوریشمە.

لادە دەسرۆکەیی هەوریی لە جەبین
دەرکەوێ شەمس و قەمەر، نوور و ضیا

کفنی سپیی وەک کافوور.

هەتا شەققەی فەلەک نەبوە بە کافووریی کفن، هەستە
کە ئەمشەو فرصەتە، هێشتا فەلەک ماویی، ئەتۆش ماوی

حۆرییە سپییەکانم، مەبەست لە گلێنەی چاوە. یاخود

حەڵاڵی بێ نیکاحی حووری عینم
بە جووتێ ناظیری شەرع و فەتاوا

سپیی وەک کافوور کە بەرێکی سپیی و بۆنخۆشی درەختێکە.

هەڵگرا، وەک مۆمی کافووریی بە شەودا، موو بە مووم
دا سیاهیی ڕوو بخوێنم نوقطە نوقطە، خەط بە خەط

خەتی کێشراوی سپیی وەک کافوور، ئەو خەتەی کە لە ئەنجامی لە میسطەرە دانی کاغەزەکەوە دەرئەکەوت.

وەجهەکەم ئیسمی بەیاض، ئەمما وەرەق زەرد و سیاە
با موخەططەط بێ بە کافووری کەشیدەی خۆش نەمەط