وشەدان

سەرچاوە: نالی

هەم میزاج

هاوسروشت.

ئەی هەم میزاجی ئەشکی تەڕ و گەرمی عاشقان:
طۆفانی دیدەوو شەرەری قەلبی وەک تەنوور!

سەرچاوە: نالی

هەم

دیسان. خەم.

شەربەتی خەوف و ڕەجای ئەغیار و یار
ترش و شیرین هەم دەچێژم، هەم دەخۆم

سەرچاوە: نالی

هەم عەنان

هاوجڵەو.

هەم هەم عەنانی ئاهم و هەم هەم ڕیکابی ئەشک
ڕەحمێ بەم ئاهـ و ئەشکە بکە، هەستە بێ قوصوور

سەرچاوە: نالی

هەم فەرد

هاوسەر و هاودەرد.

لەگەڵ مورغی چەمەن « نالیی » دەناڵێ
که یەعنی عاشق و هەم فەرد و فەردین

سەرچاوە: نالی

هەم قەدەم

هاوپێ، هاوڕێ.

دولبەری عالیی دەماغ، هەم قەدەمی سەروی باغ
بێتە نەظەرگەی قەراغ دیدەیی جۆباری من

سەرچاوە: نالی

هەماغۆش

هەم ئاغۆش، هاوباوەش.

بێزارە له تۆ ئێستە، هەماغۆشی عەدووتە
دونیا، که دوێنێ حەرەمی موحتەرمت بوو!

سەرچاوە: نالی

هەمدەم

هاودەم، هاوڕێ.

دەم هەمدەمی غونچێکە نەپشکووتووە هێشتا
با کەشفی نەکرد بەرگی عەطرپۆشی گوڵی ڕووت

سەرچاوە: نالی

هەمسەر

هاوسەر.

ئەم سەرسەری بازانه کەوا هەمسەری بوومن
موشکیل، بگەنه ساعیدی شاهێکی وەکوو من

سەرچاوە: نالی

هەمم

هَمّ ، خەم.

چیت لە کاکۆڵی سەر و موویی میانی داوە؟
هەمو هەر هەمم و پەرێشانیی و دەردی سەرییە

سەرچاوە: نالی

هەمڕێکاب

هاوڕکێف، هاوئاوزەنگی.

هەم هەم عەنانی ئاهم و هەم هەم ڕیکابی ئەشک
ڕەحمێ بەم ئاهـ و ئەشکە بکە، هەستە بێ قوصوور

سەرچاوە: نالی

هەمڕەنگ

هاوڕەنگ.

چاوی هەمڕەنگی گوڵی، مەستی شەو و ڕۆژن مەدام
یەک لە نەشگوفتەی بەنەفشە، یەک لە نەیلۆفەڕ دەکا

سەرچاوە: نالی

هەمگەردش

هاوڕێ.

موددێکە کە هەم گەردشی دەورانی سوپێهرم ،، موغبەڕ بووە میهرم
ئاوێنەیی دڵ شاهیدە هەرچەندە سییەهـ ڕووم ،، میرئاتی جەلاتم

سەرچاوە: نالی

بانگ ی دووهەم

بانگی سبەینان. بانگ کردن.

فەرمووتە کە بانگم کە، شەوێ، دێمە کەنارت
قوربان! وەرە شەو ڕۆیی، ئەوا وەعدەیی بانگە

سەرچاوە: نالی

تاق ی دووهەم

تەنها.

چ قەصر و دائیرە و تاقێ، تیا تاقی ئافاقی،
نەی و موطریب، مەی و ساقیی، گوڵ و بولبول هەموو جووتن

سەرچاوە: نالی

تەقریر –ی دووهەم -

جۆرێکە لە جۆرەکانی حەدیثی پێغەمبەر (د. خ).

شتێکە بی شەبیهـ و جینس و فەصڵ و کەشف و تەقریرە
موبەڕڕایە لە تەقریر و حەدیثی حادیث و ڕاویی

سەرچاوە: نالی

تەنی - ی دووهەم -

لەشی.

ئێمە مەردین و هەموو شێری خەشینپۆشی مەصاف
کرمی قەز هەرچی تەنیی، بو تەنی نیسوانی تەنیی

سەرچاوە: نالی

تەنیی - ی یەکەم و سێهەم -

لە تەندنەوەیە.

ئێمە مەردین و هەموو شێری خەشینپۆشی مەصاف
کرمی قەز هەرچی تەنیی، بو تەنی نیسوانی تەنیی

سەرچاوە: نالی

دیرهەم

پارەی زیو.

قاروونە فەلەک، موستەحەقی گرتن و خەسفە
زیو و زەڕی شەمس و قەمەرە، دیرهەمی کەوکەب

سەرچاوە: نالی

دەرهەم

تێکشکاو. لەخەفەتابوو، بەپێی ئەوە ک لە (دەر) و (هەم) پێکهاتبێ.

مەغشووشی زەڕە، عاجزی زیو، دەرهەمی دیرهەم
بۆچ تێکچووە صۆفیی کەرەبۆز بۆ غەمی باریی؟!

سەرچاوە: نالی

دەستار ی دووهەم

مێزەرە.

شێخیی و سەر لنگە دەستاڕی بە دەستاری بوزورگ
ڕەندم و، دەستاری کەلـلەی من دەفە، نەک میندەفە

سەرچاوە: نالی

دەم ی دووهەم

هەناسە.

دوێنێ چ بو دەتدا به زوبان لافی کەرامەت؟!
ئەمڕۆ نەدەمت بوو، نه دەمت بوو، نە دەمت بوو!

سەرچاوە: نالی

زار ی دووهەم

ناڕەحەت.

گوتم: ئایا بە زاری خۆت دەپرسیی حاڵی زاری من؟
برۆی هێنایە یەک، وەک شکڵی (لا) یەعنی کە بێ زارم

سەرچاوە: نالی

زار ی سێهەم

دیسانەوە دەم، یاخود لەگەڵ (بێ) کەدا پێکەوە وشەی (بێزار) پێک دێنن.

گوتم: ئایا بە زاری خۆت دەپرسیی حاڵی زاری من؟
برۆی هێنایە یەک، وەک شکڵی (لا) یەعنی کە بێ زارم

سەرچاوە: نالی

سەودا ی دووهەم

خەیاڵ. عەشق

عومرێکی درێژە بە خەیاڵی سەری زوڵفت
سەوداوو پەرێشانم و، سەودایەکی خاوە

سەرچاوە: نالی

شۆراو ی دووهەم

شۆرئاو، ئاوی سوێر.

دیدەم هەمو شۆراوە بە شۆراوی سوروشکم
لەم لەوحە نیگارینە نە عەین و نە ئەثەر ما

سەرچاوە: نالی

شەمامە - ی دووهەم -

مەمک.

له بوستانی (ئیرەم) دا قەط نییە وەک
شەمامەی وەک شەمامه ی وەک شەمامەی

سەرچاوە: نالی

طوڕڕە ی دووهەم

مۆر، نیشانەی.

شایستەیی شان، لایقی مل طوڕڕەیی تۆیە
نەک طوڕڕەیی شاهەنشەهی و طەوقی وەزارەت

سەرچاوە: نالی

فاقە ی دووهەم

تەڵە، داو.

صۆفیی لە فەقر و فاقە وەکو فاقە فاقی دا
تەسبیحی دام و دانەیە، ڕیشی دو فاقی فاق

سەرچاوە: نالی

قوربان - ی دووهەم -

قوربانیی. (ی) کەی ضەمیری غائیبە.

هەر کەسێ ڕووی تۆ دەبینێ، خۆی بە قوربانت دەکا
چونکە ئەبرۆی تۆ هیلالی عیدە، قوربانی دەوێ

سەرچاوە: نالی

مشت ی دووهەم

مشتو.

چ مشت و پەنجە؟ وەکوو مشتی شانە ڕەق کە دەڵێی
لە شانیدا نەبووە دەستوبردی کوشتوگیر

سەرچاوە: نالی

مولهەم

له خواوەهاتوو و خوا خستووە دڵ. هەم قەدەمت، هاوپێت. پێیشت، پێ قودوومت.

حیکمه تی تۆ مولهەمه، هەم قەدەمت مەرحەمە
موستەحەقی مەرهەمه سینەیی ئەفگاری من

سەرچاوە: نالی

مەردوم - ی دووهەم -

گلێنەی چاو.

نییه دیدەیی چ مەردوم، نییە مەردومی چ دیدە
لە فرووغی خەددی فاریغ، لە خەیاڵی خاڵی خاڵیی

تۆڕی زاراوەپارێزیی وشەدان