وشەدان

سەرچاوە: نالی

ئاشنا

ناسیاو.

هەتا تۆم ئاشنا بووی، ئاشنام بوون
ئەمێستا موو به مووم ئەغیارە بێ تۆ

سەرچاوە: نالی

ئەبنا

ئەبناء، جەمعی ئیبنە بەمەعنا مناڵ.

دایەی زەمین کە حامیلی ئەبنایی مەحشەرە
هەر تۆوێکی تیا کە ئەمانەت بو، دایەوە

سەرچاوە: نالی

بووعەلی سینا

زانا و فەیلەسووفی بەناوبانگی ئیسلام، (٩٨٠ - ١٠٧٣) ، لە بوخارا لەدایک بووە و لە هەمەدان مردووە.

لەکن ئەو جەوهەرە فەردە لە هەیولا نییە باس
لە حیکەم پەروەرییی بوو عەلی سینا نییە باس

سەرچاوە: نالی

تەمەننا

ئاوات.

سەری هەر مووی بەدەنم طەرزە تەمەننایێکە
گەردشی تووکی سەرم دووکەڵی سەودایێکە

سەرچاوە: نالی

حەسنا

حەسناء، ئافرەتی جوان.

مەستوورە کە حەسناوو ئەدیبە بە حیسابێ
هاتە خەوم ئەمشەو بە چ نازێک و عیتابێ!

سەرچاوە: نالی

حەنا

خەنە.

تا موعەییەن بێ کە زۆرن دەس گریی و دەس کوژی
فەرقی سەر، پەنجەی بە خوێناوی حەنا ڕەنگین دەکا

سەرچاوە: نالی

دێنا

ئەهێنا.

عومرت نەفەسێکی که هەموو عالەمی دێنا
بمرە له غەمیدا که هەموو صەرفی غەمت بوو

سەرچاوە: نالی

سەنا

بەرزیی و شکۆ.

بەیضێکی شوتورمورغیی کەوا تازە کرابێ
وەک بەیضەیی بەیضا بە ضیاوو بە سەنا بێ

سەرچاوە: نالی

غینا

دەوڵەمەندیی.

وەرە تا عالەمی قەلبت نیشان دەم:
کەوا فەقی غینایە، مردنی ژین

سەرچاوە: نالی

غینا

غناء، گۆرانیی.

سۆزشێکی نەفەس و شۆڕشی نائیی نایێ
هەریەکە نەوعە غینایێکە، بە مەعنایێکە

سەرچاوە: نالی

فنا في النور

لە زاراوەیەکی صۆفییانە وەرگیراوە، واتە

لە سایەی کوفری زوڵفت دڵ (فنا فی النور) ی ئیمانە
مەڵێن ظوڵمەت خراپە، وەصڵی پەروانە لە شەودایە

سەرچاوە: نالی

مینا

شووشە.

لە بازاڕی مەحەببەتدا هەدییەی توحفەییی میران
لە بۆ خورشیدی تابانم پیاڵەی شۆخی مینایە

سەرچاوە: نالی

میینا

مینا، منی، شوێنێکە لە مەککە قوربانیی سەربڕین و هەندێ بەشی تری حەج لەوێدا جێبەجێ ئەکرێ.

ڕوومەتت شەمعی شەوی قەدرە، دڵم پەروانەیە
نەحری میینای ڕۆژی عیدە، ڕۆحەکەم قوربانییە

سەرچاوە: نالی

مەعنا ئارایی

مەعنا ڕازاندنەوە.

نووکی خامەی من کە بێتە مەعنائاراییی کەمال
خەط بە خەط ئیظهاری نەقشی صوورەتی (مانی) دەکا

سەرچاوە: نالی

وەحدەت ئاشنا

ئەوەی لەگەڵ بیری خوا بە یەک زانیندا ئاشنایی هەیە.

ئەحوەلی تەفرەقە نەظەر تەقوییەتی سەبەب دەکا
عاریفی وەحدەت ئاشنا لەم قسەیە ئەدەب دەکا

سەرچاوە: نالی

پیاڵەی شۆخی مینا

ئەبێ مەبەست لێی ئاوێنەکەی جەمشید بێ کە ئەڵێن دنیای تیا دیوە.

لە بازاڕی مەحەببەتدا هەدییەی توحفەییی میران
لە بۆ خورشیدی تابانم پیاڵەی شۆخی مینایە

تۆڕی زاراوەپارێزیی وشەدان