وشەدان

سەرچاوە: نالی

چەمەن پیرا

وشەیەکی فارسییە واتە ئەوەی باخ ئەڕازێنێتەوە، باخەوان.

تا چەمەن پیرا لەسەر، ئەصڵی درەختی لانەدا،
فەرعی تازە، خوڕڕەم و بەرز و بوڵەند باڵا نەبوو

سەرچاوە: نالی

چەمەنزار

جێگای سەوزی.

بە ظاهیر گەر مەگەسدارە، بە باطین صەد چەمەنزارە
بە صوورەت یەک بە یەک خارە، بە مەعنا صەد گولوستانە

سەرچاوە: نالی

چەمەنیی

ئەوەی ڕەنگی وەک چیمەن سەوز بێ.

وەک گوڵی ئاتەشیی، خەمڵیوە بە بەرگی چەمەنیی
قامەتی نارەبەرە، ناروەرە، نارەوەنە

سەرچاوە: نالی

ڕەحمەت

بارانی ڕەحمەت.

لێوی تۆ ئاوی بەقا، من خضرم
فەیضی تۆ ڕەحمەت و من سەوزە گیا

سەرچاوە: نالی

ڕەمەق

نیوە گیان.

مرووری نەکسە کە عەکسی قەمەر دەکا بە ڕەمەق
ذوبوولی نیکسە دەگێڕێ کە عەکسی ڕیش بە شیر

سەرچاوە: نالی

کەشمەکەش

بگرە و بەردە، کێشمەنکێش.

ئەووەڵ لە ئیلتیجام ئەوەتە ئەی غەیووری دین
حاضر ببیی لە کەشمەکەش و ش ۆ ری غەرغەرە

سەرچاوە: نالی

کەمەر

پشتێن.

ئالوودە نەبێ دا، بە زەبوونگیریی خوێنم
بۆ کوشتنی من دامەنی پاکی لە کەمەر دا

سەرچاوە: نالی

کەمەند

پەتێکی ئەستووری درێژە بۆ گرفتارکردنی کەسێک یا گیانلەبەرێک بەکاردێ.

مەڵێ ڕێگەی کەشندە، یا کوشندە ئەژدەرە، یاخۆ
کەمەندە، یا طەنابی خێوەتی گەردوونی گەردانە

سەرچاوە: نالی

کەمەند

جۆرە تەنافێک بووە جاران لە جەنگدا بەکارهێنراوە بۆ خستنەمل و بەکێش کردنی جەنگاوەری بەرەی ئەولا.

کەمەندی زوڵفی دوو لانە، لە بۆ گەبر و موسوڵمانە
دەکێشێ بێ موحابانە، چ لەملا بێ، چ لەولا بێ!

سەرچاوە: نالی

یاسەمەن

گوڵێکی بۆنخۆشە سپی و زەرد و شینی هەیە.

ڕەیاحین پەرچەم و، لالە کولاه و، یاسەمەن طو ڕڕه
بەنەفشە خاڵ و. نەرگس چاو و، گوڵ زار و سەمەن ساقە

سەرچاوە: نالی

خامە

قەڵەم.

نووکی خامەی من کە بێتە مەعنائاراییی کەمال
خەط بە خەط ئیظهاری نەقشی صوورەتی (مانی) دەکا

سەرچاوە: نالی

خامە

قەڵەم.

نیشانەی پوختەگیی بێ دەنگییە « نالیی »! ئەگەر پوختەی
بە حوججەت طەی بکە نامە، بە حیددەت پەی بکە خامە

سەرچاوە: نالی

خەیمە

خێوەت. دەوار.

وەک خەیمە بە پەردێکی دو ئەستوونە بە پا بێ
سەر تیلەکی نەختێ بە نەزاکەت قڵەشابێ

سەرچاوە: نالی

زەمزەمە

شەوق و سۆز.

فویووضاتی (صەفا) و (مەروە) هەروەک ناودان دەمدەم
لە یەنبووعی دڵی پڕ زەمزەمەی میزابی جاریی بێ!

سەرچاوە: نالی

زەمزەمە

هەرا و زەنا.

هات زەمزەمەیی بولبول و ئاوازەیی قومری
هات بادی صەبا، دێن و دەچن عەرعەر و بانات

سەرچاوە: نالی

زەمزەمە

گۆرانی لەبەر خۆوە وتن.

مەقام و زەمزمەی حادیی، لە شەوقی کەعبە و حوجرەی
مەقام و زەمزەمە، وا ئوشتری هێنانە جۆلانە

سەرچاوە: نالی

سەراسیمە

سەرسام و داماو.

یا ڕەئسی یەتیمێکی کە بێ بەرگ و نەوا بێ
غەڵطان و سەراسیمە: نە داکێک و نە بابێ

سەرچاوە: نالی

شانامە

شاهنامەی فیردەوسیی، شاکاری ئەدەبی فارسیی.

نییە دەخڵم لە شانامە و مەصافی، غەیری ئەم نوکتە:
کە کوشتەی بەندی تۆیە هەر کەسێ ئازاد و ئازا بێ

سەرچاوە: نالی

شەمامە - ی دووهەم -

مەمک.

له بوستانی (ئیرەم) دا قەط نییە وەک
شەمامەی وەک شەمامه ی وەک شەمامەی

سەرچاوە: نالی

صیددیقەیی مەعصوومە

ئافرەتی باوەڕپێکراوی بێگوناهـ، حەزرەتی مریەمی دایکی مەسیح.

صیددیق و عەزیز هەروەک یووسف کە نەبی بوو کوڕ
صیددیقەیی مەعصوومە وەک داکی مەسیحا کچ

سەرچاوە: نالی

لەطمە

شەقازلە.

لۆمەیی « نالیی » یی دێوانە مەکەن ئەی عوقەلا!
ئەمە موددێکە زەدەی لەطمەیی دەستی پەرییە

سەرچاوە: نالی

لەومە

سەرزەنشتی گەردوون ئەکەی کەوا بۆچ کارێک ئەکا ڕاستی هەر لەبنەوە بێ.. ئاگات لەوە نییە کە تەنانەت لە خۆیشتا دەستی ڕاستت خزمەتی دەستی چەپت ئەکا و ملکەچی ئەوە...

لەومەی زەمان دەکەی کە بۆچ خوارییی ڕاستیی دەوێ؟!
غافڵی دەستی ڕاستی خۆت خزمەتی دەستی چەپ دەکا

سەرچاوە: نالی

مەمە

مەمک.

نەخلی باڵات نەوبەرە، تازە شکۆفەی کردووە
تۆ کە بۆی شیرت لە دەم دێ، ئەم مەمەت کەی کردووە!

سەرچاوە: نالی

نیمە

نیوە.

نەقدی دڵ و جان بۆ قەدەمت نیمە بەهایە
غەیری ئەمە، قوربان، بەخودا نیمە بەهایێ

سەرچاوە: نالی

نیمە ذەڕڕەیەک

نیوە ذەڕڕەیەک.

ڕۆژی هاوینی وەها مثقاڵه ذڕڕەی پڕ دەبێ
نیمه ذەڕڕێک سێبەری تێدا نییە غەیرەز هەتاو

سەرچاوە: نالی

نەغمە

ئاوازی بولبول.

صەوتی نەغمەی بولبولە یا چەهچەهەی خڕخاڵیە؟!
دەنگی سۆلە، یا لەژێر پێی ناڵە ناڵی ناڵیە؟!

سەرچاوە: نالی

نەغمە

ئاواز.

مەگەر میەخانەیە دنیا کەوا کاسی لەبەر کەئسی!
بە نەغمەی عوودی سووتاوی، بە نەشئەی طاسی تاساوی!

سەرچاوە: نالی

هەردەمە

هەرکاتێ.

هەردەمە فەرشی کەسێکی کەیە بێ مەهر و نیکاح
دوور لە چاکانی، عەجەب فاحیشە دنیایێکە!

سەرچاوە: نالی

وسمە

گیایەکە ژنان لەناو ئاودا ئەیکوڵێنن و برۆی پێ ڕەنگ ئەکەن. جۆرە خەنەیەکیشە، ژنان، پاش خەنە، ئەیگرنە سەر بۆ ڕەشکردنی قژیان.

تازە ئەبرۆت وسمە کێشاوە بە ناز
دڵ لەتی شمشێری تازەساوم ئەز

سەرچاوە: نالی

ڕەمە

ڕەوگ، گەلە.

حیفظت شەبان و ، ئێمە ڕەمە و، ئەو لەعینە گورگ
ئەم نەفسە گورگە مێشە لەگەڵ ئەو بەد ئەختەرە،

تۆڕی زاراوەپارێزیی وشەدان