وشەدان

سەرچاوە: نالی

مەئموول

چاوەڕوانیی کراو.

هەرچەندە کە من عەبدم و ڕووزەردم و عاصیم ،، مەئموولە خەلاصیم
قوربانی بیلالم کە هیلالانە هەڵاتووم ،، هەر عەفوە خەڵاتم

سەرچاوە: نالی

مەبال

میزکردن.

ئەی دەراتوو لە دوو مەجرایی دو میزابی مەبال
مەبە بادیی وەکو خەرزیهـ بەهەوای کیبر و مەنیی

سەرچاوە: نالی

مەبحەثە

جێگای باس و لێکۆڵینەوە.

مەدرەسە، مەحبەسەیە، مەبحەثەیی وەسوەسەیە
کەسی تێدا هەیە، ئەمما خۆش و خورسەندی نییە

سەرچاوە: نالی

مەبذوول

ئاسان.

بۆ هەر کەسێ مەبذوولە طەریقێکی ئەمانەت
هەر عاشقی بێچارە لە ڕێی خەوف و خەطەر ما

سەرچاوە: نالی

مەبهووت

سەرسام.

هە « نالیی »! بەڵکو بیکێشی بە ناڵین
بناڵە، دامەنیشە مات و مەبهووت

سەرچاوە: نالی

مەتاع

کەل و پەلی فرۆتەنیی.

من مەتاعم جاوە، چاوم! باخەبەر بێ موشتەریی
تا غەزەل سەودا نەکا لای تاجری چیتی بەقەم

سەرچاوە: نالی

مەترووک

خراوە لاوە. ئەو حەدیثەی تاقە یەک کەس گێڕابێتیەوە و بەئاشکرا گوناهبار بێ یا گێژ و وێژ بێ یا شتی لە بیر بچێ یا قسەی لێ بکەن کەوا درۆزنە.

تێدا حەدیثی حەداثەت ضەعیف و مەترووکە
کە قەطعە صیححەتی ئیسنادی عەنعەنی تەقریر

سەرچاوە: نالی

مەتن

پشت. تێکستی ئەو کتێبەی لەبەر گرانی، وشە وشە و ڕستە ڕستە ئەیانخستە ناو چوارچێوەی کتێبێکی ترەوە و مەعنایان لێک ئەدایەوە.

لە شەرحی هەیئەتی مەتنی بەدەن کە هەر جوزئی
سەقیمە، عاجزە تەصحیح و ڕابیطی تەدبیر

سەرچاوە: نالی

مەتن

کتێبی خوێندنی مەلایانە کە بەتەنها خۆی ڕاست نەکرێتەوە و پێویستی بە لێکدانەوە و لەسەر نووسین بێ. پشت.

بۆ توند و ڕەقیی مەتنی مەتینی حوکەما بێ
تەدقیقی ئەمیش سیڕڕە دەبێ خوفیە ئەدا بێ

سەرچاوە: نالی

مەتین

پتەو و توند.

بۆ توند و ڕەقیی مەتنی مەتینی حوکەما بێ
تەدقیقی ئەمیش سیڕڕە دەبێ خوفیە ئەدا بێ

سەرچاوە: نالی

مەثەل

قسەی نەستەق و بەتوێكڵ. نموونە

لایقی مەخزەنی طەبعە هەمو کەنزی غەزەلم
قابیلی ضەربی ڕەواجە زەڕ و زیوی مەثەلم

سەرچاوە: نالی

مەثەل

وەک.

زوڵفی دوو تایی ترازوو مە ثەلی دڵکێشت،
ڕۆح دەکێشن بە دوو سەر، ئەم بە سەرێ، ئەو بە سەرێ!

سەرچاوە: نالی

مەثەلا

بۆنموونە.

یاخۆ، مەثەلا، میثلی نە وا بێت و نە وا بێ
مەشهوور و خەفیی هەروەکو عەنقاوو وەفا بێ

سەرچاوە: نالی

مەجاز

ئەو وشەیەی لە غەیری مەعنای ڕاستەقینەیدا بەکارهێنرابێ بەمەرجی بوونی پەیوەندییەک لەنێوان مەعنا ڕاستەقینەکە و مەعنا مەجازییەکەدا.

ظاهیر و باطین، لەسەر لەوحی حەقیقەت یا مەجاز
ئاشنای سیڕڕی قەڵەم بێ، غەیری « نالیی » کەس نەما

سەرچاوە: نالی

مەجذووبە

ژنی جەذبە لێ هاتوو. جەذبە حاڵەتێکە لەو حاڵەتانەی بەسەر پەیڕەوانی تەریقەتی نەقشبەندیدا دێن.

مەجذووبی طوروق، مورتەعیشی لەرزش و تا بێ
سالیک ڕەوشی مەسلەکی ڕێگەی صولەحا بێ

سەرچاوە: نالی

مەجرا

شوێنی پیا ڕۆیشتنی ئاو.

ئەی دەراتوو لە دوو مەجرایی دو میزابی مەبال
مەبە بادیی وەکو خەرزیهـ بەهەوای کیبر و مەنیی

سەرچاوە: نالی

مەجمەر

مەقەڵیی، جێگای پشکۆی ئاگر. پشکۆدان

لالەکە مەجمەرێکە بە با خۆش و گەش دەبێ
ناوی کە پڕ خەڵووزە بە شەبنەم گەشایەوە

سەرچاوە: نالی

مەجنوون

شێت، یاخود قەیسی لەیلای بەناوبانگ.

ئەسیری سیلسیلەی بەندی مەهاری سەرقەتارت بم
کە دەمکێشێتە ڕەوضەی حەی وەکوو مەجنوونی دێوانە

سەرچاوە: نالی

مەجەڕڕە

کۆمەڵە ئەستێرەی کاکێشان.

مەگەر ڕێی حاجیانە وا تیا سەییارە سەییارە!
مەجەڕڕە ئالەتی جەڕڕی جەریری سارەبانانە!

سەرچاوە: نالی

مەحابا

لایەنگری.

بێ مەحابا ئاو دەڕێژێ گەهـ بە فەور و گەهـ بە دەور
چاوی من موددێکە شێوەی ئابشاری گرتووە

تۆڕی زاراوەپارێزیی وشەدان