وشەدان

سەرچاوە: نالی

موغەیلان

درەختێکی کورتەبنەی دڕکاوییە، لە دەشتە بێئاوەکانا ئەڕوێ.

لە بن خاکی مەغاکی ئاتەشینی، لەعلی لەب توشنە
لە سەر ئابی سەرابی، سەروی سێرابی موغەیلانە

سەرچاوە: نالی

موقتەبیس

ئەوەی (قەبەس) وەربگرێ.

مەعلوومه چونکی جەمعی ڕوسول موقتەبیس لەون
يووسف یەکێ لەوانه که سەرلەوحی دەفتەرە

سەرچاوە: نالی

موقتەدا

چاولێکراو.

جێی زوبان گرتن و دڵ ڕۆشنیی و سووتانە
موقتەدا شەمعە کە خامۆش نییە ئەمما نییە باس

سەرچاوە: نالی

موقیڕ

پێلێنەر.

خەوفی من لێرە لەبەر زۆریی گوناهە یەک بە صەد
گەرچی عاصیی و موذنیبم ئەمما موقیڕڕ و بێ درۆم

سەرچاوە: نالی

موقەڕڕەڕ

بڕیاردراو. جێگیرکراو.

ئەو سێبەرە که عاله می عولووی له نوورییه
شەمس و نوجووم هەر چی لەواندا موقوڕڕەڕە

سەرچاوە: نالی

موقەییەد

دەست بەسراو.

سەراپای گرتووی زوڵف، بۆیە بوویی
موقەییەد، هەم موخەلخەل، هەم موطەووەق!

سەرچاوە: نالی

مول

جۆرە مەیێکه.

مەجلسێکی چەمەن و بولبول و بەزمی گول و مول
بە دوصەد مەدرەسە و دەرس و کیتابی نادەم

سەرچاوە: نالی

مولازیم

هاوسەر.

ئەلیف نەکیرەوو بێگانە، نایەتە تەعریف
عەلەم موشابیهی غەیر و مولازیمی تەنکیر

سەرچاوە: نالی

مولهەم

له خواوەهاتوو و خوا خستووە دڵ. هەم قەدەمت، هاوپێت. پێیشت، پێ قودوومت.

حیکمه تی تۆ مولهەمه، هەم قەدەمت مەرحەمە
موستەحەقی مەرهەمه سینەیی ئەفگاری من

سەرچاوە: نالی

مولووک

جەمعی مەلیکە بەمەعنا پادشاە.

دەس بەندیانە دێن و دەچن سەرو و نارەوەن
صاحێب کولاە و سایەوو بەرگن وەکوو مولووک

سەرچاوە: نالی

مولەووەث

پیس.

نەبوو ڕووم بێمە خاکی چاکی پاکی طەیبە، تا بیستم:
بە سەگ نابێ مولەووەث ئاوی زەرقا، بەحری ئیحسانە

سەرچاوە: نالی

مومتاز

هەڵاوێردە. خاصصە. تایبەتیی.

ئەم طاقمه مومتازە کەوا خاصصەیی شاه ن
ئاشووبی دڵی مەملەکەت و قەلبی سوپاهن

سەرچاوە: نالی

موناجات

پاڕانەوە لە خوا لەژێر لێوەوە، بە کزی. مەحجووب.

بێ بابی مورادی من و تۆ بوو بە تەمەننا
بێ بابی دوعایی من و تۆ بوو بە موناجات

سەرچاوە: نالی

موناجاتی سەحەر

پاڕانەوە لە خوا لە کاتی بەرەبەیاندا.

« نالیی » خەبەری بێ ئەثەری غائیبە، ئەمما
ناڵێکی حەزین دێ لە موناجاتی سەحەردا

سەرچاوە: نالی

مونتیج

بەرهەمدار.

نەرم و خۆش و مونتیج وەکو بەسطی ئودەبا بێ
طولانیی و بەرجەستە وەکوو دەستی دوعا بێ

سەرچاوە: نالی

مونتەظیر

چاوەڕوان.

لای ێ کی کەش لە جەننەت و ڕیضوان تەدارەکە
حۆریی ئەوا بە مونتەظیریی دێنە مەنظەرە

سەرچاوە: نالی

مونتەفیع

کەڵک وەرگر.

بیدی مەجنوونە وجوودم لە هەموو بەر بەرییە
نە کەسێ مونتەفیعی یەک بەری یا سێبەرییە

سەرچاوە: نالی

مونجەمید

مەییو.

هەوای سەیری بەڕ و بەحر ئاگری بەرداوەتە عومرت
کە تۆزێ مونعەقید خاکی، دڵۆپێ مونجەمید ئاوی!

سەرچاوە: نالی

مونزەجیر

ئەوەی لەسەر کردنی شتێ لێی تووڕە ببن و ئەویش لە کردنی ئەو شتە دەسبەردار ببێ.

دڵ کەوا هەم قاسییە، هەم عاصییە، دوورە لە تۆ
مونزەجیر نابێ، کە حوببی تۆ لە قاصیی دانییە

سەرچاوە: نالی

مونزەویی

گۆشەگیر و که نارەنشین،

نەباتاتی زەویی وەک مونزەویی هاتوونه دەر، یەعنیی
هەموو سەرخۆش و مەست و ڕۆژپەرەست و عاشقی ڕووتن

تۆڕی زاراوەپارێزیی وشەدان