هەناسەدەر، گیانلەبەر.

(مانیی)  نیەتی قووەتی تەصویری برۆی تۆ
ئەم قەوسە بە دەستی موتەنەففیس نەکشاوە

هەڵاتوو و داوە کێو.

گۆشەگیرم له برۆت و موتەوەححیش له موژەت
ڕۆحی شیرینم ئەبەر شیر و قولابی نادەم

لە یەک جیا بووەوە و شیرازە تێکچوو. پارچە پارچە بوو.

وەها سەقیم و موجەززا عەوامیلی ئەجزا
کە ئالەتی عەمەلی نەحوی مەحوی صەحوی ضەمیر

پڕ لە گەوهەر.

دورجێکی موجەوهەر کە هەموو حوسن و بەها بێ
دوڕڕێکی مونەووەر کە هەموو ئاوی صەفا بێ

ڕووت.

خۆشا ڕەندێ لە دنیا بێ موبالات و موجەڕڕەد بێ!
بە ڕۆژ زیندەی جەماعەت بێ، بە شەو مات و موجەڕڕەد بێ!

هەڵاوێردن.

کەمەندی زوڵفی دوو لانە، لە بۆ گەبر و موسوڵمانە
دەکێشێ بێ موحابانە، چ لەملا بێ، چ لەولا بێ!

دیوەخانی قەرەباڵغ، یا دیوانی شیعری گەورە، یان ئیشارەتە بە گەورەیەکی (محتشم الدیوان) ناو.

ضابیطەی طەبعم سوارە، ئیددیعای شاهیی هەیە
مەحتەشم دیوانە، داوای تەختی خاقانی دەکا

ئەو کەسەی نیازی حەجی هەبێ و چوبێتە ئیحرامەوە، و جلوبەرگی نەدووراوی ئیحرامی پۆشیبێ و سەری ڕووت کردبێ.

موغەیلانی جل و مێزەر دڕێنی صۆفییە، یەعنیی
ئەمە ڕێی موحریمانی مەحرەمی سەر ڕووت و عوریانە

خۆشەویست

ئەوەندە ئەرجوو دەکا « نالیی » که جار جار
بکەن یادی موحیببی بێ ڕیاتان

دیارە. بێگومان.

موحەققەق مەشرەبی « نالیی » لە شیعرا هەروەکوو « خاکیی »
خەیاڵی « کوردی » یە، بەیتی سەراپا زوڵفی دوو تایە

سپاردە.

شێخم، چ گەرمە حەڵقەیی ذیکرت بە ڕەشبەڵەک!
حاڵی ئەمانە خۆ بە جەنابت موحەووەلە!

تەوێڵ.

ماوەردە لەسەر خەرمەنی گوڵ عەطرفشانە،
یا ئاوی حەیاتە: عەرەقی وردی موحەییات؟!

سەرسام.

ئەشخاصی خاصە (تَشْخَصٌ ابْصارٌهٌمْ) هەموو
(وا نَفسْیِ) یانە هەریەکە بۆ خۆی موحەییەرە

گفتوگۆ لەگەڵ کراو.

بەو شەهدی کەلامەت کە بە ئیشرابی لەطافەت
لەذذەت دەگەیێنی بە دڵ و ذیهنی موخاطەب

پێچەوانه. ئاوازێکی مۆسیقایە،

گوتم: ڕاستی صەبا هەڵسە! گوتی: مەشرەب موخالیفیە
گوتم: نارێ، گوتی: بایە، گوتم: ئەوجێ، گوتی دوورە

تێکەڵ.

سەرد و گەرمی ئاهەکەم سەوزە گیای کردم بە پووش
پایزی، ڕوو بوو بە بوردی سوور و زەردی موختەلەط

خەت خەت کراو، لە (میسطەرە) دراو. جاران کە کاغەزی خەت خەت کراو نەبو، مەقابایەکیان ئەهێنا، چۆنیان بویستایە دێڕەکانی کتێبەکە ڕێک بخەن، بەوجۆرە تاڵە کندری چەند لۆ بادراویان تێ هەڵئەکێشا. پاشان پەڕەی کاغەزی سپییان ئەخستە سەری و توند پەنجەیان پیائەهێنا، جێگەی کندرە بادراوەکەی لەسەر نەخش ئەبوو، ئەوجا بەسەر ئەو نەخشانەدا ئەیاننووسیی. بەو مەقەبا کندر تێ هەڵکێشراوەیان ئەوت (میسطەرە).

وەجهەکەم ئیسمی بەیاض، ئەمما وەرەق زەرد و سیاە
با موخەططەط بێ بە کافووری کەشیدەی خۆش نەمەط

پێ بە زنجیر.

سەراپای گرتووی زوڵف، بۆیە بوویی
موقەییەد، هەم موخەلخەل، هەم موطەووەق!

سەرپشک. ئارەزوو دراوە دەست.

موژدە لە عاصییان کە ئەو ئیقباڵی ڕەحمەتە
ئیسمی ڕەحیم و غەوث و شەفیع و موخەییەرە

بەدکار.

چەندە خۆشە دابنیشین دوو بە دوو ئەمن و گوڵم
داکەوێتن موددەعی لەو خوارە هەروەک دەستی کەر