وشەدان

سەرچاوە: نالی

* مامۆستا شێخ بابەڕەسووڵی عەبابەیلێ ئەیگێڕایەوە کەوا بیستوویە لەناو فەقێ موستەعیدەکانی شێخەوڵای خەرپانیدا تا موفتیی زەهاویی لە مەجلیسدا بووبێ مەلایاسینی تەشاری مافی قسەکردنی نەبوە و، مەلا یاسین له مەجلیسدا بووبێ مەلا یووسفی تەوێڵەیی مافی قسە کردنی نەبوە و، تا مەلا یووسفیش له مەجلسیدا بووبێ نالییی مافی قسەکردنی نەبوە، واتە

نالییی پلەی چوارەمی بووە لەناویانا. لەوانەیە ئەم بەیتی « حەربا » یەش پەیوەندێکی بەم مەسەلەیەوە هەبێ، هەروەها لەوانەیه پارچە شیعری « ئەحوەلی تەفرەقە نەظەر..» یش، وەک له شوێنی خۆیدا ئیشارەتمان بۆ کرد، لایەکی ئەم مەسەلەیەمان بۆ ڕوون بکاتەوە.

نەییری ئەعظەم وەها تاوی دەدا وەک مەنجەنیق
بۆ دەوامی ڕۆژپەرستیی جەمعی حەربای دێتە ناو

سەرچاوە: نالی

ئیلف و ئەلیف

هاوشان.

« نالیی » حەریفی کەس نییە، ئیلف و ئەلیفی کەس نییە
بەیتی ڕەدیفی کەس نییە، هەرزە نویسە، گەپ دەکا

سەرچاوە: نالی

ئەلیف

هۆگر.

ڕەقیبی جوفتەلی، نابێتە نەخچیرت، کە خەرکوڕڕە
ئەلیفی چایرە دائیم لە قەشقەی کەردڕ و جەودا

سەرچاوە: نالی

ئەلیف

(ال) ، ئەلف لامی تەعریف. ئیشارەتیشە بە (هینەکەی) پیاو کە وەک تیپی (ئەلف) درێژە.

ئەلیف نەکیرەوو بێگانە، نایەتە تەعریف
عەلەم موشابیهی غەیر و مولازیمی تەنکیر

سەرچاوە: نالی

تەجەللیی

دەرکەوتن، دەرکەوتنی نووری خودا. وادییی ئەیمه ن. شیوی لای ڕاست. ئەو شیوەی که نووری خوای بۆ حەزرەتی مووسا تیا دەرکەوت له کێوی توور و بانگی تیا لێ کرا،

صەحرا به تەجەللیی دەکەنە وادیی ئەیمەن
قامه ت سەجەر و، مەظهەری ئەڵطافی ئیلاهن

سەرچاوە: نالی

تەسلیم

دانەوە.

وەفای عەهدە له من ڕۆح و، له تۆ ماچ
چییه چارەی ئەمانەت غەیری تەسلیم

سەرچاوە: نالی

تەکالیف

ئەرک، عیبادەت.

ئەی نەفسی مورائیی چ گران باری، تەکالیف
بۆ خەلقی دەکێشی.. دە هەڕۆ ڕیش و جەدەو بە

سەرچاوە: نالی

تەکالیف

تەکلیفات، باری قورس لە ئەستۆ گرتن.

بە ڕیا باری تەکالیفی ڕوسوومیی بۆ خەڵق
چ دەکێشیی؟ ئەمە حومقێکە عەلاوەی کەرییە

سەرچاوە: نالی

تەکلیفی لایطاق

داوای کردنی کارێ کەردەنیی نەبێ و لەتوانای بنیادەما نەبێ بیکا.

قوربان مەحاڵە پێکەوە بن صەبر و ئیشتیاق
خاریج لە نەصصی ئایەیە تەکلیفی (لا یطاق)

سەرچاوە: نالی

جاهیلییەت

نەزانیی، سەردەمی پێش هاتنی ئایینی ئیسلام.

لە نەفخی صوور و نەشری بەعثەتی دینی حەق ئیحیا بوو
لە قەبری جاهیلییەت هاتەدەر هەرچیی موسوڵمانە

سەرچاوە: نالی

خالیص

بێگەرد.

مەحزونی ڕوقعە، حەببە بە حەببە، لە کەففەدا
خالیص دیارە، مس کە مسە، عەینی زەڕ زەڕە

سەرچاوە: نالی

زووڵفی بەهلوولیی

زووڵفی ئاڵۆز و پرژ و بڵاو. لەوەوە هاتووە کە (بەهلوول) بە شێت و بەرەڵڵا ناوبانگی دەکردووە.

پەرچەمی سونبولیی و، قەددی (قضيب البان) یی
زوڵف بەهلوولیی و، خەط زەنگیی و، وەجهی حەسەنە

سەرچاوە: نالی

سالیک

ئەهلی سولووک بە گوێرەی ڕێ و شوێنی ئەهلی تەصەووف. ڕێ گرتووەبەر.

مەجذووبی طوروق، مورتەعیشی لەرزش و تا بێ
سالیک ڕەوشی مەسلەکی ڕێگەی صولەحا بێ

سەرچاوە: نالی

سالیک

ڕێ گرتووەبەر. ئەو صۆفییەی خەریکی سولووک بێ.

بە میعراجی سولووکی سالیکداندا تا نەچیی ڕۆژێ،
لەناو جەهلی مورەککەبدا دەمێنیی هەروەکوو ماوی

سەرچاوە: نالی

سالیک

ڕێبوار.

بۆ دەکەی تەکلیفی ڕەسمی ئولفەت و یاریی له من؟
کەی به صوحبه ت ئاشنایە سالیکی ڕێگەی عەدەم!

سەرچاوە: نالی

سالیکی صەبر و تەحەممول

ڕێگای سەبرکردن و باری مەینەت هەڵگرتنی گرتبوە بەر.

قانیعی بابی ڕەضا و ڕاضی بە پووش و دڕک و داڵ
سالیکی صەبر و تەحەممول، بوردەبار و هیچ نەوێژ

سەرچاوە: نالی

سالیکی ڕاه

ڕێ گرتووەبەر.

بۆ سەیری خەرامیدەنی ئەم سەرو قەدانه،
صۆفی له طەڵەبدان و، هەموو سالیکی ڕاهن

سەرچاوە: نالی

سەلیقیی

لە (سەلیقە) وە هاتوو، ئەوەی لەخۆیەوە بێت و خۆ پێوە ماندوو کردنی نەوێ.

خەڵقیی کە هەموو کۆدەکن و بەستە زوبانن،
با بێن و لە « نالیی » ببیەن شیعری سەلیقیی

سەرچاوە: نالی

طالیع

هەڵاتوو. صەڵا

لەسەر ئەو ظوڵمەت ئابادی شەوی کوفرە کە طالیع بوو،
صەڵا هەستا لە ئینس و جان کە ڕۆژی نووری ئیمانە

سەرچاوە: نالی

طالیع

بەخت و چارە.

شەوە ئەمما صوبحی بیداریی طالیع بوو کە جوبریلی
ئەمین بۆ خزمەتی طاها تیا مەئمووری فەرمانە

تۆڕی زاراوەپارێزیی وشەدان