داناوە.

دو جادوو ماری مەغزی ئادەمی خواری قەرار داوە
لەسەر شانی، وەکوو ضەححاک و، ناوی ناوە زولفەینی

ئاسمانێکه،

کَاْنَّ کَنارَ أرْضِهِ آسْمانَةٌ
لِبَرْزِیٌّ دُورِی لِسَبزِیِّ عَرْدِهِ

شاخی ئاسک. یەکەم سەردەرهێنانی خۆر لە سبەینێدا.

شەوەمما، شەوچراغی جەدی و ثەور و مەرتەعی شامی،
دوصەد قەرنی غەزالە و قۆچی صوبحی عیدی، قوربانە

دێی (زەردیاوا) و تێکڕای ناوچەی (قەرەداغ) لە هەرێمی سلێمانیی.

دڵی  « نالیی »  کە ئەنیسی  (قەرەداغ) ە، ئێستەیش
داغی (سەرچاوە) و (دێوانە) یی دار و دەوەنە

دڵڕەقیی.

ئەگەرچیی کوردی دووری شارەزووری قەسوەتم، ئەمما
وەسیلەم طەیبە و حیلمی شەفیع و فەضلی مەننانە

بۆمان ڕاست نەکرایەوە مەعنای چییە. وای بۆ ئەچین بەپێی موناسەبەتی شوێن (عەشقی) یا (مەشقی) بێ.

ڕەقیبی جوفتەلی، نابێتە نەخچیرت، کە خەرکوڕڕە
ئەلیفی چایرە دائیم لە قەشقەی کەردڕ و جەودا

کۆشک و تەلار.

چ قەصر و دائیرە و تاقێ، تیا تاقی ئافاقی،
نەی و موطریب، مەی و ساقیی، گوڵ و بولبول هەموو جووتن

کۆشکی بەرز.

یا قەصری موعەللا کە لە ئاوێنە کرابێ
یا غونچەیی نەشگوفتە کە ئاوی نەدرابێ؟!

قەزا و قەدەری خوا.

مەڵێن کەڵکی نەبوو، ڕۆیی، جەهەننەم!
سەرم قەڵغانه بۆ تیری قەضاتان

کاروان، ڕیز.

قەطاری زەنگ و قۆڕی ئوشتر و ئێستر لەسەر کێوان
دەڵێی زیڕەی صەدای قاز و قوڵنگی ئەوجی کەیوانە

قەطرەیەکە، دڵۆپێکە.

قەطرێکە لە بەحری کەرەم و ڕەحمەتی فەتتاح
نەک عارەقی کەرمی عینەب و شەربەتی توففاح

دڵۆپ.

تا گەرمڕەوی ڕێگەیی ظوڵماتی بەقا بێ
(ماءالخضر) ت قەطرە لەسەر قەطرە فیدا بێ

بڕین. حەدیثی مەقطووع ئەو حەدیثەیە زنجیرەی گێڕانەوەی نەگاتەوە سەر ئەصحابە، بەڵکو لە تابیعین یا لە خواری ئەوانەوە بپچڕێ.

تێدا حەدیثی حەداثەت ضەعیف و مەترووکە
کە قەطعە صیححەتی ئیسنادی عەنعەنی تەقریر

بن.

لە صەد جێ کلکی ئوشتر گەییە ئەرضی مەهلەکە، هێشتا
یەمی فەججی عەمیقی ئاڵی هەر بێ قەعر و پایانە

قەلەڕەش کە هەر ئە قڕێنێ و خەڵک بە نیشانەی خێری نازانن.

سایەیی پایە وەکوو باڵی هوما و بازی سپیم
نە وەکو بوومی قەدەم شووم و نە هەمڕەنگی قەلم

گەردنبەند.

گەردەن کەچی تۆم بێ کەشش و ڕست و قەلادە
وا ظەن مەبە ناعارف و هەرزە مەرەسێکم

دڵ.

شاهیدی عەدله و وەفا، مەعدەنی صیدقە و صەفا
هاتووە دەرمان بکا قەلبی برینداری من

گۆڕین.

ئەی شەمسی مایە پەروەر و ئیکسیری قەلبی خاک!
بنواڕە حاڵی هالیکی ئەم خاکە ئەحقەرە

جاران سوپا کراوە به چەند بەشەوە , موقەددەمه و موئەخخەرە و مەیمەنه و مەیسەرە و قەلب، واتە , ئەوانەی له پێشەوە ئەڕۆن و ئەوانه ی لە دواوە ئەڕۆن و ئەوانه ی لای ڕاست ئەگرن و ئەوانه ی لای چەپ ئەگرن و ئەوانەی له ناو جەرگەدان، ئەرکی هەرە زۆری جەنگ ئەکەوێتە ئەستۆی ئەمانەی دوایی. قەلب

ئەم طاقمه مومتازە کەوا خاصصەیی شاه ن
ئاشووبی دڵی مەملەکەت و قەلبی سوپاهن

هەڵکەندن و لەبن هێنان.

ئەو بابە کە فەتح و ظەفەری قەلعەیە قەلعی
با قەلعی بکا زەلزەلەیی هاذیمی لەذذات