تۆڕی زاراوەپارێزیی وشەدان

X
   
 
   


سەرچاوە: نالی
غیبطە
ئەوەتە کەسێک ئاواتی ئەوە بخوازێ شتێکی باشی دەسگیر ببێ کە کەسێکی تر هەیبێ.

شەو ئەمما، غیبطەیی نووری سووەیدایی دڵ و دیدە
شەو ئەمما، خۆر تیا گۆیا لە شەرمی نووری پەنهانە
سەرچاوە: نالی
غیلمان
جەمعی غولامە واتە کوڕی تازە پێگەیشتوو.

جەننەت پڕی ویلدانە، خادیم هەمو غیلمانە
خانم کە تێدا حۆرین، یەکسەر هەموو حەسنا کچ
سەرچاوە: نالی
غینا
دەوڵەمەندیی.

وەرە تا عالەمی قەلبت نیشان دەم:
کەوا فەقی غینایە، مردنی ژین
سەرچاوە: نالی
غینا
غناء، گۆرانیی.

سۆزشێکی نەفەس و شۆڕشی نائیی نایێ
هەریەکە نەوعە غینایێکە، بە مەعنایێکە
سەرچاوە: نالی
ئەغیار
بێگانە و ناحەز.

شەربەتی خەوف و ڕەجای ئەغیار و یار
ترش و شیرین هەم دەچێژم، هەم دەخۆم
سەرچاوە: نالی
باغیی
یاخیی، لەخوانەترس.

طاغیی و باغیی و، باغی گوڵ و نەیرەنگ و فەنی
شاد و شادابە بە گوڵ ئاتەشیی و نارەوەنی
سەرچاوە: نالی
باغیی
گوڵی ناو باخ یاخود یاخیی بوو و لە ڕێ لاداو.

چونکە مەنشووری گوڵەندامیی بە ناوی خۆی دەوێ
یار، ئەگەر لەو باغییانە کەس بمێنێ، عارە بۆی
سەرچاوە: نالی
شوتورمورغیی
وەک هیی وشترمورغ.

بەیضێکی شوتورمورغیی کەوا تازە کرابێ
وەک بەیضەیی بەیضا بە ضیاوو بە سەنا بێ
سەرچاوە: نالی
طاغیی
سەرکەش و ستەمکار.

طاغیی و باغیی و، باغی گوڵ و نەیرەنگ و فەنی
شاد و شادابە بە گوڵ ئاتەشیی و نارەوەنی
سەرچاوە: نالی
ڕاغیب
ئەوەی ئارەزووی لە شتێ بێ.

گوتم ئەی قیبلە قوزە! بۆچی بە تەحریری حەریر
ڕاغیبی لیبسی عەجەم، تاریکی بەرگی یەمەنی؟
سەرچاوە: نالی
باغی سێوان
مەبەست سنگی یارە که مەمکی وەک سێوی پێوەیه.

له دوگمەی سوخمه دوێنێ نوێژی شێوان
بەیانی دا سفیدەی باغی سێوان
سەرچاوە: نالی
مورغی چەمەن
پەلەوەری ناو مێرغوزار.

لەگەڵ مورغی چەمەن « نالیی » دەناڵێ
که یەعنی عاشق و هەم فەرد و فەردین

مافی لەبەرگرتنەوە © 2014 - 2024 وشەدان
پ‌.هـ.د پێوەندی هاوکێش وەرگرتنی قەدبڕی سایت