وشەدان

سەرچاوە: نالی

سەهم و نەصیب

بەش و چارەنووس.

سەهم و نەصیبی ئەصلییە، بەحثی گیاە و گڵ نییە
تووتنە خەرجی سووتنە، موودنە ماچی لەب دەکا

سەرچاوە: نالی

سەیل

لافاو.

سەیلی هیجرت بەردی بنچینەی لە ڕەگ هێنامەدەر
باری فیکرت قەددی ڕاستی تێشکاندم وەک فەنەر

سەرچاوە: نالی

جان سەختیی

گیان سەختیی، زوو گیان دەنەچوون. خۆ بەدەستەوە نەدان،

به جان سەختیی و دڵ بەردی، من و تۆ
بیعەینیی هەروکوو پۆڵاوو بەردین

سەرچاوە: نالی

خەطی سەبز

گەنەمووی سمێڵی تازە دەرهاتوو.

خەطی سەبزی لە کەناری لەبی، « نالیی »! هەروەک
« خضری زیندە » لەسەر چاهە، زولالێکی هەیە

سەرچاوە: نالی

سەبا

سەبەء، پایتەختی ئەو سەردەمەی یەمەن.

هودهودی دڵ حەبسی بەلقیسی سەبای دیوە، یەقین
خۆی کە دامێنگیری شاهی ئاصەفی ثانی دەکا

سەرچاوە: نالی

سەبوکبار

بار سووک. کینایەیە لە بنیادەمی بۆش و هیچ و پووچ کە شتێک نەبێ مێشکی پێوە خەریک بکا.

صۆفیی کە گرانبارە، بێ مەغز و سەبوکبارە
صووفپۆشێ غەمی بارە، ئەو باری لەکن پەشمە

سەرچاوە: نالی

سەححار

جادووگەر.

هەر چەنده دەکەن قەطعی سەرت، دێیەوه کەی خەط
وەك (هیندووی سەححاری مەجووسیی) چ له جووجی!

سەرچاوە: نالی

سەخا

بەرچاو فراوانیی و بە دەس و دەهەنەیی.

یا کۆمەڵە زیوی بوخەلا دور لە سەخا بێ
موغلەق بە بەخیلیی، بە مەثەل مشتی مەلا بێ

سەرچاوە: نالی

سەر

تای ترازوو.

زوڵفی دوو تایی ترازوو مە ثەلی دڵکێشت،
ڕۆح دەکێشن بە دوو سەر، ئەم بە سەرێ، ئەو بە سەرێ!

سەرچاوە: نالی

سەر

لا، ڕیز.

باقێ کە ڕووی لە کەففەیی میزانە، یەکسەرە.
هەرچەند سەرە موتابیعی میعیاری دوو سەرە

سەرچاوە: نالی

سەر و پەیوەند

سەر و ساخت.

ئاخ لەگەڵ ئێمە (حەبیبە) سەر و پەیوەندی نییە
نەیشەکەر قەددە، بەڵا بەندی هەیە، قەندی نییە

سەرچاوە: نالی

سەراب

سەراو.

کاسێکی بلوورینی نخونیی لە سەرابێ
نەختێکی لەبەر مەوجی لەطافەت قڵەشابێ

سەرچاوە: نالی

سەراب

وردە زیخی بریقەدار کە ڕێبوار لەدوورەوە وائەزانێ ئاوە.

فەضا بەحری موحیط و وشتری تێدا سەفینەی بەڕ
سەرابی میثلی نیل و دیجلە و جەیحوون و عوممانە

سەرچاوە: نالی

سەراب

دەشتی لمین کە لەدوورەوە ئەبریسکێتەوە و تینوو وائەزانێ ئاوە و ئەچێتە سەری و کە بۆی دەرئەکەوێ هیچ نییە بە نائومێدی ئەگەڕێتەوە.

« نالیی » یو سینەیی بێ کینەیی چاکم، ئەمما
چاکی دامەن تەڕم و وشکە سەرابی عەمەلم

سەرچاوە: نالی

سەراسیمە

سەرسام و داماو.

یا ڕەئسی یەتیمێکی کە بێ بەرگ و نەوا بێ
غەڵطان و سەراسیمە: نە داکێک و نە بابێ

سەرچاوە: نالی

سەراو

کانیی.

دڵ تینووە، سووتاوە، بە بێ طاقەت و تاوە
ڕێگەم بەسەراوە، کە دەچم ڕێم بەسراوە

سەرچاوە: نالی

سەراوێزە

سەری داهێڵراو و شۆڕکراوە.

بە سەراوێزەیی چاوێنەییی کەللەی سەریان
لە کەی و قەیصەر و ئەسکەندەر و دارا نییە باس

سەرچاوە: نالی

سەراپا

سەر تا پێ، هەموو گیان.

سەراپای گوارە زەردی ترس و لەرزە
دەڵێی عاصیی بووە لەو جێگە بەرزە!

سەرچاوە: نالی

سەرتیلەک

لووتکەی بەرزایی دەوار، ئەو شوێنەی دەوار کە لای سەرەوە هەردوو سەرەکەی دەوارەکەی تیا بەیەک ئەگەنەوە.

وەک خەیمە بە پەردێکی دو ئەستوونە بە پا بێ
سەر تیلەکی نەختێ بە نەزاکەت قڵەشابێ

سەرچاوە: نالی

سەرسەریی باز

ئەوەی خەریکی شتی هیچ و پووچ بێ. بازی بێ سەر و پێ و بێکارە.

ئەم سەرسەری بازانه کەوا هەمسەری بوومن
موشکیل، بگەنه ساعیدی شاهێکی وەکوو من

تۆڕی زاراوەپارێزیی وشەدان