وشەدان

سەرچاوە: نالی

خەریک

گیرخواردوو و داماو.

خەریکی شەشدەری هات و نەهاتم
خەلاصیم قەت نییە لەم نەردە بێ تۆ

سەرچاوە: نالی

دڵفریب

ئەوەی دڵی دڵدار هەڵخەڵەتێنێ و گرەویدەی خۆیی بکا.

شاهێنی دیدەبازە، مەستی شەرابی نازه
دڵدار و دڵنەوازە، دڵکێش و دڵفریبه

سەرچاوە: نالی

دیدەیی گریان

چاوێ کە بگریێت.

جۆشش و تابە لە نێو دیدەیی گریانمدا
چ تەنوورێکە لە تەندوورەیی طۆفانمدا

سەرچاوە: نالی

دەریا

بەحر، مەبەست لە ڕاستییە.

صۆفییان هاتنە مەجلیس وەرەقی دیدە بشۆن
لەکن ئەو دێمییە وشکانە لە دەریا نییە باس

سەرچاوە: نالی

دەریای عومان

دەریایەکە لە ڕۆژەڵاتی نیمچە دورگەی عەرەب، لە باشووری ڕۆژاوایەوە وڵاتی (عومان) یش هەیە کە پایتەختەکەی شاری (مەسقەط) ە.

چاوی من دەم دەم دەڕێژێ ئاوی صاف و خوێنی گەش
دا بڵێن دەریای عومانە دوڕڕ و مەرجانی هەیە

سەرچاوە: نالی

زەبوون گیریی خوێنم

خوێنی بە داماوی و بێکەسی کوشتنم.

ئالوودە نەبێ دا، بە زەبوونگیریی خوێنم
بۆ کوشتنی من دامەنی پاکی لە کەمەر دا

سەرچاوە: نالی

زەمهەریر

شوێنێکی ئێجگار ساردە له جەهەننەمدا، پله ی سەرمای له ئاستی گەرمای ئاگرە کەیدایه.

فەصلی هاوینی جەهەننەم، فەصڵی ئیستای زەمهەریر
زەمهەریر کەی وا به تەئثیرە و، جەهەننەم وا به تاو؟!

سەرچاوە: نالی

سورین

سمت.

دندان گوهەر و لەب شەکەر و، پەنجە بلوورن
نازک بەدەن و، موو کەمەر و، سیم سرینن

سەرچاوە: نالی

سەرسەریی باز

ئەوەی خەریکی شتی هیچ و پووچ بێ. بازی بێ سەر و پێ و بێکارە.

ئەم سەرسەری بازانه کەوا هەمسەری بوومن
موشکیل، بگەنه ساعیدی شاهێکی وەکوو من

سەرچاوە: نالی

شاریح

لێکدەرەوە و یەکاڵاکەرەوە.

ئەم صاحێبی تەشریحە دەبێ هەیئەتی چا بێ
هەم شاریح و هەم جاریح و مووضییحە گوشا بێ

سەرچاوە: نالی

شکاریی

ڕاویی.

ئەی خەستەیی چاوت هەمو ئاهوویی تەتاریی!
وەی بەستەیی زوڵفت هەمو شێرانی شکاریی!

سەرچاوە: نالی

شیرین

مەعشووقەی فەرهاد و عاشیقەی خوسرەوی پەروێز.

لە دنیا جەننەتی باقی تەلاری شاهییە، ساقیی!
(حەبیبە) طوڕڕەیی طەوقی ملیی (شیرین) و (عەذرا) یە

سەرچاوە: نالی

شیرین قەلەم

قەوارە ڕێختە و ڕێکوپێک.

مل عەلەم، شیرین قەلەم، ئاهوو شکەم، مەیموون قەدەم
سم خڕ و کلک ئێستر و مەنزل بڕ و عارەق نەڕێژ

سەرچاوە: نالی

شیرینیی

سەرەڕای مەعنای خۆی ئیشارەتیشە بە شیرینی داستانی شیرین و فەرهاد.

لە شیرینیی ئەتۆ، ئەی خوسرەوی تەختی زەمین، ڕەنگە
بگاتە ئاسمانی بێستوون فەرهادی هاوارم

سەرچاوە: نالی

شیوەنم یەکجارییە

شیوەنی مەرگمە.

با ڕەفیقانم بکەن شینم کە وەقتی زارییە
قەط مەکەن تەقصیر لە گریان، شیوەنم یەگجارییە

سەرچاوە: نالی

شەوی قەدر و مەعاریج

شەوی ڕێزلێگرتن و سەرکەوتن بۆ ئاسمان.

جێ بازی مەقدەمی شەوی قەدر و مەعاریجی
سەربانی عەرش و کورسی یو جوبرەیلی شەهپەڕە

سەرچاوە: نالی

صاحێبی تەشریح

خاوەنی لێکۆڵینەوە و لێکدانەوە و یەکاڵاکردنەوە.

ئەم صاحێبی تەشریحە دەبێ هەیئەتی چا بێ
هەم شاریح و هەم جاریح و مووضییحە گوشا بێ

سەرچاوە: نالی

صوورەتی بەشەریی

وێنەی ئادەمیزاد.

بورهانە صورەتی بەشەریی چونکە نوورە، نوور
بێ ظیللە، ماسیوای بە دوو نیسبەت مووعەببەرە

سەرچاوە: نالی

صەریر

جیڕەجیڕ.

صەریری جونبوشی تەخت و مەحەففەی مەخمەڵیی سەوزی
دەڵێی تەسبیحی مورغانە، لەسەر تەختی سولەیمانە

سەرچاوە: نالی

طەریق

ڕێگا.

نەوای ئاهەنگی (قد قامت) طەریقی جەمعی زوههادە
قەد و قامەت بە لەهجەی ڕاستیی طووبایی عوششاقە

تۆڕی زاراوەپارێزیی وشەدان