وشەدان

سەرچاوە: نالی

خیابان

ئەو هێڵە سپییەی لەنێوان دوو نیوەی بەیتی قەسیدەدا ستوونیی دائەکشێ. هەروەها سپێتی نێوان دێڕێک و دێڕێک.

وەرە سەیری خیابان و بەیاضی دەفتەری نالیی
کە صەف صەف، مەصرەعی بەرجەستە، ڕیزی سەروی مەوزوونە

سەرچاوە: نالی

خیابان

شەقام.

شوتوربانا! ئەمە پەرژینی باغی ڕەوضەیە، یاخۆ
عەرار و عەرعەر و بانی خیابانی بیابانە؟!

سەرچاوە: نالی

خیرس

ورچ.

عەیب و لەعبی خەڵقی کرد تا یاری خستە داوی خۆی
خەصمه کەی من کەلبی ئاهوو گیرە، خیرسی لاعیبە

سەرچاوە: نالی

خیطاب

فەرموودە. له عیلمی نەحویشدا جۆرە ضەمیرێک و له عیلمی صەرفیشدا جۆرە فیعلێکیه.

حاضری ئەمر و خیطابه دڵ، ئەگەرچیی مەنهییە!
راجیعی تۆیە ضەمیری من، ئەگەر چیی غائیبه!

سەرچاوە: نالی

خیططە

پارچەی زەویی، ناوچە.

لەسایەی شەخصێکی هیممەت بڵند، ئاسوودەیە شارێ
بەڵێ خیططەی (سولەیمانیی) سەوادی ظیللی (کودروون) ە

سەرچاوە: نالی

خیطمیی

هێرۆ.

قەتاد و عەرفەج و خیطمیی و عەضات و عەوسەج و ئەثلی
چ دامەن گیر و شین و دڵنشینی ڕێی غەریبانە!

سەرچاوە: نالی

ئاخیر و ئەووەل

هەموو وەچەکانی ئادەمیزاد لە سەردەمی هاتنی پێغەمبەرەوە تا ڕۆژی قیامەت.

موحەممەد، ئەحمەدی مورسەل، مونیری مینبەر و، مەحفەل
بەشیری ئاخیر و ئەووەل، نەذیری خوێش و بێگانە

سەرچاوە: نالی

ئاخیرە

ڕۆژی قیامەت.

خەلعەتی تەشریفی هەرکەس بێ چییە، غەیری کەفەن!
هەر ئەوە هەم فاخیرە و بۆ ئاخیرە و یەکجارییە

سەرچاوە: نالی

ئاخیرەت

ئەو دنیا.

تا (سولەیمانان) نەبوونه صەدری تەختی ئاخیرەت،
(ئەحمەدی موختار) ی ئێمە شاهی تەخت ئارا نەبوو

سەرچاوە: نالی

تەسخیر

داگیرکردن و سەر پێ نەویی کردن. مەبەست لێرەدا داگیرکراوەکەیە.

(فاتیحە!) تەسخیرە شاری دڵ به طابووری ئەلەم
موددەتێکی زۆرە پاتەختە لەبۆ خاقانی غەم

سەرچاوە: نالی

تەسخیر

هێنانە ژێربار و ڕام کردن.

مومکین نییە جەلبی دڵی خووبان بە من و تۆ
نەمبیستووە تەسخیری مەلایەک بە مەلایێ

سەرچاوە: نالی

دۆزەخیی

جەهەننەمیی.

گەر ئاب و تابی جەننەتیی و دۆزەخیت دەوێ
بنواڕە نێو چەوانی بەشووش و برۆی عەبووس

سەرچاوە: نالی

دەخیل

پەنا هاوردوو.

قوربان! دەخیلی حەلقەیی شوبباکی ڕەوضەتم
سێ ئیلتیجام هەیە، کە لەگەڵ ئەو دووەم شەڕە

سەرچاوە: نالی

فاخیر

نایاب و گرانبە ه ا.

خەلعەتی تەشریفی هەرکەس بێ چییە، غەیری کەفەن!
هەر ئەوە هەم فاخیرە و بۆ ئاخیرە و یەکجارییە

سەرچاوە: نالی

نەخیل

دارخورما.

دەخیلت بم نەخیلی یا ڕوطابی
وەها شیرین و سینە نەرم و دڵ ڕەق!

سەرچاوە: نالی

نەفخی صوور

فووکردن بەو کەڕانایەدا کە مردووی پێ زیندوو ئەکرێتەوە لە ڕۆژی قیامەتدا.

لەم فەیضی نوورە هەرچی کەوا نارە مردووە
بەم نەفخی صوورە هەرچی کە خاکە ژیایەوە

سەرچاوە: نالی

پیاڵەی شۆخی مینا

ئەبێ مەبەست لێی ئاوێنەکەی جەمشید بێ کە ئەڵێن دنیای تیا دیوە.

لە بازاڕی مەحەببەتدا هەدییەی توحفەییی میران
لە بۆ خورشیدی تابانم پیاڵەی شۆخی مینایە

سەرچاوە: نالی

چەرخی ئەخضەر

ئاسمانی سەوز.

پەیغامبەر و حەبیبی خودا، (خاتَمُ الرَّسُل)
ڕەوضەی له ئەرض و سایە لەسەر چەرخی ئەخضەرە

سەرچاوە: نالی

چەرخی ئەطڵەس ڕەنگ

ئاسمانی شین.

کولاهی فەخر و تەعظیمم گەیشتە چەرخی ئەطلەس ڕەنگ
کە بیستم قەلبی میرانم لەسەر مەملووکی ئاغایە

سەرچاوە: نالی

چەرخی دەوران

ئاسمانەکان.

وەها هەستا بە باڵی جاذیبەی قودرەت، لە نیوەی ڕێ
بەجێما ئەسپ و پەیک و ڕەفڕەف و ئەم چەرخی دەورانە

تۆڕی زاراوەپارێزیی وشەدان