وشەدان

تۆڕی زاراوەپارێزیی وشەدان

X وشە

دەرئەنجام: 38

سەرچاوە: نالی

گڵ و بەرد

وادیارە مەبەست لێی ئەو گڵمتک و بەردانەیە کە سۆفی لەکاتی (خەتمە) دا لەجیاتی تەزبێح بەدەستیەوە ئەگرن.

لە خەڵوەت هاتەدەر صۆفیی، گڵ و بەردی بەسەرما دا
مەکەن مەنعی لەبەر خەڵوە، ئەویش تازە غوروورێکە

سەرچاوە: نالی

بێبەرگ و نەوا

ڕووت و لات و بێناز.

یا ڕەئسی یەتیمێکی کە بێ بەرگ و نەوا بێ
غەڵطان و سەراسیمە: نە داکێک و نە بابێ

سەرچاوە: نالی

مەحبەرە

دەوات، شووشەی مەرەکەب.

گریان هەمو و ڕەشاوە لەبەر ئاهی دوود ڕەنگ
موژگان بووە بە خامە و و، دیدە بە مەحبەرە

سەرچاوە: نالی

چەنبەرە

چەنبەرە، چەڵەمەی ملی گاجووت.

لە دەورانی طەبیعەتدا لەگەڵ ثەوری فەلەک جووتە
لە ملیا چەمبەری دەوران و طەوقی چەرخی گەردوونە

سەرچاوە: نالی

ئەبەر

بەر.

« نالیی » ئەو وەحشی غەزالە کەس ئەبەر داوی نەکەوت
چونکە شاهێنی دوو چاوی تیژە، دائیم سەر دەکا

سەرچاوە: نالی

باخەبەر

ئاگادار،

من مەتاعم جاوە، چاوم! باخەبەر بێ موشتەریی
تا غەزەل سەودا نەکا لای تاجری چیتی بەقەم

سەرچاوە: نالی

حەیی ئەکبەر

ئەوەی نامرێ و له هەموو کەسێ له هەموو شتێ گەورەترە، خودا.

ئەو سێبەرە که مەظهەری حوببی خوادییه
کەنزی موطەلسەمی نەظەری حەییی ئەکبەرە

سەرچاوە: نالی

خەبەر

دەنگوباس،

وصفی ڕوخساری له فیکری بەنی ئادەم بە دەرە
ئیبتدای مەدحی دەمی وەک خەبەری بێ ئەثەرە

سەرچاوە: نالی

خەبەر بێ ئەثەر

دەنگ وباسی بێ سەر و شوێن.

« نالیی » خەبەری بێ ئەثەری غائیبە، ئەمما
ناڵێکی حەزین دێ لە موناجاتی سەحەردا

سەرچاوە: نالی

زەبەر

سەر.

زێر و زەبەر دەبن بە دو فیرقە، لە فیرقەتەین
واوەیل و ئیمتیازە کە کێ بێنە کێ بەرە

سەرچاوە: نالی

عەنبەر

شتێکی بۆنخۆشە، ڕەنگی وەک ڕەنگی گڵ وایە له گەدە یا له ڕیخۆڵه ی جۆرە ماسییەکی دەرئەهێنن.

طەیبه که یەعنی ڕۆژ و شەوی طیبی عالەمه
ڕۆژی که وشکه، شەو تەڕە، کافوور و عەنبەرە

سەرچاوە: نالی

عەنبەر ئەفشانی

عەنبەر بڵاو کردنەوە، کینایەیە لە قسەی نەستەق و شیعری نایاب وتن.

بولبولی طەبعم ئەوا دیسان ثەنا خوانی دەکا
نوکتە سەنجی و بەذلەگۆیی و عەنبەر ئەفشانی دەکا

سەرچاوە: نالی

موعەببەر

تەعبیر لێ دراوە، ڕوون کراوە.

بورهانە صورەتی بەشەریی چونکە نوورە، نوور
بێ ظیللە، ماسیوای بە دوو نیسبەت مووعەببەرە

سەرچاوە: نالی

مینبەر

ئەو شوێنەی مزگەوت کە خوتبە خوێن تیا ئەوەستێ بۆ خوتبە خوێندنەوە.

موحەممەد، ئەحمەدی مورسەل، مونیری مینبەر و، مەحفەل
بەشیری ئاخیر و ئەووەل، نەذیری خوێش و بێگانە

سەرچاوە: نالی

مەعبەر

شوێنی پەڕینەوە.

ئیمدادی فەتحی بابی زوبانم بە فەضڵی تۆ
زوو بێ، کە ئەووەلین گوزەری پرد و مەعبەرە

سەرچاوە: نالی

نارەبەر

ئەوەی بەرەکەی هەنار بێ.

وەک گوڵی ئاتەشیی، خەمڵیوە بە بەرگی چەمەنیی
قامەتی نارەبەرە، ناروەرە، نارەوەنە

سەرچاوە: نالی

نەوبەر

تازە بەرگرتوو.

نەخلی باڵات نەوبەرە، تازە شکۆفەی کردووە
تۆ کە بۆی شیرت لە دەم دێ، ئەم مەمەت کەی کردووە!

سەرچاوە: نالی

پەیغامبەر

پەیامبەر، پێغەمبەر.

پەیغامبەر و حەبیبی خودا، (خاتَمُ الرَّسُل)
ڕەوضەی له ئەرض و سایە لەسەر چەرخی ئەخضەرە

1 2