وشەدان

تۆڕی زاراوەپارێزیی وشەدان

X وشە

دەرئەنجام: 179

سەرچاوە: نالی

ئاوسن بە با

بای داراوس کە لە دواڕۆژەکانی زستانا ئەوەزێ و درەختی پێئەگەشێتەوە و ئەوەندەی پێناچێ گۆپکە و گەڵا ئەکا.

کانیی دەزێن بە ئاو و درەخت ئاوسن بە با
شاییی بەهارە، بولبولە داماد و غونچە بووک

سەرچاوە: نالی

بە بەرگ و بار

پۆشتە و پەرداخ.

ئێستەش بە بەرگ و بارە عەلەمداری (شێخ هەباس) ،
یا بێ نەواوو بەرگە گەڕاوە بە شەخسی عوور؟!

سەرچاوە: نالی

بە جان

بە گیان.

وەرە قوربان! بە جان هەردوو برا بین
کە تۆ بێ مادەر و من بێ پودەر مام

سەرچاوە: نالی

بە داوە

داوی بەدەمەوەیە، فێڵبازە.

بە داوە، کرژ و خاوە، یەعنی ئاڵۆزاوە زولفەینی
دوو تاوە، دوو سیان و شێوەکەی شێواوە زولفەینی

سەرچاوە: نالی

بە قەد

ئەوەندەی.

لەم پارچەڵۆکە هەورە بە قەد ڕووی هەموو زەمین
بەم ڕایەڵە قەدیفەیی سەوزی عەجەب تەنیی

سەرچاوە: نالی

بە پایە

بەپێوەیە. عام

دیوانی گەرمی باری خودایە، بە پایە عام
ئیصغایی خەڵقە، ساعەتێکی عەرضی مەحضەرە

سەرچاوە: نالی

دەزێن بە ئاو

بەهاران کە کانیی ئەتەقێ و ئاوێکی ئێجگار لە جاران زۆرتری پیادێ.

کانیی دەزێن بە ئاو و درەخت ئاوسن بە با
شاییی بەهارە، بولبولە داماد و غونچە بووک

سەرچاوە: نالی

بەحری موحیط

دەریای بەرین و بێ سنوور، ئوقیانووس.

چاوی من بەحری موحیطی تۆیە بۆ دەفعی گەزەند
لێت موعەییەن بێ کە « نالیی » گوڵ بە دڵ پەرژین دەکا

سەرچاوە: نالی

جان بەر لەب

ئەوەی گیانی گەیشتبێتە سەر لێوی واتە وەخت بێ گیانی دەرچێ.

جان بەر لەبی بۆسەی لەبتە عاشقی زارت
« فالبائس یستوهب من فیک معاشا »

سەرچاوە: نالی

ئاهوویی بەڕ

وەک ئاسک لە بڕینی تەختاندا.

کەللە وەک جەڕڕەی شەرابی پڕ نیشاط و تەڕ دەماغ
شێری نەڕ، ئاهوویی بەڕ، گورگی سەفەر، قەمچیی نەچێژ

سەرچاوە: نالی

ئاوی بەقا

ئەو کانییەی ئەڵێن هەر کەس لێی بخواتەوە نامرێ.

لێوی تۆ ئاوی بەقا، من خضرم
فەیضی تۆ ڕەحمەت و من سەوزە گیا

سەرچاوە: نالی

بگرە بەردە

بگرە و بەردە، گێرە و کێشە.

دیسان لە بگرە بەردەیی گوڵچین و باغەبان
بولبول کەناری گرت و دڵی غونچە ڕاچنیی

سەرچاوە: نالی

بگرە و بەردە

کینایەیە لە هەرا و ئاژاوە و ئاگا نەبوونی کەس لە کەس.

سێمینە ئیلتیجام دەڵێم ئەی غەوثی عاصییان
هاواری بگرە بەردەیی ئاشووبی مەحشەرە

سەرچاوە: نالی

بێ بەدەڵ

ئەوەی ئەوەندە بەنرخ بێ شتێ نەبێ بۆ ئەوە بشێ لەبریتیی ئەوا بدرێ.

بێتە حوجرەم، پارچە پارچەی موسوەدەم بکڕێ بە ڕۆح،
هەر کەسێ کووتاڵ و پارچەی بێ بەدەڵ سەودا دەکا

سەرچاوە: نالی

بەحری فیرعەون

ئەو بەحرەی حەزرەتی مووسا و پەیڕەوەکانی لێی پەڕینەوە و فیرعەون و کۆمەڵەکەشی دوایان کەوتن و نیشتنه مل ئاو و خودا نوقمی کردن و خنکاندنی. ئاتەشی طوور

بەناری عیشق و ئاوی دڵ، جەسەد وەک حەضرەتی مووسا
طەریقی: بەحری فیرعەون و، ڕەفیقی: ئاتەشی طوورە

سەرچاوە: نالی

بەحری موحیط

دەریای گەورەی بێ پایان، کە دەوری زەویی دابێ، ئوقیانووس.

فەضا بەحری موحیط و وشتری تێدا سەفینەی بەڕ
سەرابی میثلی نیل و دیجلە و جەیحوون و عوممانە

سەرچاوە: نالی

بەحرەین

گەورەترین دوڕگەکانی وڵاتی بەحرەینە کە لە ٣٣ دوڕگە پێکهاتووە لەناو کەنداوی عەرەبدا.

گوێت لە ئاوازی سوروشکی من گرانی گوارەیە
غافڵی لەم دوڕڕی بەحرەین و عەقیقی کانییە

سەرچاوە: نالی

بەخشان

بەخشینەوە.

له بۆ خەڵقیی خەڵات بەخشانی ماچە
خەڵاتی من هەموو خۆ جوێنه، قوربان!

سەرچاوە: نالی

بەد ئەختەر

بەد ئەستێرە، چارەشووم.

حیفظت شەبان و ، ئێمە ڕەمە و، ئەو لەعینە گورگ
ئەم نەفسە گورگە مێشە لەگەڵ ئەو بەد ئەختەرە،

سەرچاوە: نالی

بەدء

سەرەتا. مەبەست سەرەتای دروستبوونی بنیادەمە کە هێشتا زۆر بچکۆلەیە.

دەلیلی ڕۆشنە بۆ بەدء و عەود و کورتییی عومر
تەنی هیلال کە بە طەلعەت جوان، بە خەلعەت پیر

سەرچاوە: نالی

بەداو

سەر بە گۆبەند و دەم بە بیانوو.

زوڵفت بە قەدتدا کە پەرێشان و بڵاوە،
ئەمڕۆ لە منی شیفتە ئاڵۆز و بە داوە

سەرچاوە: نالی

بەدر

غەزای بەدر.

لە نووری موعجیزەی تیغی نەما قەت ظوڵمەتی شوبهەت
کە ڕووناکی شەوی میعراجی، ڕۆژی بەدری بورهانە

سەرچاوە: نالی

بەدر

مانگی چواردە.

لە خەوف و خەجڵەتی، بەدری شەهی ئەنجوم سوپەهـ ئێستەیش
کە هەڵدێ، زەردیی و سووریی لە طەلعەتیا نومایانە

سەرچاوە: نالی

بەدری دوجا

مانگی چواردە کە شەوی تاریک ڕووناک ئەکاتەوە.

بە فەرموودەی خودا فەرمووی: بفەرموو! هەستە هەر ئیستە
لەجێی بەدری دوجا و دوڕڕی یەکتا، دوڕڕی یەکدانە

سەرچاوە: نالی

بەذلە گۆیی

قسەی خۆش کردن.

بولبولی طەبعم ئەوا دیسان ثەنا خوانی دەکا
نوکتە سەنجی و بەذلەگۆیی و عەنبەر ئەفشانی دەکا

سەرچاوە: نالی

بەرات

خەڵات.

ئەی مەطڵەعی ئەنواری هەموو قاصیی و دانیی ،، شەمسی صەمەدانیی
وەک ذەڕڕەیی بێ جیلوە نە مەوجوود و نە مەعدووم ،، جۆیایی بەراتم

سەرچاوە: نالی

بەرباد

فەوتاو،

کە خاکی، خاکی دامەن بە، وەگەر نە، تۆزی بەربادی
کە ئاوی، ئاوی گەوهەر بە، وەگەر نە، بڵقی سەر ئاوی

1 2 3 4 5 6 7