وشەدان

سەرچاوە: نالی

بار

ئەو توێژەی بەسەر لێوی وشکەوە پەیدا ئەبێ. باری هەڵگرتن.

هەرچەندە گوناهی دەمەکەت بارە لەسەر لێو
حەددی چییە « نالیی » کە بڵێ ماچە کەفارەت؟!

سەرچاوە: نالی

بار

توێژێکە لە لێوی نەخۆش و تینوو ئەنیشێ.

لەعلی شەککەرباری تۆ تێراوە، شەککەر باریە
لێوی میحنەتباری من بێ ئاوە، باری گرتووە

سەرچاوە: نالی

بە بەرگ و بار

پۆشتە و پەرداخ.

ئێستەش بە بەرگ و بارە عەلەمداری (شێخ هەباس) ،
یا بێ نەواوو بەرگە گەڕاوە بە شەخسی عوور؟!

سەرچاوە: نالی

باراو

دێیەکە لە ناوچەی چوارتا لە هەرێمی شارباژێر.

کە جێگەت بۆ عیبادەت بێ، چ فەوقانیی، چ تەحتانیی
کە حوببت بۆ سیادەت بێ، چ (بەرزنجیی) ، چ (باراویی)

سەرچاوە: نالی

باراویی

سەیدی باراویی.

کە جێگەت بۆ عیبادەت بێ، چ فەوقانیی، چ تەحتانیی
کە حوببت بۆ سیادەت بێ، چ (بەرزنجیی) ، چ (باراویی)

سەرچاوە: نالی

بارش

بارین.

شەرەر و تابش و بارش لە دەمی ڕەعدی بەهار
ئەثەری سۆزشی گریانە لە ئەفغانمدا

سەرچاوە: نالی

باری خودایا

خودای باریی، خودای دروستکەری دنیا! سەبەبکار

دووری له من خستەوە بێ سەبەبێ یاری من
باری خودایا که تۆ، بگری سەبەبکاری من!

سەرچاوە: نالی

بارید

سارد.

ئەی واعیظی بارید چییە هەروەک هەرەسی کێو
بەو وەعظە کە بایە هەمو، هاتوویی بەسەرما؟!

سەرچاوە: نالی

باریق

تیژ وەک برووسکە.

کە مەدعووی لازەمان و لامەکان و قوربی بێچوونی
سوار بە لەم بوراقە باریقە، لەم ڕەخشە ڕەخشانە

سەرچاوە: نالی

باریی

خوا.

شەعائیر یەک بەیەک مەسرووری سیڕڕی غەیبی لاڕەیبیی
مەساعیی سەربەسەر مەشکووری دەرکی بەیتی باریی بێ!

سەرچاوە: نالی

بارێ

کەڕەتێک.

سەر خاتیمەیی حوسنی عیادەت کە نەهاتی
بارێ بگەرە فاتیحەوو دەئبی زیارەت!

سەرچاوە: نالی

بارەوەر

بارەبەر، بار هەڵگر.

زوڵف ئەگەر دووکه ڵه، دووکەڵ بەری گوڵناری نییە!
سەروە گەر قامه تی، کەی سەروی ڕەوان بارەوەرە؟!

سەرچاوە: نالی

ئەنباریی

نیشتەجێی عەمار.

قوش قوشی ڕاویی نەبێ، مورغی کولانە و ئاخوڕە
سەگ سەگی تازیی نەبێ، کادینیی و ئەنبارییە

سەرچاوە: نالی

یەکبارە

بەیەکجاریی.

به حەسرەت عومری من یەکبارە فەوتا
مەگەر عومرێ دوبارەم پێ عەطا کەی

سەرچاوە: نالی

شەککەربار

شەکر هەڵگر. شەکر بارێن، مەبەست شیرینە.

طەبعی شەککەرباری من، کوردی ئەگەر ئینشا دەکا،
ئیمتیحانی خۆیە مەقصوودی، لە (عمدا) وا دەکا

سەرچاوە: نالی

ئیعتیبار

پەند وەرگرتن.

ئەی دڵ! خەراجی حاصڵی ظوڵماتی بەحر و بەڕ
میراتی ئیعتیبارە لە فورزەندی فەیلەقووس

سەرچاوە: نالی

ئەشکبار

فرمێسکاویی.

بە کوێریی دوور لە (نووریی) مایەوە « نالیی » لەمێ، یاڕەب!
فویووضی تۆزی ڕێگەی کوحلی چاوی ئەشکباری بێ!

سەرچاوە: نالی

ئەنبار

عەمار.

لامەدە « نالیی » لە ئەنباری جیرایەی صاڵحان
گەرچی ببیە خۆشەچینی دانەیی خەرمانی ڕۆم

سەرچاوە: نالی

ئەوبار

جەمعی وەبەره واتە کورگ.

صۆفیی کە گرانبارە، بێ مەغز و سەبوکبارە
صووفپۆشێ غەمی بارە، ئەو باری لەکن پەشمە

سەرچاوە: نالی

بوردەبار

باربردوو، خۆڕاگرتوو.

قانیعی بابی ڕەضا و ڕاضی بە پووش و دڕک و داڵ
سالیکی صەبر و تەحەممول، بوردەبار و هیچ نەوێژ

سەرچاوە: نالی

جاروبار. لەبالەب

جێی دەم دەمە، جێی لەب لەبە، ساقی وەرە ئیمشەب
هەم ماچی دەمادەم بدە، هەم جامی لەبالەب

سەرچاوە: نالی

جۆبار

جۆگە.

خاکی میزاجی عەنبەر و داری ڕەواجی عوود
بەردی خەراجی گەوهەر و جۆباری عەینی نوور

سەرچاوە: نالی

سەبوکبار

بار سووک. کینایەیە لە بنیادەمی بۆش و هیچ و پووچ کە شتێک نەبێ مێشکی پێوە خەریک بکا.

صۆفیی کە گرانبارە، بێ مەغز و سەبوکبارە
صووفپۆشێ غەمی بارە، ئەو باری لەکن پەشمە

سەرچاوە: نالی

غوبار

تۆز.

غوباری ئەو شەو و ڕۆژەن ڕدێنی ماش و برنج
کە تێکەڵن شەبەهی صوبح و شام و شیر و قیر

سەرچاوە: نالی

هەستەبار

ئەوەی بوونی بار بێ بەسەر شانی کەسێکەوە. ئەشگونجێ (هەستە) بەتەنها خۆی فیعلی ئەمر بێ.

چونکە « نالیی »! لەسەر ئەم ئەرضە غەریبی وەطەنی
هەستە باری مەدەنیی بە، مەدەنیی بە، مەدەنیی

سەرچاوە: نالی

ڕووبار

چەم.

له حەسرەت سەروی قەددت چاوی « نالیی »
دو جۆگه، بەڵکوو دوو ڕووبارە بێ تۆ

سەرچاوە: نالی

ڕوودبار

چەم. ناوی دێیەکە لە هەورامانی بەری ئێران، خەڵکیی پێی ئەڵێن (ڕووار).

لە چاوی (ڕوودبار) م (نووری) دیتن وەقتە تاریی بێ
ئەمیش با ماجەرای هیجرانی (نووریی ڕوودباریی) بێ!

سەرچاوە: نالی

گرانبار

ئەوەی باری گرانی لەسەر شان بێ. باری قورس

ئەی نەفسی مورائیی چ گران باری، تەکالیف
بۆ خەلقی دەکێشی.. دە هەڕۆ ڕیش و جەدەو بە

تۆڕی زاراوەپارێزیی وشەدان