وشەدان

سەرچاوە: نالی

ئازانە

ئازایانە.

ئەلا ئەی نەفسی بوومئاسا، هەتا کەی حیرصی وێرانە!
لەگەڵ ئەم عەشقبازانە بڕۆ بازانە، ئازانە!

سەرچاوە: نالی

بازا

باز ئا، وەرەوە. وشەکە لەبنەڕەتا فارسییە.

ڕوخم ڕەنگینی ڕەنگی ڕوومەتی ڕەنگینتە، بازا !
قەدی سەروم کەمانینی قەدی شیرینتە، بازا!

سەرچاوە: نالی

بازانە

وەک باز.

ئەلا ئەی نەفسی بوومئاسا، هەتا کەی حیرصی وێرانە!
لەگەڵ ئەم عەشقبازانە بڕۆ بازانە، ئازانە!

سەرچاوە: نالی

بازوو

قۆڵ.

خڵخاڵی قەدم، وەک خەمی زولفەینی سەراپات،
پشتانی قەدت بێت و فیدای بازنی بازووت

سەرچاوە: نالی

بازی سپیی

جۆرە بازێکی بەنرخە.

سایەیی پایە وەکوو باڵی هوما و بازی سپیم
نە وەکو بوومی قەدەم شووم و نە هەمڕەنگی قەلم

سەرچاوە: نالی

بنازم

نازیی پێوە بکەم.

بنازم دلبەری خۆم چەندە پڕ وەصف و چ بێ عەیبە:
بە چاو مەست و، بە دڵ هوشیار، بە ئەبرۆ و جووت و هەم تاقە!

سەرچاوە: نالی

تازیی

تانجیی، سەگی ڕاو، بنووڕم جۆرە دەنگێکی سەگە وەک لوورە و قووزه، له کاتی هەست به بێ دەسەڵاتیی و بێ چارەییدا لێیەوە دەرئەچێ.

چ خۆشە من وەکو تازیی بنووڕم
ئەتۆش هەر وەک غەزاله ی بەڕ هەڕا کەی!

سەرچاوە: نالی

تازە جەوان

جوانی لە تافی لاوێتیدا.

ئەی تازە جەوان! پیرم و ئوفتادەوو کەوتووم ،، تا ماوە حەیاتم
دەستێ بدەرە دەستی شکستەم، کە بەسەرچووم ،، قوربانی وەفاتم

سەرچاوە: نالی

دەسرازە

دوو پارچە قوماشی بەر و پشتدارە، لۆکەی تێ خراوە و پەتێکی هۆنراوەی ڕەنگاوڕەنگی پێوەیە، مناڵی ناو بێشکه ی پێ ئەپێچرێتەوە، پارچە قوماشەکان بەسەر سنگ و سک و قاچی مناڵەکەدا دێنەوە و، پەتەکەش بەسەر ناوی بێشکەکە و غەوارەکەی نێوان کەللەکانیا.

دوودی سەر میچی گوڵەنگی لەتلەتی دەسرازە کۆن
بان و دیواری به میثلی لانکەی ئەجزا شکاو

سەرچاوە: نالی

سەودازەدە

ئەوەی دەردی عەشق لێی دابێ.

سەودازەدەکەی زوڵفت، ئەزهاری لەکن پەشمە
دوور لەو گوڵە بێ خارە، گوڵزاری لەکن پەشمە

سەرچاوە: نالی

ضەربی لازیب

لێدانی وا کە بە بنیادەمەوە بنووسێ و لێی نەبێتەوە.

من لە طەوری عالەم و دەوری فەلەک
ضەربی لازیب، زەخمی بێ مەرهەم دەخۆم

سەرچاوە: نالی

عیشقی مەجازی

لای ئەهلی دڵ عیشق دوو جۆرە، عیشقی حەقیقی کە عیشقی خوایە و عیشقی مەجازی کە عیشقی جینسییە.

عیشقت، کە مەجازی بێ، خواهیش مەکە ئیللا کچ
شیرین کچ و لەیلا کچ و سەلما کچ و عەذرا کچ

سەرچاوە: نالی

لازەمان

ئەوەی لە کاتا نییە. کینایەیە لە خوا.

کە مەدعووی لازەمان و لامەکان و قوربی بێچوونی
سوار بە لەم بوراقە باریقە، لەم ڕەخشە ڕەخشانە

سەرچاوە: نالی

مولازیم

هاوسەر.

ئەلیف نەکیرەوو بێگانە، نایەتە تەعریف
عەلەم موشابیهی غەیر و مولازیمی تەنکیر

سەرچاوە: نالی

ئاغاز

سەرەتا.

لەذذەتی دنیا که هیچ و پووچە لای ئەهلی ئەدەب
ئەووەڵ و ئاغازی جەور و دەردە، ئەنجامی ستەم

سەرچاوە: نالی

ئیمتیاز

جیاوازیی.

زێر و زەبەر دەبن بە دو فیرقە، لە فیرقەتەین
واوەیل و ئیمتیازە کە کێ بێنە کێ بەرە

سەرچاوە: نالی

باز

یاخود سێ باز , یارییەکە جاران فەقێ، بەهاران و پایزان، بە ڕۆژانی سێشەممە و جومعەدا ئەیانکرد. یارییەکە بەم جۆرەیە

ئێستەش کەناری حەوشەکە جێی باز و کەوشەکە،
یاریی تیایە، یا بووەتە مەعرەضی نوفوور؟

سەرچاوە: نالی

بەردەباز

ئەو بەردەی له بوارا له ناو چەم و ڕووباری بچووکدا دائەنرێ و خەڵکی بەسەریا ئەپەڕنەوە.

سەر بەردەبازی ڕێتە، تەن تەختەبەندی جێتە
دڵ مەیلی خاکی پێتە، ڕۆح ماڵی خۆتە، بیبە

سەرچاوە: نالی

جانباز

ئەوەی گیانی خۆی ئەخاتە مەترسییەوە و مل ئەنێ و گوێ بە مەترسی نادا.

بەڵێ بەم ڕێگەدا جەممازە جانبازە کە ڕۆژ و شەو
دەکا سەیر و سولووکی دائیمەن سەرخۆش و مەستانە

سەرچاوە: نالی

جەمماز

وشتری تیژڕەو.

بەڵێ بەم ڕێگەدا جەممازە جانبازە کە ڕۆژ و شەو
دەکا سەیر و سولووکی دائیمەن سەرخۆش و مەستانە

سەرچاوە: نالی

حیجاز

وڵاتی حیجاز. ئاوازێکی مۆسیقایە.

طالیبی ڕاهی (حیجاز) م، لە (موخالیف) هەڵدەن
بێ (نەوا) قەلبی حەزینم قەوەتی بەندی نییە

سەرچاوە: نالی

دڵنەواز

ئەوەی دڵی خەڵک بداتەوە.

شاهێنی دیدەبازە، مەستی شەرابی نازه
دڵدار و دڵنەوازە، دڵکێش و دڵفریبه

سەرچاوە: نالی

دیدە باز

چاو کراوە.

لێم حەرامە دانەوو ئاوی حەماماتی حەرەم
من کە بازی دیدە بازم نەک شەوارەی دەستەمۆم

سەرچاوە: نالی

دیدەباز

چاوکراوە و وریا، یان چاو وەک چاوی باز.

شاهێنی دیدەبازە، مەستی شەرابی نازه
دڵدار و دڵنەوازە، دڵکێش و دڵفریبه

سەرچاوە: نالی

سەرسەریی باز

ئەوەی خەریکی شتی هیچ و پووچ بێ. بازی بێ سەر و پێ و بێکارە.

ئەم سەرسەری بازانه کەوا هەمسەری بوومن
موشکیل، بگەنه ساعیدی شاهێکی وەکوو من

سەرچاوە: نالی

فەییاز

باران ڕێژ، بەرەکەت بەخش.

فە ییاضی ڕیازی گوڵ و میهر و مل و لەعلی
ئەی شەوقی ڕوخ و ذەوقی لەبت ذائیقە بەخشا

سەرچاوە: نالی

مومتاز

هەڵاوێردە. خاصصە. تایبەتیی.

ئەم طاقمه مومتازە کەوا خاصصەیی شاه ن
ئاشووبی دڵی مەملەکەت و قەلبی سوپاهن

سەرچاوە: نالی

مەجاز

ئەو وشەیەی لە غەیری مەعنای ڕاستەقینەیدا بەکارهێنرابێ بەمەرجی بوونی پەیوەندییەک لەنێوان مەعنا ڕاستەقینەکە و مەعنا مەجازییەکەدا.

ظاهیر و باطین، لەسەر لەوحی حەقیقەت یا مەجاز
ئاشنای سیڕڕی قەڵەم بێ، غەیری « نالیی » کەس نەما

سەرچاوە: نالی

نەظەر باز

چاوکراوە. عادەت وایە باز بەرلەوەی بەری دەن بەدوای نێچیرا چاوی ئەبەستن و لەکاتی بەردانیا چاوی ئەکەنەوە.

گەر بازی نەظەر بازی، لەم دەست و نیگارەت چیی!
بۆ یاریی و دەسبازیی، لەم ڕاو و دیارەت چیی!

سەرچاوە: نالی

هەوراز

بەرەو ژوورە.

هەی کەرێکم بوو، چ پەیکەر؟ طەیکەری هەوراز و لێژ
سینە پان و مووچە کورت و شانە بەرز و گوێ درێژ

سەرچاوە: نالی

ڕاز

قسه. ئام

ئەفرادی مورسەلين هەموو یەک ڕازه، ئام کەلام
لەم جێگەدا بزانه موقەددەم موئەخخەره

سەرچاوە: نالی

ڕیاز

جەمعی ڕەوزەیە، واتە باخچە.

فە ییاضی ڕیازی گوڵ و میهر و مل و لەعلی
ئەی شەوقی ڕوخ و ذەوقی لەبت ذائیقە بەخشا

سەرچاوە: نالی

گرانناز

ئەوەی نازی بە گران بکەوێتە سەر خەڵک.

ئەی شۆخی بێ نیاز و گرانناز و غەمزە سووک!
تیری موژەت نیشانەیی دڵ کون دەکا بە نووک

سەرچاوە: نالی

یەککە تاز

بەتەنها غارکەر، واتە لە هەموان پێشکەوتوو.

بن زک و جەبهەت سپیی، کلک ئێستر و دامەن سیا
یەککە تاز و سێ بڕ و، دوو باد و شەش دانگ و درێژ

تۆڕی زاراوەپارێزیی وشەدان