وشەدان

سەرچاوە: نالی

نەفسی ئەممارە

دەروونی فەرماندەر بە خراپەکردن.

موطمەئین خاطر و ئەیمەن مەبە هەرگیر لە شەڕی
نەفسی ئەممارە، کە ئەم مارە لەگەڵ تۆ شەڕییە

سەرچاوە: نالی

هارووت و مارووت

دوو فریشتە بوون، ناو و باسیان له قورئانیشدا هاتووە، خەڵکیان فێری سیحر کردووە، پاشان خوا غەزەبی لێ گرتوون له بیرێکا له (بابل) سەرەو خوار هەڵیواسیون و تا ڕۆژی قیامه ت هەروا ئەمێننەوە و هەمیشە تینوویانه، بەڵام هەرچی ئەکه ن دەمیان ناگاتە ئاوی بنی بیرەکە..

ڕەقیب و موددەعی فیتنه و عیلاقەی چاوی جادووتن
له گۆشەی گۆشەوارەت نائیبی هارووت و مارووتن

سەرچاوە: نالی

پارچەڵۆک

پارچەی بچووک.

لەم پارچەڵۆکە هەورە بە قەد ڕووی هەموو زەمین
بەم ڕایەڵە قەدیفەیی سەوزی عەجەب تەنیی

سەرچاوە: نالی

پارێک

پارەیەک.

بە پارێک نامەوێ دەرمان، لە نەشئەی چاوییە عیللەت
بە پوولێک ناکڕم عەنبەر، لەگەڵ زوڵفی ئەوە سەودا

سەرچاوە: نالی

پاساران

پەنا گوێسەوانە.

فەرقی کۆساران لە پاساران دەفەرمووی وەک چییە؟
وەک عەزیزیی باز و وەک بێحورمەتیی پاسارییە

سەرچاوە: نالی

پاساریی

چۆلەکە پاساریی.

فەرقی کۆساران لە پاساران دەفەرمووی وەک چییە؟
وەک عەزیزیی باز و وەک بێحورمەتیی پاسارییە

سەرچاوە: نالی

چەمەن ئارا

چیمەن ڕازێنەوە،

تا نەگریا ئاسمان و تەم وڵاتی دانەگرت،
گوڵ چەمەن ئارا نەبوو، هەم لێوی غونچە وا نەبوو

سەرچاوە: نالی

ڕوخسارە

ڕوخسار، ڕوو. ڕوومەت.

تیژاوی سوروشکم وەکو ئیکسیری سوهەیلە
ڕوخسارەیی زەردم وەکوو ئەوراقی خەزانە

سەرچاوە: نالی

کەفارەت

ئەوەی گوناە یا شتێکی ماددی دابشوا.

هەرچەندە گوناهی دەمەکەت بارە لەسەر لێو
حەددی چییە « نالیی » کە بڵێ ماچە کەفارەت؟!

سەرچاوە: نالی

کەنارە

قەراخ، لێوار.

وا خوانی کەناری من بۆ نوقڵی دەم و ماچە
ئەی لووتەخۆری تەکیە، سا تۆ لە کەنارت چی!

سەرچاوە: نالی

گوڵزاران

باخچەکان،

وەرە نێو بەزمی گوڵزاران و گوڵ زاران، تەماشاکه:
سەراسەر پێکه نینی گوڵ، لەبالەب غونچە پشکووتن

سەرچاوە: نالی

گوڵزاران

ئەوانه ی دەمیان وەک گوڵ جوان و بۆنخۆش و نازدارە،

وەرە نێو بەزمی گوڵزاران و گوڵ زاران، تەماشاکه:
سەراسەر پێکه نینی گوڵ، لەبالەب غونچە پشکووتن

سەرچاوە: نالی

یاری غار

هاوڕێی ئەشکەوت. ئیشارەتە بۆ حەزرەتی ئەبووبەکر.

ئەگەر خەڵوەت نشین بێ، (جانی جانان) بێ ئەنیسی ئەو
وەگەر هیجرەتگوزین، ڕۆحی (عەزیزان) یاری غاری بێ!

سەرچاوە: نالی

یاریی

یارمەتیی دانی.

سەهمی نیگەهت خستمی، هەستامەوە ڕاکەم
ئەگریجەوو زوڵفت بە جەفا هاتنە یاریی

سەرچاوە: نالی

یاریی

دۆستایەتیی، یاریی کردن.

شوکر « نالیی » سەری خەصمت وەکو گۆ
بە خواریی، نەک بە یاریی، کەوتە بەر شەق

سەرچاوە: نالی

یەکبارە

بەیەکجاریی.

به حەسرەت عومری من یەکبارە فەوتا
مەگەر عومرێ دوبارەم پێ عەطا کەی

سەرچاوە: نالی

تار

تاڵ.

خاڵی نییە « نالیی » دڵەکەت ساتێ لە هیجران
تا تاری وجوودت نەپسێنێ مەلەکولمووت

سەرچاوە: نالی

خڕیدار

کڕیار.

گەر ئەشرەف و مەحبووبە، یووسف کوڕی یەعقووبە
کچ بوو بە خڕیداری یەعنی کە زولەیخا کچ

سەرچاوە: نالی

زار

لاواز , دەم.

زارم وەکو هیلال و نەحیفم وەکو خەیاڵ!
ئایا دەکەومە زار و بەدڵدا دەکەم خوطوور؟!

سەرچاوە: نالی

شەککەربار

شەکر هەڵگر. شەکر بارێن، مەبەست شیرینە.

طەبعی شەککەرباری من، کوردی ئەگەر ئینشا دەکا،
ئیمتیحانی خۆیە مەقصوودی، لە (عمدا) وا دەکا

سەرچاوە: نالی

ئابشار

تاڤگە.

بێ مەحابا ئاو دەڕێژێ گەهـ بە فەور و گەهـ بە دەور
چاوی من موددێکە شێوەی ئابشاری گرتووە

سەرچاوە: نالی

ئاشکار

دیاری.

نەظمی « نالیی » میثلی ئاو و ئاوێنە ڕەنگی نییە
دوو ڕووە بۆ سەیری خاطر: یەک خەفی و یەک ئاشکار

سەرچاوە: نالی

ئیعتیبار

پەند وەرگرتن.

ئەی دڵ! خەراجی حاصڵی ظوڵماتی بەحر و بەڕ
میراتی ئیعتیبارە لە فورزەندی فەیلەقووس

سەرچاوە: نالی

ئینتیظار

چاوەڕوانی.

کە تۆ هاتی لە نەومیدیی نەما باس
لە هیجر و ئینتیظار ئیدی نەما باس

سەرچاوە: نالی

ئەدوار

جەمعی دەورە واتە چەرخی گەردوون.

چەن واسیمە ئەم ذیهنە، ئەفلاکی تیا ڕەهنە
ئەجبالی لە لا عیهنە، ئەدواری لەکن پەشمە

سەرچاوە: نالی

ئەزهار

جەمعی زەهرە وات گوڵ.

سەودازەدەکەی زوڵفت، ئەزهاری لەکن پەشمە
دوور لەو گوڵە بێ خارە، گوڵزاری لەکن پەشمە

سەرچاوە: نالی

ئەشعار

جەمعی شیعرە.

« نالیی » کە قەدەحنۆشە، مەستانە و سەرخۆشە
خامۆش و نمەدپۆشە، ئەشعاری لەکن پەشمە

سەرچاوە: نالی

ئەشکبار

فرمێسکاویی.

بە کوێریی دوور لە (نووریی) مایەوە « نالیی » لەمێ، یاڕەب!
فویووضی تۆزی ڕێگەی کوحلی چاوی ئەشکباری بێ!

سەرچاوە: نالی

ئەطوار

جەمعی طەورە،

مەشرەبی « نالیی » گەلێ ئابیی و ترشە، بەڵێ
موعتەریفه خۆی دەڵێ: چا نییە ئەطواری من

سەرچاوە: نالی

ئەغیار

بێگانە و ناحەز.

شەربەتی خەوف و ڕەجای ئەغیار و یار
ترش و شیرین هەم دەچێژم، هەم دەخۆم

سەرچاوە: نالی

ئەفگار

بریندار و ماندوو و شەکەت.

حیکمه تی تۆ مولهەمه، هەم قەدەمت مەرحەمە
موستەحەقی مەرهەمه سینەیی ئەفگاری من

سەرچاوە: نالی

ئەنبار

عەمار.

لامەدە « نالیی » لە ئەنباری جیرایەی صاڵحان
گەرچی ببیە خۆشەچینی دانەیی خەرمانی ڕۆم

سەرچاوە: نالی

ئەنهار

جەمعی (نەهر) ە واتە جۆگه.

ڕۆژ پڕە گوێمان لەبەر ئەنهار و جۆگە و هاژە هاژ
شەو نییە خەومان لەبەر قرژاڵ و بۆق و ژاوە ژاو

سەرچاوە: نالی

ئەنوار

جەمعی (نەور) ە واتە

نەجم و شەجەر و نەرگس و ئەنواری شگۆفە
جیلوەی چەمەنن، یەعنی زەمین بوو بە سەماوات

سەرچاوە: نالی

ئەوبار

جەمعی وەبەره واتە کورگ.

صۆفیی کە گرانبارە، بێ مەغز و سەبوکبارە
صووفپۆشێ غەمی بارە، ئەو باری لەکن پەشمە

سەرچاوە: نالی

بابای عەییار

وەک له ئەفسانەدا ئەیگێڕنەوە کابرایەک بووە له دەستە و دائیرەی ئەسکەندەری مەکدوونیدا، ئارەزووی لە کێ بووبێ بچێتە شێوەیەوە، چووەتە شێوەیەوە.

که دیتم شەکڵی صەد ڕەنگی، گوتم: بابایی عەییارە
که بیستم لەفظی بێدەنگی، گوتم: شەیپووری شاپوورە

تۆڕی زاراوەپارێزیی وشەدان