وشەدان

سەرچاوە: نالی

تاریی

هەڵاتوو.

لە چاوی (ڕوودبار) م (نووری) دیتن وەقتە تاریی بێ
ئەمیش با ماجەرای هیجرانی (نووریی ڕوودباریی) بێ!

سەرچاوە: نالی

تاڵی شاریی

دەرمانێکە بۆ خۆشکردنی پێستە بەکاری دێنن.

پۆست بە کۆڵی (عامیری) فەرمووی کەوا بۆ پوختە بوون
جەوتی سەرکێوان گەلێ چاتر لە (تاڵیی شاری) یە

سەرچاوە: نالی

تەدارەک

فریاکەوتن. ئامادە.

بەقییەی عومری ضایع گەر مورادت پێ تەدارەک بێ
حەیاتی مەککەت و مەوتی مەدینەت جەبری نوقصانە

سەرچاوە: نالی

جاروبار. لەبالەب

جێی دەم دەمە، جێی لەب لەبە، ساقی وەرە ئیمشەب
هەم ماچی دەمادەم بدە، هەم جامی لەبالەب

سەرچاوە: نالی

جاریح

ڕەخنەگر و بریندارکەر.

ئەم صاحێبی تەشریحە دەبێ هەیئەتی چا بێ
هەم شاریح و هەم جاریح و مووضییحە گوشا بێ

سەرچاوە: نالی

جاریی

ڕەوان.

فویووضاتی (صەفا) و (مەروە) هەروەک ناودان دەمدەم
لە یەنبووعی دڵی پڕ زەمزەمەی میزابی جاریی بێ!

سەرچاوە: نالی

جیفە خواریی

خواردنی مردارەوە بوو.

بێ تووکی جیفە خواریی و گورگین و بێ وجوود
لەم ئاو و خاکه ظاهیر و باطین موکه ددەرە

سەرچاوە: نالی

حاریس

پاسەوان.

ئەژدەهای زوڵفی لە دەوری گەنجی حوسنی حاریسە
حەڵقە حەڵقە، چین بە چین، سەرتا بە خواری گرتووە

سەرچاوە: نالی

حەرارەت

گەرما.

ئەکثەر کەسینه، تابیعی بەرد و حەرارەتە
یەعنیی وەقوودی نارە، بوخاری موسەییەرە

سەرچاوە: نالی

حەرارەتنوما

گەرمانوێن.

غەیری تەڕییی عیشقی حەرارەتنوما، نەما
بەفریش لە سەرد و گەرمی خەجاڵەت توایەوە

سەرچاوە: نالی

خارا

جۆرە قوماشێکی ئاوریشمە لە جوانیدا وا دێتە پێش چاو کەوا شەپۆل ئەدا. دوو جۆری هەیە

خارایی سەوز و شینی لەبەرکردووە جەبەل
دامێنی وەردی سوورە کە دەستم بە دامەنی!

سەرچاوە: نالی

خارخاری ﹺ

دڵەکوتە و یاد و ئارەزوو.

فَباغاتُهُ داغاتٌ جَرگِ الشَّقائِقِ
فَوا دَر ْدَتیِ مِنْ خارْ خارِی لِوَرْدِهِ

سەرچاوە: نالی

خاریقی عادات

ئەو کردارانەی لە توانای هەمووکەسدا نین و خواوەند بەهرەی لێهاتنیان تەنها بە هەندێ کەسی هەڵبژاردەی خۆی ئەدا.

« نالیی » یەک و ئەو کەس کە تەماعی غەزەلی بیست
مەعلوومی بووە زۆر و کەمیی خاریقی عادات

سەرچاوە: نالی

خواریی

ذەلیلیی.

شوکر « نالیی » سەری خەصمت وەکو گۆ
بە خواریی، نەک بە یاریی، کەوتە بەر شەق

سەرچاوە: نالی

دارا

دارێوش، دوا پادشای بنەماڵەی هەخامەنشی کە ئەسکەندەری مەکدوونی بەزاندی.

بە سەراوێزەیی چاوێنەییی کەللەی سەریان
لە کەی و قەیصەر و ئەسکەندەر و دارا نییە باس

سەرچاوە: نالی

دارزردە

داری زەرد، شاخێکه له قەرەداغ.

شَوانیِ (سُلَیمانیِ) و صَبایْ (پیرْ مَصورَ) کَیْ
کِوانیِ (قَرَەداغٌ) و هَوایْ (دارِ زَرْدِ) ەِ

سەرچاوە: نالی

داری هیند

داری بخوور کە بۆ بۆنخۆشیی ئەیسووتێنن.

داری ئیراک و داری هیند هەردوو کە عوودە ئیسمیان
هەمدەمی سوننەتە ئەوەم مەیلی ئەبوولەهەب دەکا

سەرچاوە: نالی

دلارامی

مایەی ئارامیی دڵەکەی، یارەکەی.

عاشق دڵی نایێ لە دلارامی جودا بێ
ئەڵبەت کە دڵارامیی لەوێ بێ، دڵی نایێ

سەرچاوە: نالی

دلارامیی

دڵ ئارامیی، ئارامیی دڵ.

عاشق دڵی نایێ لە دلارامی جودا بێ
ئەڵبەت کە دڵارامیی لەوێ بێ، دڵی نایێ

سەرچاوە: نالی

زیارەت

زیارەتی گۆڕ.

سەر خاتیمەیی حوسنی عیادەت کە نەهاتی
بارێ بگەرە فاتیحەوو دەئبی زیارەت!

تۆڕی زاراوەپارێزیی وشەدان